Бар жилтэй бол онцгой засал хийлгээрэй | News.MN

Бар жилтэй бол онцгой засал хийлгээрэй

Хуучирсан мэдээ: 2016.02.12-нд нийтлэгдсэн

Бар жилтэй бол онцгой засал хийлгээрэй

Бичин жил гарж байгаа тул бар жилтэнд их харш, могой, гахай, жилтэнд дунд харш хэмээн зурхайн зурлагад буужээ. Тиймээс бар жилтнүүд хулгай дээрэм, өвчин зовлонгоос сэргийлж, онцгой засал хийлгэх харин могой, гахай жилтнүүд тусгай засал хийлгэх шаардлагатай аж. Харин жил орсон хүмүүс оршуулга хурим найрын үйлийг цээрлэж, зайлшгүй үед цээр гаргах ёстой. Мөн жилийн турш хэрүүл тэмцлээс зайлсхийж, аливаа буянд даган баясваас сайн хэмээн зурхайд буужээ. Засал хийлгэх өдрийн тухайд шинийн гурван, шиний найманд тохиромжтой гэсэн хандлагаар ганданг зорих хүмүүсийн тоо нэмэгддэг. Гэтэл заавал эдгээр өдрүүдэд засал хийлгэж ном уншуулах шаардлагаггүй гэлээ. Харин шинийн 15-ны дотор  юм уу хаврын тэргүүн сард багтаан заслаа хийлгэж болдог хэмээн Гандантэгчэнлин хийдийн зурхайч Д.Цогтбаатар хэлж байна.

Ямар засал хийлгэх вэ?

Их харш жил:

Бар жилтнүүд дүнсүр буюу /Өнцөг долоо/ их харш жилтэй учирна. Хулгай дайсан зохисгүй юм болж болзошгүй. Иймд Жамбалцанжод, Дашзэвэг, Найман гэгээн айлдуул. Замд явбал Далха тахиул.

Шишид жил:

Гахай, могой жилтнүүд шишид буюу дайсан жил буух тул Гурван гүрэм, Сундуй, Шишиджойтав айлдуул.

Түнсүм:

Хулгана, луу жилтнүүд түнсүмийн засалтай тул Жадамба, Жанаггадог, Гурван гүрэм айлдуул.

Суудал өнцөгдсөн:

Үхэр, туулай, могой, хонь, тахиа, гахай жилтнүүд суудлын өнцгийн засал хийлгэ.

33 насны мөчлөг засал:

1984 оны модон хулгана жилтнүүд 33 насны мөчлөг засалтай тул Улаан юм, Цэгмэдийн чого, Гурван гүрэм айлдуул.

Голлосон мэнгэний үр:

2016 оны гал бич жил нь 2 хар мэнгэтэй тул 1917, 1926, 1935, 1944, 1953, 1961, 1971, 1980, 1989, 1998, 2007 онд төрсөн хүмүүсийн мэнгэ голлож байгаа тул мэнгэний тарни унш. Мэнгэ голлосон жил тухайн хүний сэтгэл хямрах, элдэв бэрхшээл тохиолдох шалтгаан олон байдаг тул мэнгэний бурхнаа сайтар шүтэж, зүрхэн тарни уншин бие, хэл, сэтгэл гурваа хянамгайлж явбал сөрөг зүйлд өртөхгүй. Голлосон мэнгэний засалд Жанаги гаг дог, Найман гэгээн, Доржнамжом, Базарсад уншуул.

Жил орогсод

13 болон 73-ны жил нь бич жилтэй “Хүү” махбодьтой жил тул биеийн махбодь хямрах гэмтэй тул Найман гэгээн, Лхамын ганшаг хуруулж, балин өргө.

25, 85-ны жил нь бич жилтэй  “Нөхөр” махбодьтой жил тул жаргал, зовлон ээлжлэн ад зэтгэр босох тул Догсүн, Доржнамжом, Цэнд, Доржнамжомын жавтуй үйлдвэл сайн.

37, 97-ны жил нь бич жилтэй “Дайсан” махбодьтой жил тул өвдөх хийгээд гарлага гарч болзошгүй тул Юм жайвран, Дүйсүм, Цэвэгмэдийн чого хуруулж, Лусад балин өргө.

49-ний жил нь бичин жилийн махбодийн “Эх” жил тул хийморь доройтох гэмтэй Нити, Жинсрэг айлтга.

61-ний жил нь өөрийн төрсөн жилтэй адил махбодьтой жил тул шулмын хөнөөл гарч болзошгүй. Ширнэн уншуул. Сац талби, Цэдүв насан бүтээл үйлдвээс сайн.

Жил орсон хүмүүс оршуулга, хурим найрын үйлийг цээрлэж, зайлшгүй үед цээр гарга. Эр хүний жил угтаж ордог тул урьдаас засч сэрэмжил. Эм хүний жил үдэж дагадаг тул жил орсны дараа ч засал хийлгэ.

Нийт бич жилтнүүд жилийн турш хэрүүл тэмцлээс зайлсхийж, аливаа буянд даган баясваас сайн.

Заслын ном өөр өөр тохиолдолд давхцан гарч байвал заавал тэр бүр дахин давтан уншуулах шаардлагагүй. Нэг л удаа уншуулахад болдог байна.

Т.ДАВААНЯМ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-02-12 202.9.40.133

бараг бүх жилтнүүд засалтайн биш үү засал хийлгэх шаардлагагүй жил ер нь байна уу

walain ymnuud 2016-02-12 65.49.68.156

bi law zasal ntr hiilgeegvi barag 12 jil bolj bn vheegvi shn l amidarch bn hvnii setgel sanaagaar togloj olj ashig oldog uudgvi nuhdvvded bvv huurtaarai Mongolchuudaa

Израйлын суйрэл 2022 онд 2016-02-12 31.4.189.72

Энэ тэнэглэлээ болих болсон бусуу монголчууд аа

зочйн 2016-02-12 49.0.186.224

энэ муу хазгар ламбаа чй лам хонйн гүрвэл болж төр

Зочин 2016-02-12 202.9.40.80

Шар хувалзнуу цагаан сараар ард олныг мунхруулан мөлжин бүтэн жилийн орлогоо олдог. Ямарч татвар төлдөггүй, буяны ажил огт хийдэггүй. Хийдийн санхүү хаалттай. Нэгээ шилэн дансны хууль хаан байна. Хамгийн их жүдаггүй хамгийн их нүгэлтэй хүмүүс.

Зочин 2016-02-12 182.160.37.130

Засал хийлгэх мөнгөөрөө ядууст гурил будаа авч өг. Лам нарын хүүхэн шуухан, баар караокед орох мөнгөнд нэмэр хандив өргөх нь буян уу? Хэрэв үйлийн үрд итгэдэг юм бол засал биш буян үйлд.

монгол 2016-02-12 59.153.113.121

Бар жилтэнгүүд энэ жил гарлага ихтэй юм байна даа. Та нарыг шар улаан фиаадлууд онилчихсон байж ядажиинадаа.

MGL hun 2016-02-12 217.93.231.168

Ene humuusiin bichsen tuiliin zuw shuu. er ni ene met setgelgeenees salsan tsagt l mongol hugjsun bh bh. ene ni barimjaa bolog.

Зочин 2016-02-12 59.153.113.65

Хун бур сэтгэлээ ариусга нугэлээ тэвч тэгээл болоо

Зочин 2016-02-12 202.9.40.30

Би сүүлийн 6 жил засал гэж зүйл хийлгээгүй тэглээ гээд үхээгүй л байна шал худал мухар сүсэг шүү энэ засал масал гэдэг чинь

Зочин 2016-02-12 202.179.28.250

хэдэн төгрөгөөр хийлгэхэв?

зочин 2016-02-12 202.9.41.75

Шаал тэнэг юм мухар сүсэгтнүүд боливол таарнаа ард худлаа мунхруулж ханаагүй юм байхдаа муу сайн шарын шашны фёдалууд

Зочин 2016-02-12 103.229.122.78

Zail

зочин 2016-02-12 182.160.36.47

Шар хувалзнууд мөнгө хийхгээд байж яадаад байна уу ай. Гэгээн Буддагын сургаальд засал масал хийх мийх энэ тэр гэдэг мөнгө саах зальт арга байдаггүй л байхгүй юу .

Зочин 2016-02-12 103.229.122.78

Amaa tat

Зочин 2016-02-12 202.21.113.22

Засал масал гэсэн балай хий хоосон юмнаас толгой тархиа хэзээ цэвэрлэх вэ? Өөртөө итгэж амьдраач.

Зочин 2016-02-12 103.229.122.78

Tgd

Зочин 2016-02-12 103.10.23.193

ravsa

NewsMN Гар утасны хувилбар Татах
NEWS.mn

Мэдээллийн эх сурвалж