Өмгөөлөгч ирээгүйгээс 800 хятадын шүүх хурал хойшлов | News.MN

Өмгөөлөгч ирээгүйгээс 800 хятадын шүүх хурал хойшлов

Өмгөөлөгч ирээгүйгээс 800 хятадын шүүх хурал хойшлов

Өмгөөлөгч ирээгүйгээс 800 хятадын шүүх хурал хойшлов

Нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд өнөөдөр /2020.09.23/ БНХАУ-ын иргэн Лью Тинг Хуа, Жун Хуа, Еэ Тин нарын 15 хүнд холбогдох гэм бурууг шүүх хурал товлогдсон байсан ч хойшиллоо.

Учир нь шүүгдэгч Жан Хун Чаны өмгөөлөгч Б.Тэнгис Сонгинохайрхан дүүргийн Эрүүгийн хэргийн анхан шатны шүүхэд шүүх хуралдаанд оролцож байгаа тул хуралдааныг хойшлуулах хүсэлт бичгээр ирүүлснийг шүүх бүрэлдэхүүн хүлээн авсан байна.

Иймээс шүүгдэгч Лью Тин Хуа нарын 15 хүнд холбогдох гэм буруугийн шүүх хуралдааныг ирэх аравдугаар дугаар сарын 12-ны өдрийн 09 цаг хүртэл хугацаагаар хойшлуулж, шүүгдэгч нарт урьд авсан хувийн баталгаа гаргах болон Монгол Улсын хилээр гарахыг хязгаарлах хязгаарлалт тогтоох, мөн цагдан хорих таслан сэргийлэх арга хэмжээг тус тус хэвээр үргэлжлүүлэхээр шийдвэрлэжээ.

Нэг жилийн өмнө буюу 2019 оны аравдугаар сарын 29-нд Тагнуулын ерөнхий газар, Цагдаагийн ерөнхий газрын Эрүүгийн цагдаагийн албаныхан нийслэлийн гурван дүүрэгт байрлах , "Амар", "Кентавр", "Ориентал" зочид буудал болон "Юнион билдинг" оффист гүйцэтгэх ажиллагаа явуулж,  800 орчим хятад иргэнийг саатуулсан юм. Тэд мөнгө угаах гэмт хэрэг үйлдэж байсныг үйлдэл дээр нь саатуулсан билээ. Энэ хэргийг зохион байгуулсан хэргээр Монгол Улсын хоёр иргэн, БНХАУ-ын дөрвөн иргэнийг анх саатуулан, шалгасан. Үүн дээр нэмэн БНХАУ-ын 28 иргэнийг шалгах үндэслэлтэй хэмээн үзэж шалгалтын ажиллагааг эхлүүлж байсан юм. Мөн 1.5 тэрбум төгрөгтэй тэнцэх валют хураасан. Түүнчлэн 700 гаруй иргэнийг Хятад улс руу албадан гаргасан юм.

Харин хуулийн байгууллага хэргийг шалгаж, дууссаны дараа нийслэлийн прокурор хяналт тавьж, улмаар хэрэг нь шүүхэд шилжээд байгаа нь энэ юм. Уг хэрэгт БНХАУ-ын иргэн Лью Тинг Хуа, Жун Хуа, Еэ Тин нарын 15 хүнийг холбогдуулаад байна.

Эрүүгийн хуулийн ерөнхий ангийн 1.6 дугаар зүйлийн 4 дэх хэсэг, 3.1 дүгээр зүйлийн 1 дэх хэсэг, 3.3 дугаар зүйлийн 1 дэх хэсэгт заасныг тус тус журамлан мөн хуулийн тусгай ангийн 26.1 дүгээр зүйлийн 4 дэх хэсгийн 4.1 дэх заалт /Цахим мэдээлэлд хууль бусаар халдах/, Эрүүгийн хуулийн ерөнхий ангийн 3.1 дүгээр зүйлийн 1 дэх хэсэг, 3.3 дугаар зүйлийн 1 дэх хэсэгт заасныг тус тус журамлан, мөн хуулийн тусгай ангийн 18.6 дугаар зүйлийн 3 дахь хэсэг /Мөнгө угаах/, Эрүүгийн хуулийн ерөнхий 3.1 дүгээр зүйлийн 1 дэх хэсэг, 3.3 дугаар зүйлийн 1 дэх хэсэгт заасныг тус тус журамлан мөн хуулийн тусгай ангийн 20.3 дугаар зүйлийн 1 дэх хэсэг /Зохион байгуулалттай гэмт бүлэг байгуулах, түүнд элсэх/, Эрүүгийн хуулийн ерөнхий ангийн 2.8 дугаар зүйлийн 1 дэх хэсэг, 3.1 дүгээр зүйлийн 1 дэх хэсэг, 3.3 дугаар зүйлийн 1 дэх хэсэгт заасныг тус тус журамлан мөн хуулийн тусгай ангийн 17.3 дугаар зүйлийн 3 дахь хэсгийн 3.1, 3.3 дахь /Залилах/ заалтад заасан гэмт хэрэгт тус тус холбогдуулан БНХАУ-ын иргэн Лью Тинг Хуа, Жун Хуа, Еэ Тин нарт,

Мөн Эрүүгийн хуулийн ерөнхий ангийн 3.1 дүгээр зүйлийн 1 дэх хэсэг, 3.2 дугаар зүйлийн 1 дэх хэсэгт заасныг тус тус журамлан, мөн хуулийн тусгай ангийн 18.6 дугаар зүйлийн 3 дахь хэсэг /Мөнгө угаах/, Эрүүгийн хуулийн ерөнхий ангийн 3.2 дугаар зүйлийн 1 дэх хэсэг, 3.3 дугаар зүйлийн 1 дэх хэсэгт заасныг тус тус журамлан, мөн хуулийн тусгай ангийн 20.3 дугаар зүйлийн 2 дахь хэсэг /Зохион байгуулалттай гэмт бүлэг байгуулах, түүнд элсэх/, Эрүүгийн хуулийн ерөнхий ангийн 2.8 дугаар зүйлийн 1 дэх хэсэг, 3.1 дүгээр зүйлийн 1 дэх хэсэг, 3.2 дугаар зүйлийн 1 дэх хэсэгт заасныг тус тус журамлан, мөн хуулийн тусгай ангийн 17.3 дугаар зүйлийн 3 дахь хэсгийн 3.1, 3.3 дахь /Залилах/ заалтад заасан гэмт хэрэгт тус тус холбогдуулан БНХАУ-ын иргэн Жан Хун Чан, Вула, Ли Жиa Сэнг, Ниу Жи Хэнг, Ю Жи, Жау Донг Линг, Пан Жин, Лю Жун Вэй, Ян Гуй, Бай Жун Лиан, Ли Янг, Лю Чианг нарын 15 хүнд тус тус яллах дүгнэлт хүргүүлээд байгаа юм.

Г.ХОРОЛ

 

Энэ мэдээнд өгөх таны сэтгэгдэл?
7
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

??? 2020-09-23 150.129.140.134

Өмгөөлөгч гэх амьтан ирэхгүй хойшлуулахыг бодоход хятадын талын хүн биш үү?????????????????

Avatar

Монгол сэтгэл ба ухаан /Seattle, USA/ 2020-09-23 98.225.36.133

Эдгээр яллагдаж байгаа 15 хятад хүний ялын хэмжээ хязгаарыг, хятадад олон янзын шалтгаанаар ял эдэлж байгаа монгол хүмүүсээр( уадаж эмэгтэй болон настай) ялтан солилцох бололцоог бодолцож шүүх болон гадаад яам ажиллавал их хэрэгтэй юумсан. Уг нь тэр 800 гаруй хүмүүсийг бүгдийг ингэж чадсан бол олон хүүхдүүд олон эх эцэг олон айл өрх бага зовох байсан болов уу. Монгол төр монгол хүнээ ялтай байсан ч хүний нутагт бүү хаяасaй билээ.

Avatar

Зочин 2020-09-23 212.95.5.214

Худ худ мэдээлэл айн. Өөр зураг байна уу. Монголд биш л байна шд

Avatar

з 2020-09-23 58.93.115.182

Хичнээн удаа хойшлуулдаг юм бэ, хурдан нэг тийш нь шийдээд хөөж гаргаач

Avatar

Irgen 2020-09-23 202.126.89.238

Iim l har elegtenguud tur, shuuh zasaglald garchihaad bgaam daa

Avatar

Зочин 2020-09-23 139.5.216.93

ЭДНИЙГ ӨМГӨӨЛӨӨД БАЙХДАА ЯАДГИЙН

Avatar

Zochin 2020-09-23 103.57.92.143

Umguuluchig ni nad hyatudtai ni hamt zailulach.

Avatar

ИРГЭН 2020-09-23 202.21.127.168

Хуулиа давсан энэ өмгөөлөгч гэдэг авлигач, авлига дамжуулагч, худал хуурмыг өдөөгч хогнуудад Төрийн хатуу нударгыг мэдүүлээч

Avatar

Зочин 2020-09-23 87.66.142.201

Umguulugch ireegui gedeg shaltgaanig bolih heregtei, albaar tsag hugatsaa hojij huuli bus bga umguulugch nart arga hemjee awdag bolohgui bol arsi denduu yuma

NewsMN Гар утасны хувилбар Татах
NEWS.mn

Мэдээллийн эх сурвалж