Өвөрмонголчууд үндэсний хэлээрээ суралцах боломжгүй болсныг Монгол Улсын Ерөнхийлөгч асан Ц.Элбэгдорж үл зөвшөөрч, есдүгээр сарын 24-нд БНХАУ-ын удирдагч Ши Жиньпинд хандан асуудалд хүндэтгэлтэй хандахыг хүссэн захидал бичсэн билээ. Эл захиаг монголчууд эх хувиар нь харах хүсэлт тавьсан тул монгол, англи, хятад хэлээр бичсэн байна. Энэ тухай Монгол Улсын Ерөнхийлөгч асан Ц.Элбэгдорж цахим хуудсандаа "Сайн байцгаана уу. БНХАУ-ын дарга Ши Жиньпинд бичсэн миний захиаг эх хувиар нь харахыг олон хүн хүсчээ. Монгол, англи, хятад хэлээр Та бүхэнд захиаг хүргэж байна. Улаанбаатар дахь Хятадын Элчин сайдын яам захидлыг албан ёсоор хүлээн авсан атлаа, ноён Ши Жиньпинд хүргэхгүйг элдвээр оролдож байна. Захиаг хаягласан эзэн нь хартал давалгаалж түгээхийг Та бүхнээс хүсье" хэмээжээ.