АНУ-ын Конгрессын доод танхим Шинжааны хоригийг баталлаа | News.MN

АНУ-ын Конгрессын доод танхим Шинжааны хоригийг баталлаа

АНУ-ын Конгрессын доод танхим Шинжааны хоригийг баталлаа

АНУ-ын Конгрессын доод танхим Шинжааны хоригийг баталлаа

АНУ-ын Төлөөлөгчдийн танхимд өчигдөр (2020.9.22) Шинжаан-Уйгур дахь албадан хөдөлмөр эрхлүүлэлтийг ашиглан үйлдвэрлэсэн Хятадын бараа бүтээгдэхүүний эсрэг импортын хоригийг баталлаа. Ардчилсан намын олонх Конгрессын доод танхимд Хятадын барааны эсрэг импортын хоригийг 406 төлөөлөгч дэмжсэн бол ердөө гурван хүн эсрэг санал өгчээ.

АНУ-аас Хятадын алс баруун хязгаарын Шинжаан-Уйгурын бүс нутгаас авдаг улаан лооль, хөвөнгийн импортыг зогсоохоор бэлтгэж байгааг Гааль, хилийн хамгаалалтын албанаас өмнө нь мэдээлж байсан.

НҮБ-ын хүний эрхийн байгууллагаас мэдээлснээр Шинжаан дахь нэн сая шахам уйгур үндэстнийг Хятадын хэл, соёлд сургах нэрийдлээр хорьж, албадан хөдөлмөр эрхлүүлэх, эрүү шүүлт тулгах, хүчирхийлэл үйлдэж байна. Үүний эсрэг АНУ болон бусад орнуудын зүгээс Хятадад шахалт үзүүлж, хүний эрхийг зөрчсөн үйлдлээ зогсоохыг шаардаж буй.

Шинжаан дахь Албадан боловсрол олгох төвд хоригдсон хүмүүст хүчээр Хятадын соёл, итгэл үнэмшлийг зааж, хүлээн авахаас нааш сулладаггүй аж. Албадан боловсрол олгох төвийн асуудлаар өнгөрсөн 2018 оны арваннэгдүгээр сард Женевт НҮБ-ын Хүний эрхийн зөвлөл Хятадаас тайлбар авсан юм.

Шинжаан-Уйгур дахь Хятадын бодлого өмнө нь салан тусгаарлах бослого тэмцлийг дарах байсан бол өдгөө Ши Жиньпиний санаачилсан Азийг Европтой холбох нэг бүс-нэг зам худалдааны чиглэлийн газрын маршруттай холбоотой өөрчлөгджээ. Шинжаан-Уйгур нь Хятадын бусад мужаас хамгийн олон улстай хиллэдэг, 5600 км урт буюу хамгийн урт хуурай замын хилтэй муж. Нийт 47 үндэстэн, ястнаас бүрдсэн 23 сая хүн амтай. Тус мужид Хятадын Засгийн газраас дэд бүтэц, санхүүгийн салбарт гурван их наяд юанийн хөрөнгө оруулалт хийсэн байдаг.

Эх сурвалж: Reuters

Энэ мэдээнд өгөх таны сэтгэгдэл?
5
ЗөвЗөв
1
ХахаХаха
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-23 107.77.173.41

stop made in china

Avatar

Зочин 2020-09-23 66.181.176.156

за одоо өвөрмонголоос ноолуур авахаа боливол Монголын ноолуурын зах зээл цэлийтэл нээх нь дээ

NewsMN Гар утасны хувилбар Татах
NEWS.mn

Мэдээллийн эх сурвалж