ОХУ, Хятад хоёр бол АНУ-ын стратегийн гол өрсөлдөгчид хэмээн Пентагоны тэргүүн Марк Эспер Rand Corporation-д хийсэн мэдэгдлийнхээ үеэр хэлснийг Пентагоны цахим хуудсанд байршуулжээ.

"Их гүрнүүдийн өрсөлдөөн явагдаж байгаа энэ үед АНУ-ын Батлан хамгаалах яам юун түрүүн БНХАУ-ыг, дараа нь ОХУ-ыг манай стратегийн гол өрсөлдөгч хэмээн тодорхойлж байна” хэмээн Марк Эспер мэдэгдсэн байна. Түүний хэлснээр энэ хоёр улс батлан хамгаалах хүчин чадлаа шинэчлэн нэмэгдүүлж, мөн сансрын орон зай, цахим орон зайд ч хүчин чадлаа боломжоороо нэмэгдүүлж байгаа ажээ.

"АНУ болон бидний түншүүд өөрсдийн үндсэн зарчим, амьдралын хэв маягаа үргэлжлүүлэн хамгаалах хэрэгтэй” хэмээн онцолсон байна.