ОХУ-ын Засгийн газрын хэвлэлийн албанаас мэдээлснээр тус улсын үндэсний цөөнхийн нэгдсэн жагсаалтыг гаргахаар ажиллаж байгаа ажээ.

Жагсаалтыг 2022 он гэхэд гаргах бөгөөд жагсаалтыг гаргах, шинэчлэх ажлыг Үндэстний асуудал эрхэлсэн холбооны агентлаг хариуцах юм. Жагсаалтыг цахим хэлбэрээр гаргана.

Ийм жагсаалт гарснаар үндэстний цөөнхүүдийг хөнгөлөлт, чөлөөлөлтөд хамруулахад илүү амар болох юм. Одоо байгаа зохицуулалтаар Засгийн газрын хөнгөлөлт, чөлөөлөлтөд хамрагдахын тулд тухайн үндэстний цөөнхүүд үндэстний цөөнх гэдгээ батлах олон тооны бичиг баримт бүрдүүлж байгаа юм.

Үндэстний цөөнх гэдгээ нотлох өргөдлийг хувь хүн дангаараа, эсвэл цөөнхийг төлөөлж буй засаг захиргааны нэгж нь гаргаж болох юм.

Өнөөдрийн байдлаар ОХУ-д 47 үндэстний цөөнхөд хамаарах 300 мянга орчим хүн амьдарч байна. Тэдний дийлэнх нь Сибирь, Алс Дорнод, Арктик хавиар амьдарч байгаа юм.