Аравдугаар сарын өрнийн зурхай | News.MN

Аравдугаар сарын өрнийн зурхай

Аравдугаар сарын өрнийн зурхай

Аравдугаар сарын өрнийн зурхай

Хонь

Ажил хэрэг: Бизнес эрхлэгчид сард ашигтай ажиллах хүсэл эрмэлзэл дүүрэн байна. Сарын дунд үед ийм боломж тохиож болзошгүй. Санхүүгийн хувьд зарлагатаа анхаарахгүй бол нэг л мэдэхэд хоосорсон байж мэднэ. Энэ сард таны ашиг орлого тодорхой хэмжээнд өсөн нэмэгднэ.

Хайр дурлал: Энэ сард хайрттайгаа ихээхэн маргалдаж болзошгүй. Гэсэн хэдий ч тэдэнтэй ярилцаж тэднийг сонсох хэрэгтэй.  Ерөнхийдөө энэ сар хонины ордныхны хайр дурлалд ээлтэй.

Эрүүл мэнд: Хүнд өвчин энэ сард тусахгүй. Харин халдварт өвчнөөс сэргийлэх шаардлагатайг анхааруулж байна.

Үхэр

Ажил хэрэг: Таны орлого нэмэгдэж, тун удалгүй гайхалтай ашигтай гэрээнд гарын үсэг зурж магадгүй. Ажлын ачаалал мэдэгдэхүйц нэмэгдэх ч түүнийгээ дагаад орлогын хэмжээ бас өснө. Орлогын үндсэн эх үүсвэрээс гадна мөнгө олох хэд хэдэн арга гарч ирж магадгүй.

Хайр дурлал: Энэ сар таны хайр дурлалын амьдрал маш аз жаргалтай байх бололтой. Ганц бие үхрийн ордныхон шинэхэн хөрштэйгөө дурлалцаж магадгүй. Хэд хэдэн удаагийн чин сэтгэлийн яриа, болзоо та хоёрыг халуухан дурлалд хөтлөх болно. Харин гэрлэсэн хосууд, гэр бүлүүд хамтдаа сайхан цагийг өнгөрөөх гэнэ.

Эрүүл мэнд: Эрүүл мэндийн хувьд энэ сар ноцтой асуудал үүсэхгүй. Гэхдээ биеийн эсэргүүцлээ дэмжин дасгал хөдөлгөөн хийж, эрүүл хооллох нь хэзээд илүүдэхгүй гэдгийг санаарай.

Ихэр

Ажил хэрэг: Бизнес эрхлэгчдийн хувьд энэ сар тийм ч таатай байхгүй. Хамаг хүчээрээ шаргуу хөдөлмөрлөлөө ч санаснаар болохгүй байж болно. Гэсэн хэдий ч амар хялбар аргаар мөнгө олж болохгүй. Санхүүгийн хувьд томоохон шийдвэр гаргахдаа сайтар тунгаах шаардлагатай. Гэр бүлийн хүрээнд төлөвлөөгүй зардлууд гарч болзошгүй. Иймд ирээдүйд зориулан мөнгө хадгалах шаардлагатай.

Хайр дурлал: Ганц бие ихрийн ордныхон харж явдаг хүнтэйгээ болзож цаашлаад үерхэж магадгүй. Хосуудын хувьд бие биедээ дарамт болох, муудалцах асуудлууд энэ сард тулгарна. Хостойгоо ойлголцож шийдэх нь чухал.

Эрүүл мэнд: Энэ сард эрүүл мэнддээ ихээхэн анхаарах хэрэгтэй. Түргэн хоол зэргээс хордлого авч болзошгүй тул татгалзах хэрэгтэй. Энэ сард ходоодондоо анхаарах шаардлагатай.

Мэлхий

Ажил хэрэг: Бизнесмэнүүд өөртөө хэт итгэхээ хязгаарлах нь тустай байж мэднэ. Харин ажилтан мэлхийнүүдэд энэ сарын турш ажлын байр нь нэг л тухгүй, хөндий санагдаж магадгүй. Том зарлага гарахгүй боловч мөнгөө үрэхдээ анхааралтай байх хэрэгтэй. Ажиллах эрч хүч мэдэгдэхүйц нэмэгдэж, зорилгодоо хүрэхэд тус болно.

Хайр дурлал: Ганц бие мэлхийн ордныхон ажлын газраасаа, эсвэл ойрхоноос амьдралын ханиа олж магадгүй. Хостой мэлхийнүүд ч гэсэн гайхалтай мөчүүдийн эзэн болох гэнэ.

Эрүүл мэнд: Ноцтой асуудал үүсч зовоохгүй ч энгийн ханиад гэх мэт жижиг өвчин тусч магадгүй тул дархлаагаа эртнээс дэмжих хэрэгтэй шүү.

Арслан

Ажил хэрэг: Санхүү, мөнгөний асуудал энэ сард тун тогтвортой байх бололтой. Гэр бүл, орон байрны зардал өсөх бололтой. Бизнесийн хувьд хүнд боловч амжилттай цаг үе ирж байна.

Хайр дурлал: Ганц бие арслангийн ордныхон энэ сард хүнд дурлах бололтой. Харин гэрлэсэн хосууд хамтдаа аз жаргалтай байх болно.

Эрүүл мэнд: Энэ сард дасгал хөдөлгөөн хийж, биеийн дархлаагаа өвөлд бэлдэхэд тун тохиромжтой. Элдэв өвчин зовлонгоос хол байх боловч түргэн хоолноос татгалзаж, бялдаржуулах төвд бүртгүүлээрэй.

Охин

Ажил хэрэг: Санхүүгийн хувьд энэ сард таны орлого өсч нэмэгднэ. Үйл ажиллагаа, хэрэгцээгүй зүйлсэд дэмий зарлага гаргахаас зайлсхий. Ингэснээр ирээдүйд хэрэглэх мөнгөгүй болж болзошгүй. Мөнгө хадгалахыг охины ордныхонд зөвлөж байна. Бизнес эрхлэгчдийн хувьд энэ сарын турш сэтгэл хөдлөлөө барьж тогтвортой байхыг анхааруулж байна. Шаргуу хөдөлмөрлөж чадвал сарын сүүлд санасандаа хүрнэ.

Хайр дурлал: Ганц бие охины ордныхон хайр дурлалтай учирна. Гэрлэсэн хосууд энэ сард муудалцаж маргалдах боловч болзоонд явж хамтдаа цагийг сайхан өнгөрөөнө.

Эрүүл мэнд: Эрүүл мэндийн байдал тогтвортой сайн байна. Тогтмол дасгал хөдөлгөөн хийхийг зөвлөж байна.

Жинлүүр

Ажил хэрэг: Ажлын хамт олныхоо дунд шаргуу хөдөлмөр зүтгэлээрээ таны нэр хүнд энэ сард өснө. Бусдаас тусламж хүсэхэд буруу зүйл байхгүйг санаж, хамт олонтойгоо хамтарч ажиллах нь энэ сарын ажилд тустай. Ажлын цагаа хэтрүүлэн ажиллах нь бүтээмжийг өсгөхгүй тул илүү цагаар ажиллаж өөрийгөө зовоох хэрэггүй.

Хайр дурлал: Энэ сард таны анхаарлыг олон хүн татаж болзошгүй тул бүгдэд нь татагдаж цагаа дэмий үрэлгүй зүүд, зөн совиндоо найдахыг зөвлөж байна. Хостой жинлүүрийн ордныхон хостойгоо хамт аяллаар явах, агаар салхинд гарах нь та хоёрын дунд үүсээд байгаа асуудлыг хурдан шийдэхэд тус болно.

Эрүүл мэнд: Жинлүүрийн ордныхон энэ сардаа эрүүл мэнддээ анхаарах нь нэн чухал байна. Фитнессээр хичээллэх, дэглэм барих, хооллолтдоо анхаарах зэрэг эрүүл амьдралын хэв маягт хүйтний улирал ирж буй учир шилжих шаардлагатай болж байна. Ханиад болон бусад халдварт өвчнүүдээс сэргийлэхийг од эрхэс зөвлөж байна.

Хилэнц

Ажил хэрэг: Хилэнцийн ордныхон энэ сард санхүүгийн байдалдаа хянамгай байхыг од эрхэс анхааруулж байна. Энэ сард төлөвлөгөөгүй зардлууд их гарах тул сайн төлөвлөгөөтэй хандаж байж сүүлийн хоёр долоо хоногтоо санхүүгийн хүндрэлд орохгүй байж чадна. Энэ сард боловсролдоо оруулах хөрөнгө оруулалт нь танд үр өгөөжөө хурдан өгөх болно.

Хайр дурлал: Ганц бие хилэнцийнхний хувьд од эрхэс 8-ны өдөр гайхалтай учрал тохиож магадгүйг зөгнөжээ. Боломж тохиовол битгий алдаарай.

Эрүүл мэнд: Ажилдаа хэт их цаг зарцуулснаас болж эрүүл мэнд муудан, хууч өвчин сэдэрч болзошгүй тул хэт их ажиллалгүй эрүүл мэнддээ анхаараарай.

Нум

Ажил хэрэг: Нумын ордныхон энэ сард их зөнч, мэдрэмтгий байх нь. Энэ сард олон зөнтэй зүүд зүүдлэх тул зүүдэндээ сэрэмжтэй байхыг од эрхэс зөвлөж байна. Энэ сард бусдын тусламжид тэгтлээ найдалгүй өөрөө шаргуу хөдөлмөрлөхгүй бол эцэст нь юу ч үгүй болж магадгүй. Энэ сарын 27-ны өдөр танд Санчир гарагийн нөлөөллөөр хэрэгтэй энерги тань нэмэгдэх тул тэр хүртэл бага стресстэж, тайван байхыг анхааруулж байна.

Хайр дурлал: Хайр дурлалын амьдрал тань энэ сард нэг шат ахих тул 19-20-ны өдрүүдэд анхааралтай байж боломжийг алдаж болохгүй.

Эрүүл мэнд: Ажил болон эрүүл мэнддээ цаг зарцуулж, шинэчлэл хийснээр нөхцөл байдал сайжирна.

Матар

Ажил хэрэг: Матрын ордныхон энэ сард томоохон өөрчлөлтөд бэлэн байснаар тэдэнд сайхан зүйлс хаалгаа нээх болно. Сарын эхний 17 хоногт танд "Алладины дэнлүү" шиг том олз тохиох тул энэ боломжийг битгий алдаарай. Аравдугаар сар таны хувьд адал явдал ихтэй завгүй ажлын өдрүүдээр дүүрэн байх бололтой. Олон нийтэд илтгэл тавих, зөвлөгөө өгөх зэрэг ярилцлагад уригдаж үзэл бодлоо илэрхийлэх боломж тохиож магадгүй. Энэ сард таны оюун ухаан хамгийн сэргэг дээрээ байгаа тул энэ боломжийг зөвөөр ашиглаж хийж бүтээн шинийг эрэлхийлэх хэрэгтэй.

Хайр дурлал: Энэ сарын 16,17-ны өдөр таны энэ сарын онцлох чухал өдрүүд байх тул хостойгоо хоёулхнаа агаар салхинд гарах зэргээр амарч өнгөрүүлээрэй. Мөн гэртээ байгаа хэрэггүй зүйлсээсээ ангижрахыг зөвлөж байна.

Эрүүл мэнд: Эрүүл мэндийн байдал энэ сард тогтуун тайван байх хэдий ч өнгөрсөн сарын анхаарал халамжаа битгий багасгаарай.

Хумх

Ажил хэрэг: Хумхын ордныхон энэ сард өнгөрсөн сарынхаа стрессээс ангижирч шинэ сайхан зүйлстэй учрахад өөрсдийгөө бэлдэж болох нь. Зуны
турш таныг зовоож байсан асуудлууд цэгцэрч, эрч хүч нэмэгдэх гайхалтай шинэ сар таныг хүлээж байна. Эцэг эхдээ цаг зарцуулах шаардлагатайг од эрхэс танд сануулж байна.

Хайр дурлал: Энэ сард аялалд гарахаар төлөвлөсөн бол хойшлуулбал буруудахгүй. Хумхын ордныхон тэмдэглэлт өдрүүдийг сайхан өнгөрөөх төлөвтэй байгааг од эрхэс дамжуулж байна.

Эрүүл мэнд: Бархасбадь гарагийн байрлал таны эрүүл мэндэд нөлөөлөх тул согтууруулах ундаа хэтрүүлэн хэрэглэхгүй байхыг од эрхэс сануулж байна. Мөн хуучны муу зуршлууддаа дахин автаж болзошгүй тул цэвэр агаарт гарч, аль болох бага стресстэх нь зүйтэй.

Загас

Ажил хэрэг: Ангараг гарагийн байрлал энэ сард таны ажил үйлстэд сайнаар нөлөөлнө. Бие дааж аливааг хийх гэж зүтгэлгүй бусдын тусламжийг аван хамтарч ажиллахыг зөвлөж байна. Мөн өөрийн хүсэл сонирхлоо сонсож, хийхийг удаан хугацаанд хүсч байсан зүйлээ оролдоод үзээрэй. Таны шулуун зан, хурц үг хэл асуудалд оруулж болзошгүй тул шаардлагатай үед дуугүй өнгөрөх хэрэгтэй асуудлууд тулгарна.

Хайр дурлал: Таны хосын анхаарал халамж энэ сардаа их байх төлөвтэй байна. Түүнээс том зүйл гуйхаар төлөвлөж байгаа бол сарын дунд үеэр асуувал од эрхэс танд тусална.

Эрүүл мэнд: Энэ сард эрүүл мэнддээ анхаарч хоолны дэглэм барих, эмчид үзүүлэх зэргээр өөрийн эрүүл мэндээ бодох хэрэгтэй. Гэдэс тань энэ сард эмзэг байх хандлагатай тул түүнийг сайн асарч тойглон, хамаагүй хоол идэхгүй байхад анхаарууштай.

Энэ мэдээнд өгөх таны сэтгэгдэл?
7
ЗөвЗөв
2
ХарамсалтайХарамсалтай
1
ХахаХаха
1
ГайхмаарГайхмаар
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

haaahaaahaa 2020-10-01 193.176.211.70

jinluuriig unshdaa..urin dulaan tsag irj b.had gechihsen hezeenii zurkhai ve..neg yum aa dahin dahin taviad b.dag yjm uu? ugn zurkhai g od garigsiin toolloor gargadag bish bil yy

NewsMN Гар утасны хувилбар Татах
NEWS.mn

Мэдээллийн эх сурвалж