FinCEN: ОХУ-ын олигархууд мөнгө угаахдаа том банкуудыг ашигласан | News.MN

FinCEN: ОХУ-ын олигархууд мөнгө угаахдаа том банкуудыг ашигласан

FinCEN: ОХУ-ын олигархууд мөнгө угаахдаа том банкуудыг ашигласан

FinCEN: ОХУ-ын олигархууд мөнгө угаахдаа том банкуудыг ашигласан

АНУ-ын Сангийн яамны харьяа санхүүгийн гэмт хэрэгтэй тэмцэх тусгай алба “FinCEN”-ий нийтэд ил болгоод удаагүй байгаа хоёр их наяд орчим ам.доллартай холбоотой баримтууд нь дэлхийн том банкууд гэмт хэрэгтнүүдийн их хэмжээний бохир мөнгө эргэлдүүлэх аргатай хэрхэн холбогддог байсныг илчилжээ. Мөн ОХУ-ын олигархууд хэрхэн хориг арга хэмжээг зөрчин мөнгөө барууны орнуудад гарган эргэлдүүлэхэд банкуудыг ашиглаж байсан нь ил болсон байна.

Ийнхүү сүүлийн таван жилийн хугацаанд далд байсан мөнгө угаах, нууц худалдаа, эдийн засгийн гэмт хэргүүдийн тухай асар их мэдээлэл задарчээ.

FinCEN баримтууд гэж юу вэ?

FinCEN албаас 2657 баримт задарсан бөгөөд тэдгээрийн ихэнх нь 2000-2017 оны хооронд банкуудын АНУ-ын эрх баригчид, тэр дундаа Сангийн яаманд хуулиар хүлээсэн үүргийнхээ дагуу илгээсэн тайлангууд аж. Банкууд ийнхүү тайлан илгээхдээ үйлчлүүлэгчдийнхээ учир битүүлэг үйлдлүүдэд санаа зовж буйгаа 2121 баримтад удаа дараа илэрхийлсээр байсан ч нотлох баримт сул тул юу ч хийж чадаагүй байна.

Ийнхүү өдгөө олонд ил болж задарсан баримтууд нь угтаа бол олон улсын банкны тогтолцооны хамгийн өндөр нууцлалтай нууцуудын нэг юм. Банкууд эрх баригчдад илгээсэн тайлангуудаараа дамжуулан зарим үйлчлүүлэгчдийнхээ сэжигтэй байдлыг мэдээлдэг байсан ч тэдгээр нь үйлчлүүлэгчдийг хууль зөрчсөн, гэмт хэрэг хийсэн гэх нотолгоо болоход хангалтгүй байж.

Анх Buzzfeed мэдээллийн агентлаг дэлхийн 88 орны 108 мэдээллийн агентлагийн нэгдсэн эрэн сурвалжлах бүлэгт мэдээлснээр эдгээр баримтууд нийтэд ил болсон аж. Улмаар өдгөө олон зуун сэтгүүлчид эл баримтуудыг нэг бүрчлэн нарийн шигшиж, банкнуудын нуухыг эрмэлздэг зүйлсийг ар араас нь илчилсээр байгаа юм.

Сэжигтэй гүйлгээний мэдээлэл (SAR)

АНУ-ын сангийн яамны санхүүгийн гэмт хэрэгтэй тэмцэх тусгай алба fincen нь банкуудын гүйлгээний талаар мэдээллийг цуглуулж, Засгийн газрын бусад агентлаг, тагнуулын байгууллагуудтай хамтран шалгадаг аж. Харин нөгөө талаас банкууд хуулиар хүлээсэн үүргийнхээ дагуу АНУ-д төдийгүй олон улсад ам.доллараар хийсэн сэжигтэй гүйлгээний талаар бүх тайлангаа fincen-д мэдээлэх ёстой гэнэ.

Ийнхүү банкууд үйлчлүүлэгчийнхээ учир битүүлэг үйлдлийг сэжиглэвэл сэжигтэй гүйлгээний мэдээлэл буюу SAR маягтыг бөглөж, fincen-д илгээх үүрэгтэй юм байна.

Энэ нь яагаад ноцтой зүйл вэ?

Хэрвээ хэн нэгэн этгээд гэмт хэргийн шинжтэй аргаар ашиг олохоор төлөвлөсөн бол түүний хийх ёстой хамгийн чухал ажил нь мөнгө угаах явдал юм. Мөнгө угаах гэдэг нь хар тамхи, зэвсгийн наймаа, авлигын гэх мэт гэмт хэргийн шинжтэй аргаар олж авсан бохир мөнгөө гэмт хэрэгт холбогдоод байдаггүй нэр хүндтэй банкинд байршуулахын нэр билээ.

Энэ аргыг гэмт хэрэгтнүүдээс гадна ОХУ-ын олигархууд хориг арга хэмжээг зөрчин өөрсдийн их хэмжээний мөнгийг баруунд нэвтрүүлэхдээ ашигладаг аж. Харин банкуудын зүгээс тэдгээр гэмт хэрэгтнүүд болон олигархуудын мөнгө угаах үйлдлийг дэмжихгүй байх үүрэгтэй гэнэ.

Хуулийн дагуу бол банкууд үйлчлүүлэгчдээ чухам хэн болохыг нь нарийн тодорхой мэдэж байх ёстой юм. Үүний тулд сэжигтэй гүйлгээний мэдээллийг эрх баригчдад илгээж, тэднийг арга хэмжээ авахыг хүлээсэн болоод үйлчлүүлэгчийн хэлсний зоргоор ажиллаад суух нь хангалтгүй юм. Хэрвээ банкууд үйлчлүүлэгчийг сэжигтэй хэмээн үзвэл гүйлгээг нь тэр дороо цуцлах ёстой байдаг гэнэ.

Олон улсын эрэн сурвалжлах сэтгүүлчдийн холбооны сэтгүүлч Фергус Шиел “Сүүлийн үед задарсан уг баримтууд нь дэлхийн том банкууд олон улсад өрнөж буй бохир мөнгөний урсгалыг тодорхой мэддэг байсныг илчиллээ. Эдгээр баримтуудад асар их мөнгөний тухай яригдаж байна. Тухайлбал, өдгөө олонд ил болсон баримтуудад ойролцоогоор хоёр их наяд ам.доллар хамаатай боловч эл баримтууд нь нийт SAR баримтуудын маш өчүүхэн хэсэг юм” хэмээн ярьжээ.

Ямар баримтууд задарсан бэ?

  • Олон улсын дөрвөн том салбараар дамжуулж олон сая хүмүүст үйлчилдэг дэлхийн хамгийн том банкуудын нэг HSBC банк АНУ-ын мөрдөн байцаагчдын мэдээлэл, сануулгыг үл тоон, луйвар гэдгийг нь мэдсээр байж гэмт хэрэгтнүүдийн асар их мөнгийг эргэлтэд оруулахад тусалсан байна.
  • Мөн дэлхийн хамгийн том санхүүгийн үйлчилгээний JP Morgan төв чухам хэний хөрөнгө гэдгийг тодруулалгүйгээр нэг компанийг нэг тэрбум гаруй ам. доллараа Лондонгийн дансандаа байршуулахыг зөвшөөрсөн аж. Харин банкныхан хожим тэрхүү тэрбум гаруй ам.доллар нь холбооны мөрдөх товчооноос эрэн сурвалжилж буй хамгийн зартай 10 гэмт хэрэгтний нэг Семион Могилевичийнх гэдгийг олж мэдсэн гэнэ.
  • ОХУ-ын Ерөнхийлөгч Владимир Путины хамгийн сайн багийн найзуудын нэг тэрбумтан Аркади Ротенберг барууны орнуудын хориг арга хэмжээг үл тоомсорлон Лондон дахь Barclays банкаар дамжуулан өөрийн мөнгийг баруунд эргэлдүүлж, зарим тохиолдолд урлагийн асар их үнэ цэнтэй бүтээлүүдийг худалдан авч байсныг нотлох бримт ил болжээ.
  • Их Британийн засгийн эрхийг барьж буй консерватив намд 1.7 сая паунд хандивласан эмэгтэйн нөхрийг Владимир Путинтэй ойрын харилцаатай олигарх нууцаар санхүүжүүлж байжээ.
  • Fincen албаны шинжээчид Их Британийг өндөр эрсдэлтэй гэх ангилалд багтаасан аж. Учир нь сэжигтэй гүйлгээний тайлангуудад Их Британид бүртгэлтэй 3000 гаруй буюу өөр аль ч улсаас хамгийн олон компанийн нэр хамгийн их давтагддаг гэнэ.
  • Арабын нэгдсэн Эмират улсын төв банк Иранд хориг арга хэмжээнээс зайлсхийхэд нь тусалж буй дотоодын пүүсийн талаар сэрэмжлүүлгийг үл тоомсорлосон байна.
  • Deutsche банк гэмт хэрэгтнүүдэд хар тамхи, мансууруулах бодисын наймаа, алан хядах ажиллагаанаас олсон мөнгөө угаахад нь тусалж байжээ.
  • Standard Chartered банк терроризмийг санхүүжүүлж байсан нь илэрснээс хойш 10 гаруй жилийн турш Арабын банктай хамтран ажиллаж, их хэмжээний мөнгө шилжүүлсээр ирсэн аж.

 

Эх сурвалж: BBC.COM BUZZFEED

Энэ мэдээнд өгөх таны сэтгэгдэл?
8
БурууБуруу
2
ХахаХаха
2
ГайхмаарГайхмаар
2
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-22 192.82.78.33

Яг ш дээ. Үйлчлүүлэгчдийнхээ сэжигтэй үйлдлүүдийг яаж ч чадахгүй байсан гэчихжээ. Мэдээд санаатайгаар хамтран ажилладаг байсан гэвэл илүү үнэн. Тусгай албад нь ч нэвт мэддэг байсан. Харин одоо илчилж байгаа нь юу гэсэн үг вэ? гэдэг л чухал. Нэг л том юмны урьдчилсан дохио болов уу. Бүгдийг чипжүүлэн тамгалах, тэгээд бэлэн мөнгийг ялангуяа долларыг устгаж, түүгээр дамжуулан хийсэн бүх нүгэлээ арилган арчих гэж байгаа. Цоо шинэ боолчлолын арга механизм нэвтрүүлэх гэж байгаа л даа

Avatar

Зочин 2020-09-22 192.82.78.33

Ертөнцөд дүрэм тогтоодог, тэгээд хэрэгжилтийг нь хянаж цагддаг хэдхэн хүн бий. Бусад нь, тэр путин нь ч, трамп нь ч, хаад нь ч, боол нь ч, ши жин пин ч… бүгд тэр дүрмийн дагуу амьдардаг. Одоо тэр жинхэнэ том боссууд бүр тодорхой боолчлол оо гүйцэлдүүлэх гэж байна

Avatar

Зочин 2020-09-22 202.126.90.100

Crypto valyutny une usoh yum bna daa

Avatar

Зочин 2020-09-22 202.179.26.84

ЗСБНХУ буюу СССР гэж асар том холбооны улс байсан болохоос өнөөгийн ОХУ буюу Россия бол жижигхэн. Манайхан ба Путин өөрөө үүнийг ерөөсөө ойлгодог юмуу үгүй юмуу. Нефть газ з****г сибирийн мод гурав дээр л эдийн засаг нь тогтож байдаг. Бүгдийг нь тэр үзэн ядаад байгаа барууныхан Япон Солонгос нэмээд Хятад худалдаж авдаг. Орос дангаараа оршин тогтнож чадахгүй. "Бид та нартай та наргүй амьдарчихна." гэх алцгар үг чинь үлгэр. Хойд Солонгос хүртэл Орос Хятадгүйгээр сүйрнэ.

Avatar

Зочин 2020-09-22 202.126.89.159

Мань Путин ,, Анд нохдын капитализм,, гэдэг шинэ нийгэм байгуулж байгаа шд.
Мань Женко ч бас санаархаж байгаа шд.

Avatar

Зочин 2020-09-22 103.111.32.87

Хүрлээ ч мөн адил.

Avatar

Zochin 2020-09-22 202.126.89.111

Arga hemjee avch chadahgui bol uuniig zarlaad ch yah bilee

Avatar

Түвшин 2020-09-22 64.119.23.126

Ууг нь том нэр хүндтэй банкууд мөнгө угааж байна гэсэн нийтлэл байсан болохоос Путины олигархууд гэж нэрлээгүй шүү дээ … Ишлэлийг линкээр холбож өгвөл та нарт амар биш үү

Avatar

Том банк & олигарх нэг утгатай 2020-09-22 202.131.251.130

Том банкууд олигархуудад цуг мөнгө угаадан нь үнэн гэдэгээ баталсан биш үү

Avatar

иргэн 2020-09-22 202.179.27.143

манай хэдийг ингэж Шалгавал энэ хэдэн Банкуудыг яагаад зориудаар Дампууруулж байсан нь тодорхой болно,

Avatar

badarch taxar 2020-09-22 59.153.115.64

chadaj bga yumand arga baihgvi chastga aldaad baiwal batlozol uu

NewsMN Гар утасны хувилбар Татах
NEWS.mn

Мэдээллийн эх сурвалж