Монгол бүсгүй Холливудын  “Сувилагч Рэйтчед” олон ангит уран сайхны кинонд тогложээ. Түүнийг Бямбадоржийн Хандсүрэн гэдэг. Тэрбээр жүжигчин мэргэжилтэй бөгөөд одоо АНУ-д ажиллаж, амьдардаг ажээ. Авьяаслаг бүсгүй олон ангит кинонд эмнэлгийн даргын эхнэр буюу Филиппин эмэгтэйн дүрд тоглосон байна.

Б.Хандсүрэн нь Хүүхэд залуучуудын театрын нэр дээр жүжигчний мэргэжлээр Украины Харьков хотод суралцсан байна. Тэрбээр АНУ-ыг зорихоосоо өмнө СУИС-д багшаар ажиллаж байсан гэнэ.

“Сувилагч Рэйтчед” цуврал нэг бүлэн найман ангитай. Цувралын гол дүрд алдартай жүжигчин Сара Полсон /Sarah Paulson/ тоглосон байна. Шинэхэн цувралын эхний бүлэг есдүгээр сарын 13-наас Англи хэлээр “Netflix”-ээр гарч эхэлжээ.  

А.СҮРЭН