Ливаны өмнөд хэсгийн Кана хэмээх тосгонд өчигдөр/2020.09.22/ орой хүчтэй дэлбэрэлт болсон байна. Болсон явдлыг нүдээр үзсэн хүмүүсийн цахим орчинд тавьцгаасан бичлэгүүдээс харвал маш их хэмжээний өтгөн хар утаа, шороо өндөрт дэгдсэн нь харагдах аж. Дэлбэрэлт болсон газрыг эх сурвалжууд Хезболлах бүлэглэлийн өмч хэмээн үзэж байгаа гэнэ.

Тосгоны иргэдийн мэдээлж буйгаар дэлбэрэлт болсон газрын ойролцоо тосгоны шатахуун түгээх станц, оршуулгын газар байдаг аж. Мөн нутгийн хэвлэлийн мэдээлснээс үзвэл дэлбэрэлт Хезболлах бүлэглэлийн нууц үйл ажиллагаа явуулдаг байсан эзэмшлийн газарт болсон гэнэ.

I just got a confirmation from a local citizen from AIN Qana next to Jbaa" region in the south.
Citizen reported hearing a huge explosion. #Breaking #Lebanon #News pic.twitter.com/6eVF9TVRKK

— D® Phil (@philabouzeid) September 22, 2020

Өөр нэг нэрээ нууцалсан эх сурвалж дэлбэрэлт завсгийн агуулахад техникийн алдаа гарснаас болсон хэмээн мэдээлжээ. Иргэдийн бичлэгээс үзэхэд дэлбэрэлтээс болж зарим барилгууд сүйдсэн харагдана.

Болсон явдлаас болж хэд хэдэн хүн шархадсан бөгөөд хохирлын талаар нарийн мэдээлэл одоогоор алга байна.

*⚠️بالفيديو …مشاهد أولية من مكان الإنفجار في عين قانا وحالة من الفوضى والدمار الكبير في المكان* pic.twitter.com/YWiWYr16n8

— rida hamdan (@rida92225782) September 22, 2020

Эх сурвалж: RT.COM