"Хуавэй" компанийн 5G технологийн судалгааны байр шатжээ

БНХАУ-ын Донгуан хотод байрладаг технологийн "Хуавэй" компанийн 5G технологийн судалгаа, хөгжүүлэлтийн төвд гал гарчээ. Нутгийн иргэдийн гар утсандаа буулгасан бичлэгээр барилгын дээд давхрууд шатаж, тэнгэрт өтгөн саарал утаа дэгджээ. Нутгийн гал унтраах албаны мэдээлж буйгаар барилгын хөвөн даавуун материалтай дуу тусгаарлагч хавтангууд гал өдөөх шалтгаан болсон байж болзошгүй гэнэ.

Гал унтраах албаныхан галыг унтраасан бөгөөд одоохондоо хохирлын тухай нарийн мэдээлээгүй байна. Мөн "Хуавэй" компани ч болсон явдлын талаар албан ёсны мэдэгдэл хийгээгүй байгаа аж.