Есдүгээр сарын 22-ны Мягмар гаригт Ражив Гандийн нэрэмжит Үйлдвэрлэл, урлалын политехник коллежийн оюутнууд нэгнээ хүйтэн мэсээр гэмтээсэн хэрэг гарчээ.

Цагдаагийн байгууллагаас мэдээлснээр, өнгөрсөн Мягмар гаригт тус сургуулийн Автомашин засварын нэгдүгээр дамжааны оюутан 17 настай, эрэгтэй Б нь хоёрдугаар дамжааны оюутан Б-тэй маргалдсаны улмаас цаасны хутгаар хутгалсан байна.

Энэ үед тэднийг салгахаар оролдсон Автомашин засварын нэгдүгээр дамжааны оюутан 15 настай Б, хоёрдугаар дамжааны оюутан Т нар цаасны хутгаар гар болон толгой хэсэгтээ зүсүүлжээ. Тус хэргийг үргэлжлүүлэн шалгаж байгаа аж.

Б.ЖАРГАЛ