"Таалагдахгүй бол үйлчлүүлэхгүй байж болно" | News.MN

"Таалагдахгүй бол үйлчлүүлэхгүй байж болно"

"Таалагдахгүй бол үйлчлүүлэхгүй байж болно"

"Таалагдахгүй бол үйлчлүүлэхгүй байж болно"

Монголын нэр хүндтэй гоо сайхны “Туяарах” салон эмэгтэйчүүдийн хувцас солих өрөөндөө хяналтын камер суурилуулжээ. Камер суурилуулсан тухайгаа үйлчлүүлэгчдээ огт мэдэгдээгүй бөгөөд энэ  нь  “хүний эрх зөрчигдөж байна” хэмээн гомдол гаргасан иргэнтэй зүй бусаар харьцсан аж. Салоны зүгээс үйлчлүүлэгчдийг эд зүйлс хулгайд алдагдахаас сэргийлэн камер тавьсан гэж тайлбарлажээ. Гэхдээ “Туяарах” салоны менежер үйлчлүүлэгчээ дорд үзсэн хандлага гарган "Таалагдахгүй бол үйлчлүүлэхгүй байж болно" гэж хэлснээр тухайн эмэгтэй олон нийтийн сүлжээнд бухимдлаа бичсэн юм. Уг мэдээлэлтэй холбогдуулан Шударга өрсөлдөөн хэрэглэгчдийн төлөө газар (ШӨХТГ)-аас  "Туяарах" салонд ажиллаж, хяналт шалгалт хийжээ. Хяналт шалгалтын үр дүнд тус салон хэрэглэгч иргэдээсээ уучлал хүсэх, камер суурилуулсан компанийг дуудаж  камераа авах,  хуулийн дагуу  хариуцлагаа бүрэн  хүлээхээ мэдэгджээ. ШӨХТГ-аас эхний удаа сануулах арга хэмжээ авсан байна. Дараагийн удаа дахин ийм зөрчил гаргавал хуулийн шаталсан арга хэмжээг авахаа мэдэгджээ.

Дэлхий дахинаа жижиглэн худалдаа эрхлэгч, дэлгүүрүүдэд хулгайчтай тэмцэхийн тулд хяналтын камер байршуулах нь хүний эрхийг хамгаалахтай зөрчилддөг гол асуудал болоод буй. Тухайлбал, АНУ-д жижиглэн худалдаа эрхлэгчид өнгөрсөн 2019 онд дэлгүүрийн хулгайчдаас болж 61.7 тэрбум ам.долларын хохирол амссан талаар Үндэсний жижиглэн худалдааны аюулгүй байдлын судалгаанд дурджээ. Үүний эсрэг худалдаа эрхлэгчид камерыг өргөнөөр ашигладаг. Гэхдээ эмэгтэйчүүдийн бичлэгийг нууцаар хийн порно сайтуудад байршуулах, зураг, бичлэгээр нь тухайн хүнийг дарамтлах зэрэг гэмт хэргээс сэргийлэн хувцас солих болон ариун цэврийн өрөөнд камер байршуулахыг олон улсад хориглодог.

Ялангуяа, Өмнөд Солонгост нууц камераар бичлэг хийн порно сайтууд дээр байршуулах гэмт хэрэг өргөн тархсан. Ихэвчлэн эмэгтэйчүүдэд мэдэгдэлгүй сургууль, оффис, галт тэрэг, ариун цэврийн өрөө, хувцас солих өрөө зэрэгт камер байрлуулдаг байна. Үүнийг эсэргүүцэж хэдэн арван мянган эмэгтэйчүүд жагсаал, хөдөлгөөн өрнүүлж, цагдаа нарын анхаарлыг шаардаж, тус гэмт хэргийн хор хохирлыг бусдад таниулан дуу хоолойгоо өргөцгөөх болсон юм. Улмаар энэ төрлийн гэмт хэрэгт оноох шийтгэлийг чангаруулжээ.

Тус улсад нууцаар бичлэг хийсэн нь нотлогдвол таван жил хүртэл хугацаагаар шоронд хорих 10 сая  хүртэлх воноор  торгох хүртэл арга хэмжээ авах хатуу хуультай.

АНУ-ын зарим муж улсуудад хувцас солих өрөөнд хяналтын камер ашиглахыг тодорхой заалтын дагуу зөвшөөрдөг бөгөөд энэ тохиолдолд үйлчлүүлэгчид заавал мэдэгдэх ёстой. Хэрэв хувцас солих өрөөний бичлэг алдагдсан тохиолдол тухайн байгууллага, дэлгүүр хуулийн хатуу хариуцлага хүлээнэ.

Н.ТУЯА

Энэ мэдээнд өгөх таны сэтгэгдэл?
4
ЗөвЗөв
2
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zavaarsan 2020-09-23 202.131.225.197

dontoi garuud

Avatar

зочин 2020-09-23 203.91.115.251

Жорлондоо

Avatar

зочин 2020-09-23 203.91.115.251

с***р хүмүүс

Avatar

иргэн 2020-09-23 103.26.193.168

Юм алдагдахаас сэргийлж, бас цэвэрхэн бие засч чаддаггүй ОО завааруулж орхидог хүмүүс одоохондоо манайд их шүүдээ, ийм нөхцөлд камер хэрэгтэй шүү. Олон улс яах вэ, өөрийн нөхцөлөө анхаарч тооцож байвал зохино.

Avatar

Зочин 2020-09-23 66.181.161.14

Нэгэнт б чигдсэн цахим файлуудыг нь шалгасан юм уу, энэ л асуудал болно доо, хэн ч хэзээ ч хаана ч ашиглаж болох нь

Avatar

Зочин 2020-09-23 73.231.128.120

Шууд хаах ёстой

Avatar

Зочин 2020-09-23 103.14.36.18

Төрийн үйлчилчилгээг бол хүн бүрд, сэтгэл ханамжийн өндөр түвшинд үзүүлэх ёстой: Хувь хүн болон хувийн хэвшлүүд бол өөрийн ажил үйлчилгээг хүн бүрд заавал үзүүлэх албагүй.

Avatar

зочин 2020-09-23 66.181.166.196

10 сая вон хүртэлх төгрөгөөр торгох гэнэ ээ

Avatar

зочин 2020-09-23 66.181.166.196

10 сая вон хүртэлх төгрөгөөр торгох – энэ одоо юу гэсэн үг юм бол доо, өмнө солонгост төгрөг гүйлгээнд явдаггүй л байлтай

Avatar

зочин 2020-09-23 119.40.98.18

Хүний төлөө ажилладаг хөдөлмөрч хамт олон байна лээ шүү. Битгий тэгж харлуулж бай дутуугийн орихдос нар минь.

Avatar

Зочин 2020-09-23 103.136.254.8

Жаахан нэрт гарахаараа биеэ тоодог Монголчуудын тэнэг зан Туяарах угаасаа тийм харьцаа байхгүй тэнэг газар ялгаж харьцдаг

Avatar

Зочин 2020-09-23 202.131.233.251

Өө за за, туяарах руу дахиж хэзээ ч орохгүй ээ.

NewsMN Гар утасны хувилбар Татах
NEWS.mn

Мэдээллийн эх сурвалж