“Хийморь” кино олон улсын наадмаас шагнал хүртжээ

Хуучирсан мэдээ: 2020.09.22-нд нийтлэгдсэн

“Хийморь” кино олон улсын наадмаас шагнал хүртжээ

“Хийморь” кино олон улсын наадмаас шагнал хүртжээ

Төрийн шагналт, зохиолч Ч.Лхамсүрэнгийн “Хүрэн морь” найраглалаас сэдэвлэсэн “Хийморь” уран сайхны кино АНУ-ын олон улсын кино наадмаас шагнал хүртжээ.

Тодруулбал, АНУ-д  зохион байгуулсан  “The Ouray international film festival” олон улсын кино наадмын нээлтийн киногоор Монголын “Хийморь” кино шалгараад байсан юм. Уг олон улсын кино наадамд 500 шилдэг уран сайхны кино өрсөлдөж, есдүгээр сарын 18-20-ны өдрүүдэд шилдгүүдээ тодруулсан байна. "Хийморь" уран сайхны кино нь “Excellence in International Filmmaking medallion хэмээх шагналын эзэн болжээ.

Жүжигчин, найруулагч Г.Эрдэнэбилэгийн найруулсан уг дэлгэцийн бүтээл 2019 оны нэгдүгээр сард үзэгчдэд хүрч эхэлсэн. Эл бүтээл 2019 оны хоёрдугаар сард болох АНУ-ын Академийн шагнал гардуулах ёслол буюу “Оскар”-ын наадмын гадаад хэлээрх кино төрөлд нэр дэвшсэн байдаг. Мөн олон улсын "Алтан бөмбөрцөг" кино фестивальд шалгарч байсан.

Энэ талаар найруулагч Г.Эрдэнэбилэг ярихдаа "Хийморь" уран сайхны кино одоогоор найм дахь олон улсын кино наадамд амжилттай оролцож байгаа бөгөөд одоогоор таван шагнал хүртээд буй" гэдгийг дуулгалаа.

Дашрамд, тус уран сайхны кино нь 2019 онд Германд болсон “Oldenburg International Film Festival”-д оролцон “Кино урлагийн амин сүнс” шагналыг хүртсэн юм. Хоёр цаг үргэлжлэх “Хийморь” уран сайхны кино нь монгол морь, монгол бахархал, монгол хүний эх орноо хайрлах сэтгэл, хүн байгалийн холбоо, монгол философийг багтаасан юм.

А.СҮРЭН

Энэ мэдээнд өгөх таны сэтгэгдэл?
17
ЗөвЗөв
2
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж