CGTN: 20 мянган хонь айсуй | News.MN

CGTN: 20 мянган хонь айсуй

CGTN: 20 мянган хонь айсуй

Монгол Улсын Ерөнхийлөгч Х.Баттулга энэ оны хоёрдугаар сарын сүүлчээр БНХАУ-д гэнэтийн айлчлал хийж, БНХАУ-д Монголын ард түмний чин сэтгэлийн бэлэг 30 мянган хонь хандивлаж байгаагаа дуулгаад "Монголчууд хүндрэл бэрхшээл тулгарсан нэгэндээ тусалж дэмждэг ард түмэн. “Тэнхлүүн явахад тэмээгээр тусалснаас тэвдэж явахад тэвнээр тусал” гэсэн зүйр үг байдаг. Найрсаг харилцаатай өнө мөнхийн хөршийн хувиар Монголын ард түмэн энэхүү хүнд үед Хятадын ард түмэнтэй хамт гэдгийг илэрхийлж байна" гээд, 30 мянган хонь хандивлах батламжийг БНХАУ-ын дарга Ши Жиньпинд гардуулсан билээ.

Хятадын төрийн өмчит, олон улсын мэдээллийн CGTN агентлаг өнгөрсөн Лхагва гариг (2020.09.30)-т албан ёсны твиттер хуудастаа “Хонь ирж байна” гэсэн гарчигтай товч мэдээ жиргэсэн байна. Тус мэдээнд Монгол Улсын Ерөнхийлөгч шинэ төрлийн коронавирусийн эсрэг тэмцэлд дэмжлэг үзүүлэх зорилгоор 30 мянган хонь хандивласнаас 20 гаруй мянга нь Монгол Улсын зүүн өмнөд нутаг Дорноговь аймагт 30 хоногийн хорио цээрийн дэглэмд байна” хэмээн дурджээ.

Дорноговь аймгийн ХХААГ-ын дарга Ж.Наранболд өнгөрсөн наймдугаар сарын сүүлээр, бэлгийн хонийг хэрхэн хилээр нэвтрүүлэх талаар ямар нэгэн чиглэл ирээгүй, хонь худалдан авч тодорхой хугацаанд эрүүл мэнд, хорио цээрийн дэглэм сахиулан, Замын-Үүдийн боомтоор хөлөөр нь нэвтрүүлэх асуудлыг Засгийн газрын хуралдаанаар оруулж батлуулах асуудал яригдаж байгаа талаар мэдээлсэн билээ. Хамгийн сүүлийн мэдээллээр, Хятадын талаас хандивын хонийг амьдаар нь авах хүсэлтээ илэрхийлжээ. Гэвч хонийг хөлөөр нь гаргаснаар монгол малын ген нь алдагдана гэж эсэргүүцэх хүн цөөнгүй байгаа юм.

Хүнс, хөдөө аж ахуй, хөнгөн үйлдвэрийн яамны харьяа Малын удмын сангийн үндэсний төвийн захирал П.Ганхуяг манай сайтад ярилцлага өгөхдөө “Малын генетикийн тухай хуулиар тухайн жилд экспортлох, импортлох мал амьтны тоо хэмжээг Засгийн газраас жил бүр гаргаж өгдөг. Зарим хүмүүс монгол малын ген гадагшаа гарах нь гэхчлэн ярьж байна. БНХАУ руу хонийг амьдаар гаргах нь хориотой зүйл биш. Өнгөрсөн жил Монгол Улсаас Лаос улсад 1000 хонийг хандив тусламжаар өгөхдөө онгоцоор ачуулж байсан. БНХАУ-д монгол мал өсч үржээд, генетик нь сайжраад явж байвал заавал өмчирхөөд байх асуудал биш. Монгол Улс  малынхаа ашиг шимийг сайжруулахаар гаднаас мал авдаг шүү дээ.

Удам зүйн хувьд Монгол Улсад байгаа мал өөр улс руу гарахад монгол малын ген алдагдана гэсэн үг биш. Монгол Улс өөрийнхөө малыг зөвхөн Монголын өмч гээд хадгалаад байж болохгүй. Харин ч монгол малыг гадаадад сайжруулаад, өсгөөд явж байвал сайн шүү дээ” гэсэн хариулт өгч байв.

БНХАУ-д цар тахлын гамшиг нүүрлэсэн хүнд хэцүү үед Монгол Улсаас хандив тусламж болгон өгч буй 30 мянган хонины тухай баримтат киног энэ сарын сүүлээр дэлгэцэнд гаргахаар уран бүтээлчид ажиллаж буй юм.

Хятадын талаас энэхүү баримтат киноны зураг авалтыг эхлүүлж байгаагаа зарласан албан ёсны арга хэмжээ өнгөрсөн наймдугаар сарын 10-нд БНХАУ дахь Монгол Улсын Элчин сайдын яаманд болсон. Тус баримтат киног БНХАУ-ын Хэпин (Peace international) компанийн захирал Д.Энхбаяр санаачлан, киноны уран бүтээлчид болон хөрөнгө оруулагчидтай хамтран бүтээхээр болжээ.

Д.Энхбаяр нь ӨМӨЗО-ы Алшаа аймгийн уугуул, нэртэй хөгжмийн зохиолч нэгэн юм байна. Киноны зохиолыг Шан Шүэ Вэнь, Жү Шэнь Ли нар хамтран бичиж, "Чонон сүлд" кинонд туслах найруулагчаар ажилласан мэргэжилтнүүд найруулах ажээ.

Нийт гурван бүлэг, 45 минутын энэхүү баримтат кино аравдугаар сарын сүүлээр нээлтээ хийх бөгөөд киноны зургийг Монголын 21 аймгийн малчны хотонд авахаар төлөвлөсөн байна.

Эх сурвалж: CCTV, CGTN
Б.ЖАРГАЛ

Энэ мэдээнд өгөх таны сэтгэгдэл?
13
ЗөвЗөв
3
ХахаХаха
3
ТэнэглэлТэнэглэл
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-01 43.242.242.59

Манай Ерөнхийлөгчийн зоригтой зөв үйлдэл нь дэлхий бусад орон БНХАУ-аас айж, зай барьж сэжиглэж байсан тэр хэцүү үед нь урам зориг итгэл үнэмшилийг хайрласан явдал болсон. Монголоос өөр ямар ч орон ийм зүйл хийхгүй. уул нь манай хоёр орон хоорондоо эвтэй найртай, харилцан нэг нэгэндээ туслаж дэмжиж байвал хэн хэнд нь хэрэгтэйсэн. БНХАУ-ын төр, засгийн газар нь өөрийн нутагт амьдарч байгаа монгол үндэстнээ ойлгож хүндэлж байвал бидний сэтгэл тайван байна.

Avatar

Зочин 2020-10-01 199.249.230.178

Хятад эрлийзүүдийн мөрөөдөл байна даа. Бүх улс яагаад зайгаа бариад байна гэдэг чинь дэлхийн асуудал болоод байхад энд наалдаж нэгдье гэж хонь өгөөд яриад байгаа чинь Монголын асуудал болоод байна.

Avatar

Г.Батнасан 2020-10-01 183.177.99.230

Миний бодлоор бол буруутгаад байх зүйл байхгүй. Амлаад ирхэд нь манай Ерөнхийлөгч мөн ч ухаалаг алхам хийлээ л гээд байсан, энд тэндгүй л хэдэн мянгаар нь хувь нэмэр оруулая гээд л өрсөлдөөд байсан одоо яг өгөх болхоороо элдэв юм бичээд байх нь Монгол хүний жудаг, ёс мөн үү? Нэгэнт амлачихсан, түүнийгээ дэлхий нийтэд зарлачихсан хойно элдэв хэл яриагүй, дариухан өгөх л хэрэгтэй

Avatar

Зочин 2020-10-01 192.82.64.64

Uuriinh ni ehluulsen hov jiv shdee Hyatad manai daisan tank oruulj irne Hyatadiin e****z hurliiz ulsuud geed l sayhan sevj baigaad Ek boloo bozdee Ter yaria itgel unemshil iig ni demjij songoson humuus hulhiduulsanaa oilgo Mi.Enhbold ene honi uguh asuudaliig yarisan duusaa aluulahaas naaguur yum bolno hudalch hunii neeree olon gej

Avatar

Зочин 2020-10-01 122.201.21.120

Тэр хэдэн хонио хурдхан гаргаад ,энэ хониноос дор ухаантай хэдэн хүмүүсийн чалчаа яриаг бушуухан дуусгавар болгоё.

Avatar

bat 2020-10-01 192.82.65.182

hyatadad manaihaas havigui iluu gentei mal baidag yum shuu dee.er ni ene belgee ali boloh duulian bagatai ogood duusval sain bna.

Avatar

ард олон 2020-10-01 202.126.89.109

ХЯТАД УЛСАД 30000 ХОНИО ӨГНӨ ШЭЖ АМЛААД ЯАСАН ИХ УДДАГ ЮМ БЭ САНАА ЗОВМООР ЮМАА УГ НЬ ЭНЭ УРД ХӨРШ ЧИНЬ БИДЭНД БАЙНГА Л ГАРАА СУНГАЖ БАЙДАГ МАШ САЙН ХӨРШ ШҮҮ ДЭЛХИЙН БУСАД УЛСУУД ХҮРТЭЛ ХЯТАДЫН ТҮНШ БОЛЖ ХӨРӨНГӨ ОРУУЛАЛТЫГ НЬ АВАХААР ХӨӨЦӨЛДӨЖ БАЙДАГ,ХАРИН МАНАЙХ ХАЯАНД НЬ БАЙЖ ЖААХАН АЯЛАХ ХЭРЭГТЭЙ ШҮҮ ДААН ЯЛАНГУАЯ ЭЗ ийн АСУУДАЛ БОЛ ӨМНӨД ХӨРШӨӨСӨӨ Л ХАМААРЧ ХӨГЖИЖ ИРСЭН ГЭДГИЙГ МОНГОЛЫН АРД ТҮМЭН МАРТАХ ЁСГҮЙ ЮМ.

Avatar

Хятад мөрөөдөл 2020-10-01 147.135.112.147

Хятадуудын чин мөрөөдөл бол Монголын тэргүүн хүнээр Хятадад элэгтэй хонь өгдөг, хууль засаж өгдөг, улс орныг сүйтгэдэг, Монголд дахь Хятадуудад элэгтэй найз хүнийг дахин Монголыг удирдаасаа хурдан эзэлж авах юмсан гэж мөрөөдөж байгаа. Монгол дахь Хятадуудын чин хүсэл мөрөөдөл дөө.

Avatar

Монголыг бэлэглэж чаднаа 2020-10-01 51.195.149.84

Нэг шинэ Монгол хүн төрөх үед нэг халуун хошуут төлөг хонь бэлэглэдэг байж. Түвдийн цагаач гаралтай Баттулга үүгээрээ Монголыг бэлэглэсэн ч болно шүү гэдгээ Хятадуудад хэлж байгаа санаа юм. Манай ардчилалын алдаа бол энэ дээ мөнгөтэй бол цагаач оргуул босуул хүн хүртэл улсынхан тэргүүнийг хийж болдог. Хятадууд мөнгөөр цодоод төрийн тэргүүнийг хүртэл булаан авч болдог арын хаалга үлдсэн байдаг юм. Монгол сэтгүүлчид мэдээгүй байхад нууцаар зураг авсан юм уу даа.

Avatar

Зочин 2020-10-01 183.177.99.226

Тооцоотой л амласан байлгүй дээ, хурдхан йгйх хэрэгтэй

Avatar

ТодорхоЙ 2020-10-01 59.153.84.139

Хашигдаж хоригдож шоронд орсон хонь

Avatar

Иргэд 2020-10-01 59.153.84.139

Шоронд орсон хонь

Avatar

Зочин 2020-10-01 66.181.161.32

Соц-змын үед мал туувар гэж маш их ажил өрнөдөг байлаа. Гэтэл тэр олон зуун мянган малыг маань суурь сууриар нь СССР рүү хөлөөр тууж гаргадаг, харин монголчууд бидэнд өдрийн хоол хийх мах олддоггүй л байсан шүү дээ!!! ЗХУ манай 1 хонийг 6 рублиэр авдаг байсан шүү!!! 6 рубль гэдэг бол 2 шил водканы л мөнгө байсан юм шүү дээ!!! Тэр үед монгол малын ген хамгаалах тухай хэн ч дуугарч байгаагүй!!

Avatar

МӨӨГИЙ 2020-10-01 5.181.233.182

МОНГОЛ ХОНЬ ГАНЦХАН МОНГОЛД БИШ ОРОСТ ХЯТАДАД ИЛҮҮ ОЛОН БАЙГААГ ЭРЭЭНЭЭС ЦААШ ЯВААД ХАРЦГАА? ТУВА ЧИТА БУРИАДАД ӨЧНӨӨН БАЙГАА АМЬДААР ГАРГАХГҮЙ БОЛ МАШ ИХ ЗАРДАЛД НЯДЛАХ ХӨЛДӨӨХ ХАДГАЛАХ АЧИХ ТЭЭВЭРЛЭХ ГЭЭД ТЭРБУМААР ГАРАХЫГ ӨӨРСДӨӨ ГАРГАХ БОЛЧИХНО. ЗОВООХ ШААРДЛАГА БАХГҮЙ ЯГ МОНГОЛД БАЙГАА ШИГ ГАЗАР НУТАГ ӨВӨР МОНГОЛООР ӨЧНӨӨН БАЙНА МЭДРЭЛ МУУ МАЛУУД

Avatar

Зочин 2020-10-01 202.9.40.108

Мал шигээ тэнэг юм.үндэснийхээ ёсоор төхөөрөөд гаргаач.хөөрхий хонь яаж зовох бол?

Avatar

Зочин 2020-10-01 203.91.115.253

Хэлсэн амандаа бид хүрэх ёстой. Мөнхийн хөрш, өнөөдөр бол Монголыг тэжээж байгаа орон. Эв найрыг эрхэмлэн, зэрэгцэн орших нь чухал.

Avatar

Зочин 2020-10-01 103.57.95.184

ЮУ ЯРИНА ВЭ. МОНГОЛЫГ МОНГОЛ ӨӨРӨӨ Л ТЭЖЭЭЖ БАЙГАА. ТЭЖЭЭХ ГЭДЭГ ҮГ ЧИНЬ БУРУУ ШҮҮ. БИД ХУДАЛДААЛ ХИЙЖ БАЙГАА.

Avatar

Зочин 2020-10-01 203.91.115.253

Бид дээлийн даавуу, барьдаг гар утас, ОХУ-аас жил бүр бензин авдаг 1 тэрбум ам.долларыг өөрсдөө бий болгоод, хэнээс ч юу ч гуйхгүй байвал Монгол маань өөрсдийгөө тэжээдэг гэж ам бардам хэлж болно. Гэхдээ газар нутгийн байдал болон худалдааны онцлогоос хамаараад яах аргагүй БНХАУ руу экспортынхоо 95%-ийг гаргаж, тэндээс 3 тэрбум орчим ам.доллар олоод, үүгээр ОХУ-аас бензин, Японоос машин, АНУ-аас тоног төхөөрөмж, БНХАУ-аас бараг бүх зүйлээ авч байгаа нь үнэн билээ. Санал солилцсонд баярлалаа.

Avatar

Зочин 2020-10-01 66.181.161.32

Монголоос орос руу гаргах экпортын бараанд ОХУ-ын тал 38%-ийн татвар ногдуулдаг учраас оросууд манайхаас бараа авах сонирхолгүй (ашиггүй) байдаг!! ОХУ-ынтөрийн бодлого нь Монголын экспортыг боомилоход чиглэж байгаа нь энэ юм!!!

Avatar

Зочин 2020-10-01 103.212.119.224

Цаг цагаараа байхгүй. Хонь өсөх тул өг өг. Харин монгол хүний эрх чөлөөг хамгаална шүү.

Avatar

МАЛЧИН 2020-10-01 59.153.113.252

Мөнхийн хөршдөө туслах нь зүйн хэрэг болой

NewsMN Гар утасны хувилбар Татах
NEWS.mn

Мэдээллийн эх сурвалж