Хөгжлийн бэрхшээлтэй иргэд хуулийн хэрэгжилтийг шаардав | News.MN - Мэдээллийн эх сурвалж

Хөгжлийн бэрхшээлтэй иргэд хуулийн хэрэгжилтийг шаардав

Хуучирсан мэдээ: 2016.02.16-нд нийтлэгдсэн

Хөгжлийн бэрхшээлтэй иргэд хуулийн хэрэгжилтийг шаардав

Монголын Хөгжлийн бэрхшээлтэй иргэдийн Үндэсний зөвлөлийн тэргүүн М.Баясгалан, Монголын Дүлий иргэдийн үндэсний холбооны ерөнхийлөгч Т.Цэдэнбал, Хөдөлмөрийн баатар, гавьяат тамирчин, паралимпийн аварга, Хөгжлийн бэрхшээлтэй иргэдийн нэгдсэн холбооны ерөнхийлөгч Д.Баатаржав нар өнөөдөр сэтгүүлчдэд хандан мэдээлэл хийлээ. Тэд Хөгжлийн бэрхшээлтэй иргэний эрхийг хамгаалах тухай хуулийн хэрэгжилтийг хангаж өгөх шаардлагыг УИХ-ын гишүүдэд хандан тавилаа.

УИХ-ын намрын чуулганаар баталсан Хөгжлийн бэрхшээлтэй иргэний эрхийг хангах тухай хуулийн эцсийн найруулгыг ээлжит бус чуулганаар сонсох ёстой юм байна. Гэвч ээлжит бус чуулганы нээлт энэ сарын 18-н болж хойшлогдсон. Хөгжлийн бэрхшээлтэй иргэдийн хувьд дээрх хууль нэг хоногийн өмнө ч болов хэрэгжих нь чухал байгаа. Харин хууль хэрэгжихийн тулд эцсийн найруулгыг сонсч, батлах ёстой байдаг. Энэ процедур ээлжит бус чуулган эхэлж чадахгүй байгаагаас хойшилж буй аж.

Монголын Хөгжлийн бэрхшээлтэй иргэдийн үндэсний зөвлөлийн тэргүүн М.Баясгалан “УИХ энэхүү хуулийн эцсийн найруулгыг сонссоны дараа хууль бүрэн үйлчлэх ёстой. Бид энэ хуулиа хурдан хэрэгжээсэй гэж хүсч байна. Үр дүнг нь амьдралдаа хүртэх гэж хичээж байна. Хөгжлийн бэрхшээлтэй иргэдийн хувьд нэг өдрийн өмнө, нэг цагийн өмнө энэ хууль хэрэгжихийг хүсч байна.  Гэтэл УИХ-ын ээлжит бус чуулган товлосон хугацаандаа нээлтээ хийж чадсангүй. Ийм чухал асуудлуудыг хойш нь тавиад хуралдаа суухгүй байгаа гишүүдэд харамсч байна. УИХ-ын гишүүдээ та бүхэн хуралдаа суугаач ээ. Өнөөдөр эдийн засаг, улс орны байдал хүнд байгаа энэ үед ялангуяа хөгжлийн бэрхшээлтэй иргэн, нийгмийн эмзэг бүлгийнхний амьдрал хүнд байна. Энэ чухал хуулиа гаргаад, амьдралд минь хэрэгжүүлээд өгөөч гэж хүсч байна” гэлээ.

Хөгжлийн бэрхшээлтэй иргэний эрхийг хангах тухай хуульд хөгжлийн бэрхшээлтэй иргэдийг нийгмээс ялгаварлан гадуурхахыг хориглох, ялгаварлан гадуурхсан тохиолдолд хүлээлгэх хариуцлагыг тодорхой зааж өгсөн байна. Мөн хөгжлийн бэрхшээлтэй иргэний хөдөлмөр эрхлэлтийг төрийн болон байгууллагын зүгээс хэрхэн дэмжих тухай асуудал нарийвчлан туссан. Түүгээр зогсохгүй энэ хуульд хөгжлийн бэрхшээлтэй иргэдийг ипотекийн зээлд хамруулах асуудал ч багтжээ. Агуулгаараа бол хөгжлийн бэрхшээлтэй иргэдийн эрхийг хамгаалах,  сурч боловсрох, ажиллаж хөдөлмөрлөх, аятай тухтай орчинд амьдрах бүхий л бололцоог хангахыг эрмэлзсэн хууль юм байна. Тиймээс хуулийн хэрэгжилтийг нэг өдрийн өмнө ч болов хангуулах шаардлага байгааг УИХ-ын гишүүдэд ойлгуулж өгөхийг хүсэв.

Г.ДАРЬ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-02-16 103.57.94.221

ЗӨВ ШҮҮ

Зочин 2016-02-16 150.129.141.104

Хөгжлийн бэрхшээлтэй иргэн Шинжлэх ухааны мэдээ сэтгүүлд нийтлэл хэвлүүлэх гэсэн чинь Г.Пүрэвдорж нарийн бичиг нь нийтлэлийг минь анх дуртай хүлээн авсан ч дараа нь эрүүл бишч эдгээрч байгаа хүн гэдгээ түүнд хэлтэл мэдэнгүүтээ уурлан хэвлэхээс шууд татгалзсан хариу өгсөн. Ямар хүндэтгэх шалтгаан, алдаа байна гэхэд судалдаг техникийн Ansys программыг чинь мэддэг эзэмшсэн монгол мэргэжилтэн байхгүй тул ямар алдаа гаргасныг чинь хэлж чадахгүй байна гэсэн. Согогтой гэж тооцдог хүний сурсан зүйлийг эрүүл монгол эрдэмтэд эзэмшиж чадаагүй байгаа нь гутамшиг ба хүнийг арьс өнгөөр ялгаварлдагтай адил ингэж гутаах нь шившиг баймаар. Өөр шинжлэх ухааны сэтгүүл монголоос хайгаад олдоогүй л байна даа. Сэтгүүлийн эрхлэгч болон академийн дэд ерөнхийлөгч Эргэдэлд хандахад хүнтэй зөв харилцаж сур гээд нарийн бичигтээ энэ хүнийг өрөөнд ахин бүү оруулаарай гэсэн үүрэг өгсөн. Хэлсэн зүйлс нь юу гэсэн утгатай үг болохыг ойлгоогүй тул та бүхэн тайлбарлаж өгнө үү. Уул нь тус сэтгүүлд урьд нь монгол хүн судалж байгаагүй хэвлэгдэж байгаагүй зүйл бичин хэвлүүлэх ёстой ба дүрэм журмых нь дагуу бүх юм аа бичиж өгсөн ба өө олж чадаагүй Пүрэвдорж чи хаана ч хандсан намайг дийлэхгүй гэсэн. Хүний эрхийн комисст хандахад нийтлэлтэй холбоотой хууль байдаггүй тул ямар ч арга алга. Уул нь монгол хүн шинжлэх ухааны хөгжилд хувь нэмрээ оруулах үүрэгтэй л дээ иймд тэр хүнээ сайн ятга гуй гэсэн ба хүнд сурталтан бэртэгчин өвгөн хүний ааш занг хэрхэн зөөлрүүлдгийг ард түмнээсээ асууя. Монголд өөр шинжлэх ухааны сэтгүүлийн хаягийг хэлвэл тун баярлана шүү.

Зочин 2016-02-16 103.57.94.182

ЗӨВ ШҮҮ