"Рио Тинто"-гийн гүйцэтгэх захирлаар монгол хүн томилогдож магадгүй | News.MN

"Рио Тинто"-гийн гүйцэтгэх захирлаар монгол хүн томилогдож магадгүй

"Рио Тинто"-гийн гүйцэтгэх захирлаар монгол хүн томилогдож магадгүй

"Рио Тинто"-гийн гүйцэтгэх захирлаар монгол хүн томилогдож магадгүй

"Рио Тинто" группын гүйцэтгэх захирал Жан Себастиан Жак нь Австралийн уугуул буюу аборгенчуудын түүхэн дурсгалт газрыг дэлбэлснээсээ болж, огцрохоор болсон тул шинэ гүйцэтгэх захирлын эрэлд гарчээ.


"Рио Тинто" өнгөрсөн долоо хоногийн сүүлээр Ж.Жак болон өөр хоёр өндөр албан тушаалтан 46 мянган жилийн түүхтэй дурсгалт газрыг тавдугаар сард дэлбэлж сүйтгэснийхээ төлөө албан тушаалаа хүлээлгэн өгөхөөр болсныг зарласан билээ. Компанийн зүгээс буруутай этгээдүүдэд торгуулийн арга хэмжээ авахаар төлөвлөж байсан ч хөрөнгө оруулагчид болон идэвхтэн иргэдийн эсэргүүцэл улам ширүүссэн учир дээрх шийдвэрийг гаргасан аж.

“Тэдний хувиа хичээсэн зангийн уршгаар үнэлж баршгүй хохирол учирлаа. Тиймээс тэд одоо нутгийн иргэдийн итгэлийг эргүүлэн олж авах зайлшгүй хүнд даалгавартай тулгараад байна” хэмээн Рио тинтогийн хувьцаа эзэмшигч, 563 тэрбум ам.долларын хөрөнгө удирддаг Авердин Стандарт компанийн Сидней хот дахь хөрөнгө оруулалтын менежер Камилла Симеон ярьжээ.

Лондонд төвтэй, дэлхийн хоёрдогч хамгийн том олборлогч болох "Рио Тинто"-гийн тэргүүн Саймон Томпсон өнгөрсөн долоо хоногт “Компанид үүсээд буй хэцүү байдлыг ухаалгаар зохицуулах чадвартай шинэ удирдагч сонгох ажлыг нэн чухалчлан хэрэгжүүлж, дотроос болон гаднаас байж болох бүх боломжийг судалж байна. Нэр дэвшигчдэд нэн тэргүүнд тавьж байгаа хамгийн гол шаардлага бол хэдэн жилийн турш биш юм гэхэд ядаж ойрын хэдэн сардаа үүсээд буй нөхцөл байдалд зөв хандаж, олон нийтийн итгэлийг эргүүлэн олж авах, цаашлаад дахин түүхийн үнэт өвтэй зөв харьцах чадвар юм” хэмээн утсаар ярилцлага өгчээ.

Хөрөнгө оруулагчид болон ажиглагчдын үзэж буйгаар шинэ гүйцэтгэх захирал болох хамгийн магадлалтай байгаа нэр дэвшигчдийг танилцуулж байна.

РИО ТИНТО БААТАРЫН БОЛД:

Баатарын Болдыг ажиглагчид гүйцэтгэх захирлын орон тоонд хамгийн сайн тохирох нэр дэвшигчдийн нэгээр нэрлэж буй. Монгол Улсын иргэн тэрбээр өмнө нь "JPMorgan Chase & Co" хөрөнгө оруулалтын банкны захирлын албан тушаалыг хашиж байгаад 2016 оноос "Рио Тинто"-д ажиллаж эхэлсэн гэнэ. Б.Болд өдгөө Рио Тинтогийн эрчим хүч, эрдсийн бизнесийг удирддаг төдийгүй компанийн ирээдүйд чухам аль түүхий эд хамгийн өндөр ач холбогдолтой болох талаар төлөвлөдөг, чухал стратегийн бодлого боловсруулагч аж. Б.Болдыг монголчууд "Newcom" группийн үүсгэн байгуулагч гэдгээр нь илүү сайн таних бөгөөд тэрбээр өмнө нь Рио Тинтод Зэсийн салбарын Олон улсын үйл ажиллагаа эрхэлсэн захирлаар ажиллаж байсан юм. Тэрбээр,  1994 онд ШУТИС-ийн КТМС-ийг үйлдвэрлэлийн менежер мэргэжлээр төгссөн. Азийн Хөгжлийн Банкны төсөлд хоёр жил ажиллаад 1996 онд АНУ-ын Коннектикат мужийн Бриж пордын их сургуульд магистрын зэрэг хамгаалсан.


НЬЮМОНТ КОРПОРАЦИ ТОМ ПАЛМЕР:

Өдгөө Ньюмонт корпорацийн гүйцэтгэх захирал тэрбээр "Рио Тинто"-д дэлхийн хамгийн том алт олборлогчдын нэг болохоос нь өмнө хорин жил ажиллаж байсан аж. Тиймээс ч Рио Тинтогийн ТУЗ түүнийг өндрөөр үнэлдэг. Өдгөө 52 настай тэрбээр Австрали хүн бөгөөд Мелбурн хотод боловсрол эзэмшсэн.

Палмер өмнө нь "Рио Тинто"-д төмрийн хүдрийн бизнесийг хариуцсан удирдагч байсан. Түүний ажиллаж байсан салбар бол Рио Тинтогийн гол орлогын эх үүсвэрүүдийн нэг төдийгүй Ж.Жакын огцрох болсон шалтгаан салбар билээ.


BHP ГРУП ПИТЕР БИВЕН:

"Рио Тинто"-гийн хамгийн том өрсөлдөгчдийн нэг BHP группын санхүүгийн асуудал хариуцсан дарга тэрбээр энэ оны сүүлээр ажлаа хүлээлгэж өгөхөөр төлөвлөж байгаа билээ. Бивен BHP группын гүйцэтгэх захирлын орон тоонд хамгийн тохиромжтой хэмээгдэж байсан хүмүүсийн нэг боловч энэ оны эхээр түүний өрсөлдөгч Майк Хенри гүйцэтгэх захирлын суудалд суухаар болсон юм. Тэрбээр Португалд төрж, өмнөд Африк зэрэг олон газруудад өсч том болсон нэгэн. Нягтлан бодогч мэргэжилтэй тэрбээр 2014 оноос хойш BHP группын хоёр дахь хамгийн чухал үүргийг гүйцэтгэсээр ирсэн байна. BHP групп бол Австралийн өрнөдөд төмрийн хүдэр олборлодог тул Бивен Австрали дахь Рио Тинтогийн асуудлыг хэнээс ч илүү мэдэж буй. Түүнээс гадна Австралид олон улс төрч, хөрөнгө оруулагчдын танил гэдэг нь түүний маш том давуу тал юм.


 

НЬЮКРЕСТ МАЙНИНГ САНДИП БИСВАС:

Бисвас бол Австралийн хамгийн том алт олборлогч компанийн гүйцэтгэх захирлын албан тушаалыг зургаан жилийн турш хашсан хүн. Мөн тэрбээр Палмертай ижил, "Рио Тинто"-д удаан хугацаанд ажилаж байсан нэгэн.

Тэрбээр "Рио Тинто"-гийн Австрали, Канадын бизнест чухал үүрэг гүйцэтгэж байжээ.


СОУТ32 ГРАХАМ КЕРР:

Керрийн гүйцэтгэх захирлын албан тушаал хашиж буй Соут32 компани нь 2015 онд BHP группээс өрх тусгаарласан компани юм. Австралийн иргэн тэрбээр өрх тусгаарласан компанийн гүйцэтгэх захирлаар сонгогдохоосоо өмнө BHP группийн санхүү хариуцсан дарга байсан аж.

Мөн Керр бол "Рио Тинто"-гийн гүйцэтгэх захирлын албан тушаалд хамгийн тохиромжтой хүмүүсийн тоонд эртнээс багтаж ирсэн хүн. Тэрбээр өдгөө Рио Тинтогийн төмрийн хүдрийн бизнес төвлөрч буй Австралийн Перт хотод аж төрж байна.


РИО ТИНТОГИЙН БУСАД АЖИЛТНУУД

Эдгээрээс гадна "Рио Тинто"-гийн ажилтнууд болох өмнө нь газрын тосны салбарыг тэргүүлж байгаад одоо хөнгөн цагааны салбарт ажиллаж буй Альф Барриос, зэс болон очир эрдэнийн салбарын дарга Арнуд Сойрат, 2018 онд далайн тээврийн аварга Моллер Мирск компаниас орж ирээд өдгөө санхүүгийн асуудал хариуцсан захирлаар ажиллаж буй Жэкоб Стушолм нар гүйцэтгэх захирлын орон тоонд тохирох нэр дэвшигчид юм.

Өдгөө 48 настай Ж.Жакын орон тоог залгамжлагчийг "Рио Тинто" ийнхүү маш их анхаарал хандуулан сонгож буй нь засаг захиргаа, уур амьсгалын өөрчлөлтөөс болсон хувьцаа эзэмшигчдийн шүүмжлэл ихэсч байгаа хэцүү цаг үед уул уурхайн салбарт тэргүүлэх байр сууриа хадгалж үлдэх эрмэлзэлтэй шууд холбоотой юм. Зөвхөн "Рио Тинто" ч бус бусад компаниуд ч дээрх асуудлаас шалтгаалж удирдагчаа сольж байгаа билээ. Жишээ нь BHP групп дээр дурдсанчлан энэ оны эхээр гүйцэтгэх захирлаа сольсон бол Anglo American Plc, Glenore Plc нар ойрын ирээдүйд гүйцэтгэх захирлаа солихоор төлөвлөж байна.

“Хөрөнгө оруулагчид, ард олон, засгийн газар гэх мэт эргэн тойронд буй нийгмийн хүлээлтийг мэдэрдэг байх зайлшгүй шаардлага тулгараад байна. Тиймээс би BHP групп энэ бүхнийг мэдэрч, нийцэж, хөл нийлүүлэн алхаасай хэмээн хүсч байна” хэмээн Хенри өнгөрсөн долоо хоногт ярьжээ.

Энэ мэдээнд өгөх таны сэтгэгдэл?
20
ЗөвЗөв
3
БурууБуруу
2
ХахаХаха
2
ГайхмаарГайхмаар
2
ХарамсалтайХарамсалтай
1
ХөөрхөнХөөрхөн
1
ТэнэглэлТэнэглэл
Баярлалаа!

Холбоотой мэдээ

37 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Шараьын Баярсайхан 2020-09-18 203.91.115.53

Намайг томил, яг номонд нь оруулж өгье

Avatar

zochin 2020-09-18 202.70.46.20

Рио тинто бодлогын хүрээнд Болдыг захирлаар томилохгүй байх. Монголчуудтайгаа нийлээд сүйд хийж мэднэ гэж болгоомжлоод…

Avatar

Д 2020-09-18 223.219.248.208

Монголын ард түмний өмчийг хууль зөрчиж Рио тинтод 66 хувийг эзэмшүүлж байгаа. Гэтэл одоо Монголын эзэмшлийн 34 хувийг Хятадад өгөх талаар ярьж байна. Тэнэг, луйварчдад төрийн ажил даалгаад байдаг, ер нь удахгүй газар нутаггүй болохнээ.

Avatar

зочин 2020-09-18 202.126.92.99

Энэ мундаг гээд байгаа Баатарын болд чинь гэмт хэрэгтэн байна. Рио Монголд эрчим хзүч барих ёстой тэгхэд энэ нөхөр лоби хийж бариулаагүй нь ил боллоо. Энэ яасан ч сайн биш болж таарлаа Монголын төлөө ажиллах хүн биш байна. Зөвхөн энэ компаний эрх ашгийг бодоод Монголын эрх ашгийг хойш тавьсан байна гээд боддоо. Янзтай байгаа биз

Avatar

Зочин 2020-09-18 103.229.122.55

тоймгүй мэдрэл муутай хүн үү эсвэл захиалгын бичээч үү?

Avatar

Haha 2020-09-18 64.119.21.79

Riotinto.com gej orood Energy & Minerals yag yamar uil ajillagaa hiidegiig unshaarai. Mongol, Oyu Tolgoi toi ogt holboogui hun shuu

Avatar

оюунэрдэнэээээ 2020-09-18 192.82.72.3

ЭХ ОРНЫХОО БАЯЛГИЙГ УЛС ГУРЭН ДАМЖСАН ЭДИЙН ЗАСГИЙН АЛУУРЧДЫН КОМПАНИД ЗАХИРАЛ ХИЙНЭ ГЭЖ ЮУ ЯРИАД БАЙГАА ЛАЛРУУД ВЭ УЛС ЭХ ОРНООСОО ХЕЕЖ ГАРГАХЫН ЧИНЬ ОРОНД 98:2 ХАРЬЦААТАЙ УЛС ГУРНЭЭР НЬ ДОРОМЖИЛСОН ГЭРЭЭ БАЙГУУЛААД 34 ЖИЛ ИДЭЖ УУЖ БАЙХАД ЧИНЬ ЕВЕРТ НЬ ОРЬЕООО ГЭЭД БАЙДАГ ХЭН БЭ ЮУ ВЭ БОЛД ЧИ ХЭНИЙ ГАР ХЕЛ ЮУ ЯМАР ЗАХИАЛАГЧ ВЭЭЭЭЭ ХУРЭЛСУХ МУУ НОВШОО ГУЙ БАЙЛГУЙ ДЭЭ

Avatar

зочин 2020-09-18 202.70.46.20

Хөөж гарга, цаазал, устга гэхээс өөр юм мэдэхгүй. Оросоос бичээд байгаамуу хаашаа юм бээ чи чинь

Avatar

Зочин 2020-09-18 122.201.22.221

Гятдаас бичиж байнаа, ойхгуй байна уу.

Avatar

Зочин 2020-09-18 202.131.234.154

Rio Tinto Group -ийн гүйцэтгэх захиралд юу гэж Монгол хүн тавих вэ дээ, Австрали хүн тавих тухай яригдаж байхад, аль болох уугуул хүмүүс, нутгийн заншлыг мэдэх, хэл амаа ололцох хүн гэж байна шд! Оюу толгойн гүйцэтгэх гэвэл Болдыг тавих нь гэж болох юм аа

Avatar

Зочин 2020-09-18 202.126.89.130

Монгол залуугийн нэр гарна гэдэг л агуу гое.Бахархаад баршгуй! Болд минь улам хичээгээрэй.Би аавынх нь багын найз юмаа.😆

Avatar

Зочин 2020-09-18 66.181.167.235

Битгий горьд тэгээд от магайх уу тийм байдгүй юм монгол хүн болвол харин бүр ч муу монгол хүн өнөөдрийг харж эх орноо худалдараас сийхгүй амьтад

Avatar

Зочин 2020-09-18 103.57.92.216

mai salaavch

Avatar

Үгүй мөн их горьдох юм аа 2020-09-18 150.129.143.202

Их горьдов оо. Хэ хэ хэ

Avatar

Зочин 2020-09-18 192.82.70.206

Энэ Болд, тэр шоронд ордог Бямбасайхан нарыг Рио Тинто гэрээ байгуулах болон бусад зорилгоор ашиглах гэж алсаас Монголд оруулж ирүүлсэн гадны бууны нохойнууд. Хэрэгтээ үед Монголд оруулж ирдэг хэрэгтээ үедээ татаад авдаг тавимал гөлөгнүүд. Сая Сонгуулийн үеэр АН-ын дарга Эрдэнэд асар их мөнгө өгч тавимал болон тэжээмэл гөлөгнүүд болох С.Баярцогт, Да.Ганболд, Бямбасайхан нараа УИХ-д оруулах гээд чадсангүй, Рио Тинто. Одоо асуудал өөрсдийнх эсрэг эргээд ирэхээр Монголчуудыг уярааж, бүр цаашилбал

Avatar

Зочин 2020-09-18 202.21.96.134

Шоронгийн хаалга татааж ингэж ч шившиг болж явах гэж. Энэ залуус ингэж балайрч явдагаа болих хэрэгтэй юм бна даа. Сайн сайхан ажил хөдөлмөр хийгээд Монголд амьдарч буй монгол залуус зөндөө л байна. Рио Тинто-н захирал хэн болохыг цаг хугацаа л харуулах байх. Гадаадууд дутуу тооцно гэж ёстой байхгүй.

Avatar

Зочин 2020-09-18 202.21.108.179

Дэлхийг дамнасан аварга том корпораци юу гэж л жижигхэн Монголын иргэнийг CEO-гоороо тавив гэж… Сайхан хошгирцгоох юм аа…

Avatar

irgen 2020-09-18 192.82.77.216

Тийм шүү КТМС гэж мундаг сургууль байсан даг. Конкурсаар тоогоор нэгд ордог гавал хүүхдүүд л ордог сургууль гэж ойлгодог байлаа. Ялангуяа үйлдвэрлэл удирдлага, зохион байгуулалт буюу менежментийг ангийг хамгийн шилдэг хүүхдүүд сонгодог анги байсансан одоо ч сураггүй байх шиг.

Avatar

Зочин 2020-09-18 202.179.24.188

zuvhun mongoldoo surgguli uu kk

Avatar

Зочин 2020-09-18 192.82.69.78

Чимээгүй байж болдоггүй юмуу яасан олон сайтад давтаад хашгираад байнаа татаж үнагаах гээд байгаа юм уу хаашаа юм. Болсон хойно нь зарлана биз. Нэг монгол гайгүй явбал сайн л биз дээ.

Avatar

hoshuu nemerlegch 2020-09-18 202.179.24.188

oyu tolgoi rio tinto-giin premier assets-iin neg, rio tinto oyu tolgoi tusul deer mongoliin zasgiin gazriin maanag darga nartai munhiin heruultei, bold uuruu mongol hun uchraas yu gej l rio-giin zahiral bolgoh ve dee. newmont, bhp, newcrest-iin super garuudiin neg boloh biz.

Avatar

Аригуу 2020-09-18 64.119.22.35

Монгол хүнийг гэмт үйлдлээ хаацайлахад л ашигладаг даа. Оюу толгойн ТУЗ-ын дарга гэх Батсүх гэгч тэдний гар хөл болж монголоо тонож байгаа даа.

Avatar

Irgen 2020-09-18 192.82.69.182

КТМС гэж мундаг сургууль байсан. ШУТИС-ийн одоогийн захирал Очирбат нураахад оролцсон доо

Avatar

Зочин 2020-09-18 66.181.161.24

Б.Болд "Ньюком"-д огт падгүй, харин АНУ-аас ирээд "Алтан Дорнод Монгол" ХХК-ийг удирдаж байгаад Рио Тинто- руу явсан юм. Жи Пи Морганд ажиллаж байсан нь үнэн, гэхдээ захиарл нь байгаагүй л дээ. Ер нь хэрэгтэй кадр даа!! Төв банкны Ерөнхийлөгчөөр тавих юм бол яг чадна даа!!!

Avatar

Болчоосой 2020-09-18 24.114.60.64

Тэгвэл залуу үеийнхэнд Монгол хүн Дэдхийн хэмжээнд үйл ажиллагаа явуулж чадахын харуулсан бас нэг баталгаа болно.

Avatar

Зочин 2020-09-18 139.5.218.218

Р.Болддын хувьд монгол хүн,дээрээс нь МУ ын засгийн газартай Оюу-Толгой төсөлтэй холбоотой маргаан удаан үргэлжлэх магадлалтай ,МУ-ын иргэдийн зүгээс тухайн төслийг дэмжихгүй байгаа хүмүүс олон байгаа гэхчлэн олон шалтгаанууд нь RioTinto- зэсийн салбарын төслүүдээс Оюу-Толгой төсөлд өндөр ач холбогдол өгч байгаагийн хувьд Р.Болдыг хувийн шинжтэй үйлдэл гаргаж болзошгүй гэж үзэж гүйцэтгэх захирлаар томилох асуудалд хувьцаа эзэмшигчдийн дэмжлэгийг авахад хүндрэл үүсгэж болзошгүй.

Avatar

Зочин 2020-09-18 202.131.234.154

Энэ зургийг нь тавьсан байгаа Болд чинь Ньюкомын үүсгэн байгуулагч биш шүү дээ, сэтгүүлчид бага ч гэсэн эрэл хайгуул, судалгаа хийж, уншиж нягталж баймаар юм даа

Avatar

Зочин 2020-09-18 202.21.108.215

Керр сонгогдох бололтой. Энэ таван хүн дундаас манай хүний намтар л тааруухан юм. Нөгөө УИХ гишүүд, төрийн албаныхан нэг их намтартай болох гэж хаа хамаагүй сургууль энэ тэрээ бичдэг шиг л юм болж. Үнэндээ РТ ямар холбоотой вэ, өмнө нь олон улсын компанид ажиллаж байсан уу, ингээд л болох юмыг.

Avatar

Зочин 2020-09-18 64.119.27.153

I just love how people troll products like this before it's even released. Honestly this camera can be awesome or a flop we won't know until it's out. Unfortunately camera snobs turn their noses up at products like black magic because the price is cheaper and the quality is a little less than other cameras that cost as much a new car. To be honest I've seen editors work with "inferior" cameras and come out with products that are better than things shot on Alexas and Reds.

Yes Blackmagic cameras

Avatar

Монгол 2020-09-18 150.129.143.210

Баярлаж хөөрцөглөх хэрэггүй Монгол хүн томилсон болж махинаци хийж байгаа юм цаадуул чинь Юу ч өөрчлөгдөхгүй , бүх асуудлыг 9 хүнээс бүрдэх ТУЗ шийднэ тэдний 3 хан л Монгол байгаа Хүүхэд шиг хууртах хэрэггүй дээ Томилогдох Монгол нь зүгээр л хүүхэлдэй байна , тэр хүн өөрөө л хагартлаа баяжина Энэ зэрлэг "капиталистуудын " залийг давж унахгүй юм даа "үхэр" Монголчууд

Avatar

Халх 2020-09-18 202.21.115.2

Рио тинтогийн тухай ярьж байгаа болохоос Оюу толгойгийн тухай яриагүй байна. Сайн уншаач

Avatar

haha 2020-09-18 57.70.80.65

Хаха Рио Тинтогийн ТУЗ-д монгол хүн байдаг юм уу? Эхлээд Оюу толгой, Рио Тинто 2оо ялгаж салгачаад жон жон хийгээч

Avatar

Зочин 2020-09-18 203.169.48.150

Битгий мөрөөд. Болд бол зүгээр л гадныхны бууны нохой. Ийм амьтныг CEO болгохгүй гэдгээ Рио Тинто сайн мэлдэж байгаа.

Avatar

Зочин 2020-09-18 202.21.117.2

iim erguu atsnuud l gertee gedsee ileed hunsnii talonoor amia zogoogool suuj bga sh dee

Avatar

Хотын уугуул иргэн 2020-09-18 122.201.21.26

Один чёрт.. Нэмэгдэхүүнүүдийн байрыг солиход нийлбэр нь өөрчлөгдөхгүй. Монголчуудын шүүмжлэлд өртөөд аргаа барахдаа бас нэг башир зальт арга хэрэглэхээр төлөвлөж буй юм байна гэж ойлголоо. Монголын иргэд ашигаа хэзээ авах вэ… үндэстэн дамнасан луйварчид ба тэдний гар хөл бологчид оо..

Avatar

Зочин 2020-09-18 103.136.254.8

За ингээд л эхэлнэ л дээ. Монгол хүн захирал нь болчихвол нөгөө МоЯа-чууд нь сөрөг сэвээд яах болдоо. Монгол хүн Монгол хүнээ татаж унагаадаг өөдгүй муухай Монгол зан заншил шахуу болцон юмдаг уудаа.

Avatar

Зочин 2020-09-18 202.126.89.228

Яагаад тэгээд байгааг бодоод үзвэл Монгол хүн нь Монголоо улсаа хоролдог болчихоод байгаагаас болж байна. Ялангуяа гадныхантай нийлсэнүүд бүр их хорлонтой байна

NewsMN Гар утасны хувилбар Татах
NEWS.mn

Мэдээллийн эх сурвалж