Ирландын Дублин хотын оршин суугч нэгэн эр мөнгөтэй түрийвчийг нь олж өгсөн үл таних эмэгтэйг хайж олохыг хичээж байгаа ажээ. Энэ талаар Duvlin Live-д мэдээлсэн байна. Дуэйн Фриман хэлэхдээ, үл таних эмэгтэй түүний гээсэн түрийвчийг олж, шуудангийн хайрцагт нь үлдээгээд явсан бөгөөд эргэж холбоо барих ямар нэгэн мэдээлэл үлдээгээгүй аж. Залуу камерт бичигдэн үлдсэн эмэгтэйн дүрс бичлэгийг олон нийтийн сүлжээнд байршуулж, сайхан сэтгэлтэй тэр эмэгтэйг олоход туслахыг хүмүүсээс хүссэн байна.

Фриман эмэгтэйг олоод, чин сэтгэлээсээ талархаж буйгаа илэрхийлэхийг хүсч байгаа аж. Тэрбээр "Түүнийг таних хүн байна уу, би баярлаж талархсанаа илэрхийлж, түүнд баглаа цэцэг, амттан бэлэглэхийг маш их хүсч байна. Хэрвээ та түүний талаар ямар нэгэн юм мэддэг бол нэр, утасны дугаарыг нь өгч туслана уу" хэмээн фэйсбүүкийн хэрэглэгчдэд ханджээ.

Ирланд эр үл таних эмэгтэйг түрийвчин дотор нь байсан жолооны үнэмлэх дээрээс гэрийн хаягийг нь олсон хэмээн таамагласан байна. Тэрбээр "Дэлхий дээр сайхан сэтгэлтэй, гайхамшигтай хүмүүс байсаар байгааг мэдрэх таатай байна" гэжээ. Түүний постыг 200 гаруй хүн шэйрлэж, улмаар олон улсын хэвлэлийнхний анхааралд өртсөн байна.

Б.ЖАРГАЛ