Сансарт дэлбэрсэн Оросын түлшний савны хог хаягдал улам нэмэгджээ

Хуучирсан мэдээ: 2020.09.25-нд нийтлэгдсэн

Сансарт дэлбэрсэн Оросын түлшний савны хог хаягдал улам нэмэгджээ

Сансарт дэлбэрсэн Оросын түлшний савны хог хаягдал улам нэмэгджээ

Сансрын тойрогт ачаа зөөвөрлөх зориулалт бүхий Оросын "Фрегат" төхөөрөмжийн түлшний сав өнгөрсөн тавдугаар сарын 8-нд сансарт дэлбэрсэн. Энэхүү дэлбэрэлтээс үүссэн хэлтэрхийнүүдийн тоо улам нэмэгдсээр 275-д хүрээд байна хэмээн space-track.org сайт АНУ-ын Агаарын цэргийн хүчний мэдээллээс иш татан мэдээллээ.

АНУ-ын цэргийнхний мэдээгээр анх дэлбэрэхэд 65 хэлтэрхий үүссэн бөгөөд наймдугаар сарын эхээр 170-д хүрээд байжээ. Харин одоо анхныхаасаа бараг дөрөв дахин нэмэгдсэн байна.

Түлшний сав дэлбэрсний дараахан эдгээр хэлтэрхий олон улсын сансрын станцууд болон хиймэл дагуулуудад аюул учруулахгүй хэмээн "Роскосмос" мэдэгдэж байсан.

space-track.org сайтын илрүүлснээр эдгээр хэлтэрхий сансрын орбитод доод тал нь 230-1642 км, дээд тал нь 305-6113 км-ийн өндөрт нисч байгаа ажээ.

Дэлбэрсэн түлшний сав зорилтот үүргээ гүйцэтгээд, түлш нь дуусан төхөөрөмжөөсөө салсан байхдаа дэлбэрсэн байна. Уг түлшний савыг 2011 оны долдугаар сараас хойш ашиглажээ.

Энэ мэдээнд өгөх таны сэтгэгдэл?
3
ТэнэглэлТэнэглэл
2
ХарамсалтайХарамсалтай
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж