Монголын сагсан бөмбөгийн Дээд лигийн 2019-2020 оны улирлын плей-оффын шат өнөөдөр/2020.09.23/ Спортын төв ордонд 18:00 цагт эхлэнэ. Энэ улирлын плей-оффын эхний тоглолт улирлыг гуравдугаар байраар өндөрлүүлсэн SBL Хасын Хүлэгүүд болон зургадугаар байраар өндөрлүүлсэн Багануур Тулнуур багуудын хооронд явагдана.

SBL Хасын Хүлэгүүд багийн ахлагч Б.Билгүүн энэ улиралд 22.7 оноо дунджилсан үзүүлэлтээрээ лигийн онооны аварга болсон бол Багануур Тулнууд багийн Г.Насанжаргал 22.1 оноо дунджилсан үзүүлэлтээрээ хоёрдугаар байранд бичигджээ. Б.Билгүүнээс гадна түүний багийн хамтрагч О.Сэргэлэн энэ улиралд 7.9 оновчтой дамжуулалт дунджилсан үзүүлэлтээрээ мөн лигийг тэргүүлжээ.

Харин энэхүү тоглолтын дараа энэ улирлаас эхлэн Гоё дээд лигт хүч үзэж буй Эрдэнэтийн Уурхайчид болон залуу тоглогчдыг багийнхаа цөм болгосон 23 Storms багуудын тоглолт явагдах хуваарьтай байна.