Үндэсний үүлэн технологийн платформ 1 нас хүрлээ | News.MN

Үндэсний үүлэн технологийн платформ 1 нас хүрлээ

Үндэсний үүлэн технологийн платформ 1 нас хүрлээ

Үндэсний үүлэн технологийн платформ 1 нас хүрлээ

Технологийн эрч нэмэгдэхийн хирээр интернет, 5G, куантум компьютер, блокчэйн зэрэг шинэ технологиуд дээр суурилсан платформууд асар хурдтай хөгжиж зөвхөн бидний мэдэх бизнесийн зах зээлээс илүүтэйгээр бидний өдөр тутмын амьдралын хэв маягийг хүртэл өөрчилсөөр байна.

Яг л netflix-ээс кино үзэхэд тэдний сервер тоног төхөөрөмжид санаа чилээдэггүй шиг, google drive ашиглахдаа файл устчих болов уу гэж хэзээ ч санаа зовдоггүй шиг үүлэн технологи дээр суурилсан уг платформууд нь  ховорхон тасалдах, нийтэд хүртээмжтэй гэсэн хоёр үндсэн шинж чанарыг агуулж байдаг.

Тэгвэл эдгээр шинж чанар дээр суурилж Айтүүлс ХК болон Фибо клауд ХХК-ийн хамтран бүтээсэн үүлэн технологийн платформ буюу Үүлэн хүү 1 нас хүрч байна.

Үндэсний Үүлэн технологид суурилсан систем нь санхүүгийн салбарынханд хамгийн түгээмэл шаардагддаг мэдээллийн аюулгүй байдлын PCI DSS стандартыг (Level-1) хангасан Айтүүлс ХК-ийн дата төв дээр байршиж давхардсан тоогоор Монгол Улсын иргэн бүр уг системийн үр шимийг хүртэж байна.

Бид өнгөрсөн 1 жилийн хугацаанд Үүлэн хүүгээр дамжуулан хөрөнгийн зах зээл дээр идэвхитэй үйл ажиллагаа явуулдаг брокер дилерийн компаниуд, банк бус санхүүгийн байгууллагууд, даатгалын олон компанийн системүүдийг 24/7 аюулгүй, тасалдалгүй ажиллуулж чадсан нь санхүүгийн салбарыг дижитал шилжилт хийхэд хүчтэй түлхэц боллоо.

Түүнчлэн эрүүл мэндийн салбарт үйл ажиллагаа явуулдаг 250 гаруй эмнэлгийн шинжилгээг бүрэн автоматжуулж шинжилгээний хариу, цаг захиалга зэргийг бүрэн шийдсэн eclinic.mn платформ нь өнөөдөр Үүлэнхүүгээс ажиллаж хүмүүсийн зардал чирэгдэл, цаг завыг хэмнэж байна.

Мөн энэ цар тахал, хорио цээрийн үед боловсролын салбарт 5 их сургууль, 20 гаруй дунд сургуулийн системүүдийг байршуулан тасалдалгүй ажиллуулж хүүхэд бүрт чанартай боловсролыг тэгш, хүртээмжтэй, хоцрогдолгүй авах боломжийг олгоод байна.

Үүнээс харвал систем, аппликешн хөгжүүлдэг байгууллагууд үнэтэй сервер, сүлжээ, хөргөлт, тог цахилгаан зэрэг дэд бүтцийн зардлаа 40-80%, сервер тоног төхөөрөмж хариуцаж ажиллах хүний нөөцийн зардлаа 30-50% бууруулах, физик дэд бүтцийн элэгдлийн зардлыг 0 төгрөг болгохоос гадна утасны дараа төлбөрт үйлчилгээтэй адил хэрэглэснээрээ үйлчилгээний төлбөрөө дараа төлөлтөөр төлөх боломжуудыг бүрдүүлж харилцагчиддаа үнэ цэнийг бий болгож ажиллаа. Байгууллагын айти инженерүүдийн хувьд өөрөө өөртөө үйлчлэх цахим сервер байршуулах үйлчилгээ нь системээ бүрэн хянах, нөөцлөх зэрэг ажлыг нь хөнгөлж байгаа бол байгууллагуудад дата төвийн өрөө бий болгох, их хэмжээний зардал гаргах, тогтмол арчилгаатай байлгах зэрэг олон урсгал зардал гарахаас сэргийлж цаг алдахгүй үндсэн бизнестээ илүү их цаг гаргаж бүтээгдэхүүн хөгжүүлэлтэндээ анхаарах хамгийн том давуу талыг олгож байна.
Ямарч улсад Үүлэн технологид суурилсан ЭКО систем бий болсноор тухайн улсад цахим засаглал хурдтай нэвтэрч, гарааны бизнесүүд асар хурдтай хөгждөг нь олон жишээгээр батлагдаад байна. Үүлэнхүү нь яалт ч үгүй Монголын клауд эко систем юм. Бидэнтэй хамт байгаа Үүлэнхүүгээр дамжуулж үйлчилгээгээ хэрэглэгчиддээ хүргэж байгаа нийт харилцагчиддаа талархал илэрхийлье.

Энэ мэдээнд өгөх таны сэтгэгдэл?
11
ЗөвЗөв
1
ГайхмаарГайхмаар
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-24 103.9.88.162

ҮҮЛЭН ,,,,,,,,

Avatar

Зочин 2020-09-24 66.181.160.34

Мундаг шүү
Монгол залуус сайн байна.

Avatar

Хөрөнгө оруулагч 2020-09-24 103.10.22.34

Их сэтгэл хөдөлгөсөн нийтлэл байна. Гэвч ITLS компанийн ашиг бодитоор өсөхгүй байгааг юу гэж ойлгох вэ?.

Avatar

Зочин 2020-09-24 202.21.104.178

Монголын хөрөнгийн зах зээл сүйрсэн ш дээ, хувьцаа худалдаж аваад ашиг хүртэнэ гэж үлгэр. Хяналтын багцыг нь худалдаж авч байж л хэргийг нь гаргах магадлалтай. IPO гэдэг чинь хувьцаат компаниудын хувьд мөнгө босгох л арга нь. Улсын Их Дэлгүүр одоо хүртэл алдагдалтай ажилладаг гэж тайлан гаргаж явдаг ийм л тогтолцоо байгаа шүү дээ.

NewsMN Гар утасны хувилбар Татах
NEWS.mn

Мэдээллийн эх сурвалж