Хятад: Хувийн компани бүрт намын төлөөлөгч ажиллана | News.MN

Хятад: Хувийн компани бүрт намын төлөөлөгч ажиллана

Хятад: Хувийн компани бүрт намын төлөөлөгч ажиллана

Хятад: Хувийн компани бүрт намын төлөөлөгч ажиллана

Хятадын дарга Ши Жиньпин хувийн хэвшлийн компаниудыг хянах маш чухал шийдвэрийг гаргасан байна. Уг шийдвэрийн дагуу Хятадын хувийн хэвшлийн компаниуд “Чи мөнгө олж болно, гэхдээ миний дүрмээр ажиллах ёстой” гэх зарчмаар буюу Хятадын Коммунист намын /ХКН/ шууд хяналт дор ажиллах болж байна. Өөрөөр хэлбэл, компани бүрт Коммунист намын нэг гишүүн хяналт тавьж ажиллана гэсэн үг юм. Дэлхийн хоёр дахь том эдийн засагтай улс коронавирусийн цар тахлаас болж АНУ-тай эмзэг харилцаатай байгаа энэ үед дээрх шийдвэрийг гаргажээ.

Энэхүү шийдвэр нь Хятад улс коронавирусийн дараах эдийн засгийн уналтаас хурдан гарах, бие даасан өөрсдийн гэсэн сэтгэлгээтэй хувийн хэвшлийн салбарыг бий болгох, олон арван жилийн турш дотоодод болон гадаад орчинд тулгарсан сорилт бэрхшээлийг нэгдсэн хүчирхэг удирдлагын дор даван туулах зорилготой гэж тайлбарлажээ.

Өмнө нь Бээжин хувийн компаниудыг харьцангуй зөөлөн аргаар хяналтдаа байлгахыг хичээдэг байв. Тухайлбал, 2018 онд Ши Жиньпин хувийн хэвшлийнхэнд татварын хөнгөлөлт үзүүлэх, санхүүгийн туслалцаа үзүүлэх зэрэг шийдвэрийг гаргаж байв. Харин энэ удаа тэр шууд хяналт тогтоох аргыг сонгожээ. Гэхдээ энэ шийдвэр нь хувийн хэвшлийнхэнд улс төрийн болон гадаад харилцааны томоохон асуудлуудыг дагуулж магадгүй юм.

Коммунист намтай нягт холбоотой хүчирхэг магнатууд хүртэл шийтгэлээс ангид байдаггүй. Үл хөдлөх хөрөнгийн магнат асан Рен Жичианг мягмар гаргигт /2020.09.22/ авлигын хэргээр 18 жил хоригдох ял авсан. Тэрбээр Ши Жиньпиний цар тахалтай хийж буй тэмцлийг шүүмжилж байв.

Нэгдсэн фронт

Хувийн хэвшил бол Хятадын эдийн засгийн амин чухал хэсэг юм. 30 сая гаруй хувийн бизнес эрхлэгчид тус улсын ДНБ-ий 60 гаруй хувийг бүрдүүлдэг. Тэдний төлдөг татвар нь төсвийн орлогын талаас илүү хувийг эзэлдэг бөгөөд Хятадын нийт ажилчдын 80 гаруй хувь нь хувийн секторт ажилладаг байна.

Ерөнхийдөө Ши Жиньпиний гаргасан шийдвэр нь хувийн хэвшлийнхнийг намын мөрийн хөтөлбөрийг хэрэгжүүлэх зорилго бүхий хүмүүсийн нэгдэл болох “Нэгдсэн фронт” гэх зүйлд нэгдэхийг шаардаж байгаа юм.

“Нэгдсэн фронт”-ын гарал үүслийн тухай ярьвал бараг зуун жилийн түүхтэй. Мао Зедуны үед Коммунист намыг дайснуудаа ялахад нь тусалсан "шидэт зэвсэг" бол “Нэгдсэн фронт” гэх хүмүүсийн нэгдэл байсан гэж үздэг.

Тус улс Соёлын хувьсгалын дараа улс орныг тогтворжуулахаар эдийн засгийн шинэчлэлийн олон арван жилийн замналаа эхэлснээс хойш буюу 1970-аад оны сүүлчээс хойш хувийн хэвшлийг “Нэгдсэн фронт”-той уялдуулахын ач холбогдлыг онцолж иржээ.

Лондон дахь “SOAS China Institute”-ийн захирал Стив Цангийн үзэж буйгаар Хятадын эрх баригчид ийм шийдвэр гаргасанд нэг талаараа гайхах зүйлгүй аж. Хятадын эдийн засаг жилийн эхэнд өсөлттэй байсан ч коронавирусийн цар тахлаас болж энэ өсөлт арчигдсан. Хятадын улстөрчид өнгөрсөн хугацаанд эдийн засгийн тогтворгүй байдал нь нийгмийн эмх замбараагүй байдалд хүргэхээс эмээж байгаагаа илэрхийлсээр байв. Сүүлийн жилүүдэд тус улсын хувийн хэвшлийн салбар дахь санхүүгийн хямралыг харгалзан үзвэл Засгийн газар эдгээр компанид өөрсдөд нь бүрэн найдаад орхиход хүнд байгаа нь ойлгомжтой. Мөн дээрээс нь Хятад улс өрнөдийн гүрнүүдийн дайсагналд улам ихээр өртөх болсон. Вашингтон, Бээжингийн хоорондох маргаан нь “TikTok”-ийн “ByteDance”-аас эхлээд технологийн “Huawei” компани хүртэл Хятадын олон бизнес эрхлэгчдийн хувь заяанд хүндээр тусчээ.

“Ши Жиньпин урьд өмнө нь тохиолдож байгаагүй их хүндрэл бэрхшээлтэй тулгарч байгаа тул тэр бүх ард түмнийг нэгдмэл байдлаар захирахыг хүсч байна. Хямрал нэмэгдэх тусам эрх баригчдын бүх нийтийг нэгтгэж, ижил дуу хоолойтой байлгах хүсэл нэмэгдэх болно” гэж Хонгконг дахь Хятадын их сургуулийн Хятад судлалын тэнхимийн профессор Уилли Лам хэлсэн байна.

Хувийн хэвшлийнхнийг хянан хамгаалах нь 

Эрх баригчдын гаргасан шийдвэр гэнэтийн байсан ч тус улсын хувийн хэвшлийн салбар ямар нэг байдлаар Коммунист намын хяналт, хамгаалалтад байх байдал олон жилийн турш оршсоор ирсэн. 2015 болон 2016 онуудад үнэт цаасны зах зээл унасны дараа эдийн засгийн өсөлт удааширч, урьд өмнө байгаагүй их хэмжээний мөнгө хувийн хэвшлийн салбараар дамжин Хятадаас гарч эхэлсэн юм. Эрх баригчид үүнд тус улсын хувийн хэвшлийн тэргүүн баячуудыг буруутгаж, энэ үеэс хувийн секторт тавих хяналтаа чангатгаж эхэлсэн билээ. Аж ахуйн нэгжүүдэд хэт их зээл өгөх явдлыг хязгаарлаж, Хятадаас гарах мөнгөний урсгалыг ч хянах болжээ.

“Энэ кампанит ажил 2017 онд өрнөж байх үед Ши мөн “Хятадын хувьд бүх зүйлийн амин зүрх нь Коммунист нам” гэдэг суртлыг ярьж байжээ. Тиймээс энэ бол шинэ зүйл биш, хувийн хэвшлийнхний хүчээр төрийн ажлыг урагшлуулах бодлого Ши Жиньпиний дотор байсаар ирсэн” гэж Стив Цанг ярьжээ.

Гэхдээ ингэж хувийн хэвшлийн үйл ажиллагаанд Засгийн газар хөндлөнгөөс оролцох нь тэдгээр компанид тогтворгүй байдал үүсгэх эрсдэлтэй нь хэд хэдэн жишээнээс харагддаг. Тухайлбал, 2018 онд Хятадын эрх баригчид “Waldorf Astoria” болон “Stratejik Hotels & Resorts”-ийн гадаад дахь хамгийн том төлөөлөгч компани болох “Anbang Insurance” компанид хяналт тавьж эхэлсэн. Гэтэл эцэст нь тус компанийг үүсгэн байгуулагч Ву Сяохуй залилан, хөрөнгө шамшигдуулсан хэргээр 18 жилийн хорих ялаар шийтгүүлж, тус компани татан буугдаж байгаагаа өнгөрсөн долоо хоногт зарласан. Түүнчлэн энэ оны эхээр тус улсын хамгийн том группын нэг “HNA Group” мөн л Засгийн газрын хяналтад орсныхоо дараа уруудан доройтож эхэлсэн. Тус компани сүүлийн жилүүдэд Хилтон (HLT), Дойче банк (DB) болон бусад гадаад дахь хөрөнгө оруулалтад 40 тэрбум ам.доллар зарцуулж, эцэст нь маш их өртэй болж, санхүү нь хэт ачааллаа дийлэхээ байсан.

Мөн өнгөрсөн жил Ханжоу хотын албан тушаалтнуудыг тус улсын томоохон хувийн компаниуд болох Alibaba (BABA)and Geely (GELYF) зэрэг компанид "Засгийн газрын төлөөлөгчид" нэрээр нэвтрүүлсэн. Энэ алхам нь Засгийн газраас хувийн компаниудад өгсөн "Бидэнтэй ойр, биднийг сонсож ажиллаарай" гэх дохио байж магадгүй гэж Хонконг дахь “Partners Capital International” компанийн гүйцэтгэх захирал Рональд Ван ярьсан юм.

Эх сурвалж: CNN

Энэ мэдээнд өгөх таны сэтгэгдэл?
6
ТэнэглэлТэнэглэл
5
БурууБуруу
4
ХахаХаха
3
ЗөвЗөв
1
ХөөрхөнХөөрхөн
1
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-23 202.9.46.118

Хятад улсын хувьд асуудал хүнд л байгаа юм байна. Удалгүй манайх байхан дүрвэгчээр дүүрэх байх. Хөрөнгөө хамгаахын тулд манайд хөрөнгө оруулалт нь нэмэгдэж магадгүй. гэхдээ л 30 онд сонсон газар сайхан суусан газар зовлонтой гэдэг хэлц давтагдах байх.

Avatar

Зочин 2020-09-23 66.181.188.107

Монголд байгаа Хятадын компаниудад коммунист намын төлөөлөгч ирэхнээдээ! Хятадын бодлогоо гэж !!!!!!

Avatar

Х 2020-09-23 210.137.44.100

Манай төрийн байгууллагуудад нэг нэг коммунист намын төлөөлөгч тавимаар л байна шүү.

Avatar

Zochin 2020-09-23 103.14.37.6

udahgui udahgui

Avatar

Зочин 2020-09-23 202.70.46.20

Ашгүй дээ. Ингээд яваад байвал удахгүй Хятад улс задрах болно. Задраасай билээ.

Avatar

Зочин 2020-09-23 192.82.64.248

2 талтайа суудал байх.
Нэгдүгээрт Хятадын компанууд маш их авилгажсан, ялангуяа төртэй ажилладаг компанууд нь үнэхээрийн аюултай их авилгажсан байдаг. Энэ нь тэдний сэтгэлгээнд гүн бат сууусан, ажил амьдралын үндсэн хэв маяг, бараг соёл нь шахуу болсон байдаг. Үүнийг нь хазаарлах боломж нээгдэнэ. Гэвч нөгөө талаас үйл ажиллагааны тогтворгүй байдал, яваад болоод ирсэн системийг унагаах , нураах эрсдэлтэй алхам болно доо.

Avatar

Зочин 2020-09-23 202.21.107.84

Монголд байгууллага болгонд намын хороо байсан цаг саяхан даа.

Avatar

Зочин 2020-09-23 66.181.182.194

кк гутлын үйлдвэрийн намын хороон дарга үйлдвэрчний хороон дарга гээл явж өгийшт бүр дунд сургуулиуд хүртэл

Avatar

Зочин 2020-09-23 202.21.113.238

Eniig manai huuk choloot zah zeel bhgui geed baigaam

Avatar

Зочин 2020-09-23 203.91.112.133

Хэнд хэрэгтэй юм бол доо. Хэцүү ч юмдаа. Хүний амьдралын мөчлөг их богинохон.Энэ ухаант удирдагч юуны төлөө ингэтлээ харгис хатуу бодлого явуулдаг юм бол доо

Avatar

Зочин 2020-09-23 66.181.161.88

НЭГ УЛС ХОЁР СИСТЕМ МААНЬ НЭГ КОМПАНИ ХОЁР ЗАХИРАЛ БОЛООД ДАШИЙ ШОГ .

Avatar

eh oronch 2020-09-23 122.201.31.51

Ene ergeed sotsializm kommunizmiinhaa zamd orj bn getel manai darga nar oros,hyatadiin nuluuguur ergeed iim zam ruu oroh beltgelee bazaaj bh shig bn uchir ni shanhain hamtiin niigemlegt elsej oroh beltgelee hyatad oros hoeriin zaavraar hiij bh shig ene ni huuchnii kommentern mongold uuseh nuhtsliig burduulj uguh yam daraa ni oros hyatad hoert ene baiguullagiin tuslamjtaigaar mongolchuudiig daramtlaj bh nuhtsul burdeh yam

Avatar

зочин 2020-09-23 66.181.166.196

Одоо манайхан дуурайна, МАН-ын төлөөлөгч компани бүрт ажиллана

Avatar

Зочин 2020-09-23 66.181.188.80

Яг энэ удирдагчийнхаа үед хятадын коммунист нам түүхийн тавцангаас бууна… Энэ нь араасаа их хятадын задралыг дагуулна… Олон ард түмэн ястан угсаатнууд чөлөөлөгдөнө. Асар том бужигнаан үймээн, харамсалтай нь бас цус урссан том жижиг мөргөлдөөн ихээр өрнөнө… Харин Монгол үүнд бэлэн үү…

Avatar

Зочин 2020-09-23 202.126.90.127

Хүрэлсүхэд уншуул. Дуурайг

Avatar

Зочин 2020-09-23 192.82.71.55

Цаад чинь дурайгаад эхэлцийшдээ Би л Засаглана Хувийн Өмч Гэж Одооноос Байхгүй Шүү пдсакуудаа гэсийшдээ

Avatar

Зочин 2020-09-23 66.181.161.37

Хувийн сектороо устгаад сүйрүүлэх эхлэлээ тавьлаа сайн л биз

Avatar

эргуу оркоо 2020-09-23 66.181.161.95

Сайн муу юмаа мэдэхуу Тэр шийдвэрийн гарсан ур дун нь манайд шууд нелеелене муугаар шуу

Avatar

kub 2020-09-23 202.126.88.128

bodoj baisnaas urgun khureend dairch baigaa yum bndaa

NewsMN Гар утасны хувилбар Татах
NEWS.mn

Мэдээллийн эх сурвалж