Их Британийн Засгийн газраас хууль бус дүрвэгч, цагаач иргэдийг хүлээж авахыг хориглох “шударга хил” нэртэй шинэ хуулийн төслийг хэлэлцэж байна. Английн сувгаар дамжин олон тооны хууль бус цагаач, дүрвэгч завиар Их Британид ирдэг аж. Тэгвэл Их Британийн Дотоод хэргийн сайд Прити Пателийн мэдээлснээр гэмт хэргийн бүлэглэлд мөнгө төлж, хууль бусаар тус улсад ирсэн бол дүрвэгч, цагаачдыг хүлээж авахаас татгалзах гэнэ.

Өмнө нь Их Британи нь орогнол хүссэн иргэдийг хэрэглэхгүй болсон газрын тос олборлох байгууламж эсвэл тэнгист хөвдөг сууц барьж байршуулах, мөн Папуа Шинэ Гвинейд хуаран барьж байршуулах зэрэг төлөвлөгөөг танилцуулсан нь олон нийтийн хүчтэй шүүмжлэлтэй тулгарчээ.

Эх сурвалж: Reuters