Х.Баттулга: Хүүхдийг хамгаалах, эхчүүдээ дэмжих бодлогыг шахан шаардана | News.MN

Х.Баттулга: Хүүхдийг хамгаалах, эхчүүдээ дэмжих бодлогыг шахан шаардана

Х.Баттулга: Хүүхдийг хамгаалах, эхчүүдээ дэмжих бодлогыг шахан шаардана

Х.Баттулга: Хүүхдийг хамгаалах, эхчүүдээ дэмжих бодлогыг шахан шаардана

Монгол Улсын Ерөнхийлөгч Халтмаагийн Баттулга өчигдөр/2020.09.18/ Завхан аймагт ажиллах үеэрээ тус аймагт амьдардаг ээжүүдэд “Эхийн алдар” одонг нь гардуулж, баяр хүргэлээ.

70  мянган гаруй хүн амтай Завхан аймгаас энэ жил 227 ээж, тодруулбал “Эхийн алдар” Нэгдүгээр зэргийн одонг 11, Хоёрдугаар зэргийн одонг 216 ээж тус тус хүртлээ.

Монгол Улсын Ерөнхийлөгч Халтмаагийн Баттулга одон гардуулсныхаа дараа ээжүүдэд хандан үг хэлэх үеэрээ Нөмрөг сумын иргэн Хурцбилэгийн Чимэдцогзолд төрсөн өдрийн мэнд хүргэв.

МОНГОЛ УЛСЫН ЕРӨНХИЙЛӨГЧ ХАЛТМААГИЙН БАТТУЛГА:

"Эх орны ирээдүйг бүтээх хүүхэд, багачуудыг халамж хайраараа өлгийдөн өсгөж байгаад тань халуун талархал илэрхийлье. 2020 онд улсын хэмжээнд нийтдээ 10,677 ээжид “Эхийн алдар” одон хүртээх Монгол Улсын Ерөнхийлөгчийн зарлиг цаг хугацаандаа гарсан хэдий ч дэлхий дахинд тархсан цар тахлын улмаас хойшлогдож, сарын өмнөөс үе шаттайгаар гардуулж байна.

Өнөөдөр Завхан аймгийн 227 ээжид, үүнээс “Эхийн алдар” Нэгдүгээр зэргийн одонг 11 ээжид, Хоёрдугаар зэргийн одонг 216 ээжид гардуулж байна. Далай мэт гүн, тэнгэр мэт агуу их сэтгэлээ үр хүүхдэдээ зориулж яваа Та бүхэнд дахин баяр хүргэе!

Мөн Нөмрөг сумын иргэн Хурцбилэгийн Чимэдцогзолд төрсөн өдрийн мэнд хүргэж, сайн сайн бүхнийг хүсэн ерөөе! Монгол Улсын хамгийн үнэт баялаг нь байгалийн баялаг бус хүн, тэр дундаа та бидний үйлсийг үргэлжлүүлэх, шинэ монголыг бүтээн байгуулах хүүхэд, багачууд юм. Иймдээ ч монголын төр хүн амаа өсгөх бодлогыг тууштай баримталж, олон хүүхэд төрүүлж өсгөсөн эхчүүдийг жил бүр Монгол Улсын Ерөнхийлөгчийн зарлигаар “Эхийн алдар” одонгоор шагнаж, хүндэтгэл үзүүлж ирсэн уламжлалтай.

“Эхийн алдар” одон бол ээж хүний нялх балчир үрсээ төрүүлж, өсгөх нөр их хөдөлмөр, зүтгэлийг төр үнэлж буйн өчүүхэн илэрхийлэл бөгөөд эхчүүдийг дэмжих, хүүхдийг хамгаалах төрийн бодлогын нэгээхэн хэсэг билээ. Бидний ирээдүй болсон хүүхэд багачууд эрүүл, аюулгүй орчинд өсөн торних нөхцөлийг хангахын тулд  төр үүнээс ч илүүг хийж, хүүхэд хамгааллын сайн бодлого хэрэгжүүлэх ёстой.

Тийм ч учраас миний бие 2018 оноос эхлэн хүүхэд хамгааллын асуудал хариуцсан төрийн байгууллагуудын удирдлагуудтай цуврал уулзалт хийж, 2019-2020 оныг “Хүүхдийн хөгжил, хамгааллын жил” болгон зарлах тухай зарлиг гаргаж, идэвх санаачилгатай ажилласан.

Цаашид ч хүн амаа өсгөх, хүүхдийг хамгаалах, эхчүүдээ дэмжих бодлогыг тэгш, хүртээмжтэй, өгөөжтэй байлгахын төлөө Улсын Их Хурал, Засгийн газрыг шахан шаардаж ажиллах болно.

Өнөөдөр одонгоо гардаж авсан хамгаас нандин хайр хүндэтгэлийн эзэн-ээжүүд Та бүхэндээ болон Завхан нутгийн нийт эхчүүд, охид эмэгтэйчүүддээ  дахин халуун талархал илэрхийлье.

Монголын үрс маань маш олон болж, аз жаргал, цог золбоо дүүрэн өсөн торних болтугай” гэлээ.


Одоогийн байдлаар нийслэлийн есөн дүүргээс гадна Дорноговь, Өмнөговь, Дундговь, Хэнтий, Сүхбаатар, Дорнод, Завхан аймагт амьдардаг ээжүүд Монгол Улсын Ерөнхийлөгчөөс “Эхийн алдар” одонгоо гардан аваад байна.

Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-19 150.129.142.23

Наймааны ухаантай хүндээ.Юу тооцоод хөдөөгүүр яваад байнав. Ирэх сонгуулийн сурталчилгаа хийж байж мэдэх хүн шүү.

Avatar

Зочин 2020-09-19 64.119.22.239

Odon avsan ehchvvd 21 oni songuuliar Genkogiin achiig hariulahiim biz dee!

Avatar

Altantsetseg 2020-09-19 122.201.19.99

Энэ их одонгийн мөнгүүдийг засгийн газар өгөхөд хүндрэлтэй шүү одоо болноо төсөвийн алдагдалтай байхад п***а чин сонгуулдаа улаараад бусдийг бодохоо байжээ хамаг буруугаа Хүрэлсүхийн засгийн газарт тохохгүй шүү корона арилаагүй байхад гадаадаас иргэдээ авчирах гэж ядаж байхад засгийн газарт улам хүнд ачаа нэмээд байх ум даа п***а чин чи наад эхчүүдийнхаа одонгийн мөнгөө хувынхаа мөнгөнөөс өгөөрэй

Avatar

Зочин 2020-09-19 202.9.46.165

Цэцэрлэг сургууль хангалтгүй, нийтийн боловсрол олгох тогтолцоо, эрүүл мэндийн систем муу байхад хоосон одонгоор хуураад яахав дээ. Энэ өнгөрсөн нийгмийн балай юмыг халах цаг болсон гэдгийг бүгд мэдээд байгаа мөртөө зориглож хийх хүн алгаа хөөрхий

NewsMN Гар утасны хувилбар Татах
NEWS.mn

Мэдээллийн эх сурвалж