Б.Буджаргал хэт холын зайн гүйлтийн тэмцээний аварга болов

Хуучирсан мэдээ: 2020.09.21-нд нийтлэгдсэн

Б.Буджаргал хэт холын зайн гүйлтийн тэмцээний аварга болов

Б.Буджаргал хэт холын зайн гүйлтийн тэмцээний аварга болов

"Ургах нарнаас шингэх наран хүртэл” гэсэн нэртэй 12 цагийн хэт холын зайн гүйлтийн тэмцээн өчигдөр (2020.09.20) Тайланд улсад зохион байгуулагдаж, дэлхийн дөрвөн удаагийн аварга Б.Буджаргал түрүүлжээ. Монгол Улсын тамирчин Б.Буджаргал тус тэмцээний хамгийн олон тойрог тойрсон, хамгийн хол зай туулсан, хамгийн богино хугацаанд замаа туулсан зэрэг үзүүлэлтээрээ мөн тэргүүлж, дөрвөн тусгай шагнал хүртжээ. Тэмцээний хаалтын ёслолд Монгол Улсаас Тайландын Хаант Улсад суугаа Элчин сайд хүрэлцэн ирж, Монголын тамирчнаа дэмжин, баяр хүргэсэн байна.

Холын зайн гүйлтийн Дэлхийн дөрвөн удаагийн аварга Б.Буджаргалын хувьд хагас жилийн хугацаанд Тайланд улсад олон өдрийн цуврал уралдаан, тэмцээнд бэлтгэн, бэлтгэл сургуулилалтаа хийж байгаа юм. Түүний хувьд “Ковид-19” халдвар гарч, олон сар гадаадад саатсаны улмаас дасгалжуулагч, бариач, зөвлөхүүдтэйгээ хамтарч ажиллах боломжгүй болж, санхүүгийн хувьд хүндрэлтэй нөхцөл байдалтай нүүр тулсан ч дэлхийн дээд амжилтыг эвдэх зорилгоор хэт холын зайн гүйлтийн олон өдрийн цувралд оролцох зорилго тавин, бэлтгэлээ базаасаар байна.

Б.Буджаргал 2020 оны сүүлээр АНУ-д болох зургаан өдөр, зургаан шөнийн болон 10 өдөр, 10 шөнийн гүйлтэд оролцож, энэ төрөлд Дэлхийн аварга болсон амжилтаа бататгахын зэрэгцээ Дэлхийн дээд амжилт тогтоохыг зорьж байгаа юм.

Энэ мэдээнд өгөх таны сэтгэгдэл?
33
ЗөвЗөв
6
ГайхмаарГайхмаар
3
ТэнэглэлТэнэглэл
1
ХахаХаха
1
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж