Өнөөдөр болох үйл явдал

Нийслэлийн Иргэдийн Төлөөлөгчдийн Хурлын 2020 оны сонгуульд өрсөлдөх нэр дэвшигчид өнөөдөр батламжаа гардана. Батламжийг нь улс төрийн нам, эвсэлд 09.30 цагаас эхлэн олгоно.

09.30 цагт Корпорейт зочид буудалд Прокурорын байгууллагын 90, Тээврийн прокурорын газрын 65 жилийн ойн хүрээнд “Зам тээврийн осол, хэргийн шалтгаан, нөхцөл, түүнийг арилгах арга зам, цаашид анхаарах асуудал”эрдэм шинжилгээний бага хурал болно. Утас: 99195325

11.00 цагт МОНЦАМЭ агентлагийн Мэдээллийн төвд Монголын үндэсний кино хорооноос “Монголын кино урлаг-2020” чуулга уулзалтын талаар мэдээлнэ. Утас: 99990101, 91997062

11.00 цагт ЭМЯ-наас коронавирусийн нөхцөл байдлын талаар цахимаар мэдээлэл хийнэ.

11.00 цагт Авто тээврийн үндэсний төвөөс өөрийн байрандаа улс хоорондын байнгын ачаа тээврийн С зөвшөөрөл олгохтой холбогдуулан аж ахуй нэгж байгууллагуудад хийсэн шалгалтын талаар мэдээлэл хийнэ. Утас: 88060109, 70070021

12.00 цагт Улсын дуурь бүжгийн эрдмийн театрт “Учиртай 3 толгой” дуурийн талаар мэдээлэл хийнэ.

14.00 цагт Харилцаа холбоо, мэдээллийн технологийн газарт тус газрын дарга Б.Болор-Эрдэнэ Олон улсын мэдээлэл зүйн олимпиадад алтан медаль авсан А.Нямдаваа болон математикийн олимпиадад өндөр амжилттай оролцсон хүүхдүүдийг хүлээн авч уулзана. Утас: 94999598

14.00 цагт Төрийн ордонд “Гадаад худалдаа, гадаад хөрөнгө оруулалтын форум” болно.

“Үндэсний мэдээллийн төв”-д

11.00 цагт "Энхрий үрс халуун сэтгэл" ТББ-аас Түлэнхийн төв эмнэлгийн С блокын газар дээр 12 давхар орон сууц барьж байгааг эсэргүүцэн жагсаал зохион байгуулж буй талаар мэдээлэл хийнэ.

11.30 цагт “Иргэдийн шударга шүүх ТББ-аас Ерөнхийлөгч, УИХ-ын дарга, Ерөнхий сайд нарт шаардлага хүргүүлэх талаар мэдээлэл хийнэ.

12.00 цагт Гашуун сухайтын тээвэрчдийн төлөөллөөс Онцгой бүсийн тээвэрт /нүүрс тээвэр/ эмх замбараагүй байдал үүссэн талаар мэдээлэл хийнэ.