Төрийн албан хаагчдын зардлыг бууруулах, мөн батлан хамгаалах зардлыг танах замаар улсын төсвөө тэнцвэржүүлэх бодлогыг ОХУ-ын Засгийн газар барьж байгааг Сангийн сайд Антон Силуанов сэтгүүлчидтэй уулзах үеэрээ хэллээ.

Төсвийн зардлыг бүхий чиглэлд 10 хувиар, батлан хамгаалахын зардлыг таван хувь танах санал Засгийн газрын хуралдаанаар дэмжигдсэнийг Сангийн сайд онцлон мэдэгдсэн байна. Ирэх 2021 онд төрийн албан хаагчдын цалинг индексжүүлэх санал мөн дэмжигджээ.

Эдгээр санал хэрэгжсэнээр улсын төсвийн зардлыг 2021 онд 927 тэрбум, 2022 онд 970 тэрбум, 2023 онд 900 тэрбумаар бууруулах боломж үүсэх аж.