У.Хүрэлсүх: "Ковид-19"-өөс болж удааширсан ч Дарханы замыг чанартай тавих ёстой | News.MN

У.Хүрэлсүх: "Ковид-19"-өөс болж удааширсан ч Дарханы замыг чанартай тавих ёстой

Хуучирсан мэдээ: 2020.09.17-нд нийтлэгдсэн

У.Хүрэлсүх: "Ковид-19"-өөс болж удааширсан ч Дарханы замыг чанартай тавих ёстой

У.Хүрэлсүх: "Ковид-19"-өөс болж удааширсан ч Дарханы замыг чанартай тавих ёстой

Монгол Улсын Ерөнхий сайд У.Хүрэлсүх Дархан-Уул аймагт ажиллах үедээ Улаанбаатар-Дархан чиглэлийн замын ажлын явцтай танилцав. Тэрээр 80 жилийн настай, 200 гаруй км замыг шинэчлэхээр ажлаа эхэлсэн ч "Ковид-19" цар тахлаас болж ажил удааширсан. Гэхдээ замаа хурдан дуусгах гэж чанаргүй юм хийж болохгүйгэдгийг хатуу анхааруулав.

“Улаанбаатар-Дархан чиглэлийн замын хөдөлгөөнийг 2020 оны 11 дүгээр сарын 01-нд нээнэ. Хөдөлгөөн нээнэ гэдэг нь бүрэн дуусгана гэсэн үг биш. 2022 онд ашиглалтад хүлээж авна” гэж Зам, тээврийн хөгжлийн сайд Л.Халтар хэлэв. Улаанбаатар-Дархан чиглэлийн авто замаар нэвтрэн өнгөрөх тээврийн хэрэгслийн хөдөлгөөний хоногийн дундаж эрчим 5802 тээврийн хэрэгсэл, оргил ачааллын үе буюу баяр наадмын өдрүүдэд хоногт дунджаар 12000 гаруй тээврийн хэрэгсэл зорчдог байна.

Өсөн нэмэгдэж буй хөдөлгөөний эрчим болон замын ашиглалтын байдлаас шалтгаалж хөдөлгөөний нэвтрүүлэх чадвар маш муудсан. Тиймээс нэвтрүүлэх чадварыг нэмэгдүүлэх болон хөдөлгөөний аюулгүй байдлыг хангахын тулд тус замыг дөрвөн эгнээтэй болгон өргөтгөх зайлшгүй шаардлага гарсан юм. Энэ чиглэлийн авто зам нь огцом эргэлт, тойруу, өгсүүр, уруу болон үзэгдэх орчин хангалтгүй хэсгүүд ихтэй, осол аваар ихээр гардаг есөн хар цэг бүртгэгдсэн байдаг.

Монгол Улсын Засгийн газрын 2018 оны 284 дүгээр тогтоолоор Азийн авто замын сүлжээний АН-3 чиглэлийн авто замын хэсэг болох Улаанбаатар-Дархан чиглэлийн авто замыг дөрвөн эгнээ бүхий хатуу хучилттай авто зам болгон өргөтгөн, шинэчлэх шийдвэр гаргасан. Энэ төслийн ажил нь өнгөрөгч оны дөрөвдүгээр сард эхэлж, 2020 онд дуусгах төлөвлөгөөтэй байсан. Харин Ковид 19 цар тахал, цаг агаарын тогтворгүй байдал зэргээс үүдэн төслийн бүтээн байгуулалтын явц удааширчээ.

Төслийн зам барилгын ажлыг дараах багц хэсгээр хэрэгжүүлэхээр төлөвлөсөн байна.

  1. Баруун аймаг салах тойргийн уулзвараас Хар модот давааны ар хүртэлх 37,26 км автозам
  2. Хар модот давааны араас Урьхан хүртэлх 45,5 км автозам
  3. Урьханаас Сүмбэрийн уулзвар хүртэлх 45,74 км автокам
  4. Сүмбэрийн уулзвараас Цайдамын хөндий хүртэлх 45,08 км автокам
  5. Цайдам хөндийгөөс Дарханы тойрог уулзвар хүртэлх 30,53 км автокам

Зам барилгын ажилд техник, технологийн хяналт тавих зөвлөх , зам барилгын ажлын гүйцэтгэгчийг сонгон шалгаруулах үйл ажиллааг АХБ-ны худалдан авах ажиллагааны журмын дагуу ОУ-ын өрсөлдөөн тендерээр зохион байгуулжээ. Зөвлөх компаниар “Ай Си Ти Сайн” консалтинг компани, гүйцэтгэгчээр гадаадын компаниуд, туслан гүйцэтгэгчээр Монгол компаниудыг сонгон шалгаруулж, улмаар гэрээгээ байгуулан ажлаа эхлүүлсэн.

2019 оны тухайд нийт ажлын 70 орчим хувийг гүйцэтгэхээр төлөвлөсөн боловч 24,86 хувийн ажлыг хийж гүйцэтгэжээ. Зам барилгын ажлын график, төлөвлөгөөний хоцрогдолд цаг агаарын хүндрэльтэй нөхцөл, нүүлгэн шилжүүлэлт, карьерийн зөвшөөрөл зэрэг хүчин зүйл нөлөөлсөн гэдгээр тайлбар өгөв.

2020 оны ажлын хэрэгжилт:

2020 оны зам барилгын бэлтгэл ажлыг 02 дугаар сарын нэгний өдрөөс эхлүүлж, үндсэн ажлыг 03 дугаар сарын 20-нд эхлүүлэхээр төлөвлөсөн боловч Ковид-19 цар тахлын улмаас гадаад ажиллах хүч Монгол Улсад орж ирж чадаагүйгээс барилгын ажил төлөвлөсөн хугацаандаа эхэлж чадаагүй байна. Үүнээс үүдэн АХБ-аас гурван багц хэсгийн гэрээг 2020 оны 12 дугаар сарын 31-ний өдрийг хүртэл сунгажээ. Зам барилгын хэрэгжилтийн ажлын явцыг тус бүрээр авч үзвэл:

Багц нэг. Баруун аймаг салах тойргийн уулзвараас Хар модот давааны ар хүртэлх 37,26 км автозамын ажлын гүйцэтгэл 2020 оны 09 сарын 10-ны байдлаар 69,01 хувьтай.

Багц гурав. Урьханаас Сүмбэрийн уулзвар хүртэлх 47,74 км автокамын ажлын гүйцэтгэл 53,3 хувьтай.

Багц тав. Цайдамын хөндийгөөс Дарханы тойргийн уулзвар хүртэлх 30,53 км авто замын ажлын гүйцэтгэл 51,5 хувьтай бөгөөд дээрх багцуудын ажлыг ирэх 10 дугаар сардаа багтааж дуусгана гэв.

Харин багц хоёр-Хар модот давааны араас Урьхан хүртэлх 45,5 км автозам, багц дөрөв- Сүмбэрийн уулзвараас Цайдамын хөндий хүртэлх 45,08 км авто замын ажлыг авсан компаниуд цар тахлын улмаас ажиллах хүчнээ авч чадаагүй. Тиймээс гэрээгээ цуцлах саналыг Азийн хөгжлийн банкинд тавьжээ. Ирэх 11 дүгээр сард сонгон шалгаруулалт явуулж аж ахуйн нэгжүүдийг тодруулах юм байна.

Эх сурвалж: zasag.mn

Энэ мэдээнд өгөх таны сэтгэгдэл?
15
ТэнэглэлТэнэглэл
2
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-17 66.181.161.24

ТВ-ийн мэдээгээр 11-р сард замын ажил дуусна гэх юм. Гэтэл 10 сараас эхлээд л шөнөдөө хасах градустай болдог, хасах градуст замын ажил хийж болдог юм уу? Технологийн горим нь болохгүй л баймаар юм?

Avatar

A l 2020-09-17 150.129.141.7

s*** dag piz daa shuu

Avatar

Зочин 2020-09-17 202.126.89.223

Муу л бол нөгөө муу ковид, Дарханы замд ковидын нөлөө бага байх аа, гол нь засгийн урагшгүйнх ш дээ

Avatar

Зочин 2020-09-17 133.41.91.83

Шоучин пяздаа. Өөр хэлэх аятайхан үг алга.

Avatar

Зочин 2020-09-17 64.119.27.133

200 км зам барих гэж МАН & ХҮРЭЛСҮХ майлж бндооооооооо

Avatar

иргэн 2020-09-17 202.70.34.70

Ишшшшшш гэхээс өөр юу ч хэлэхэв дээ, чаавааас. Бас зургаа авахуулаад байна аа, ичэээч. Намраас хойш яасан ч олон танилцав. Булайнуудыг тэнгэр ниргээсэй билээ. Гутармаар .

Avatar

Суугч 2020-09-17 192.82.64.190

ковидын сураг гараагүй байхад л хийж чадаагүй байж КОВИД-оос болоод ч гэх шиг

Avatar

Зочин 2020-09-17 202.131.225.197

Энэ замаас болж их асуудал болж байна даа. Худлаа шалтаг тавиад мөнгөө идээд л сууцгаахын. Барьж чадахгүй бол салбарын сайдуудад хариуцлага тооцоод дараагийн хүнийг нь шахаад яваачээ. Хойд зүгийн олон хүний ажил амьдралд нөлөөлж байна.

Avatar

Irgen 2020-09-17 202.131.235.190

4 egnee grsen yasan bee????????????? Naad hj bgaa chini 2 egnee bna. Ingej 2 egnee barih bsan yum bol huuchnaa baga zereg zasaad boloh bsan shuu dee. Ard tumneer denduu togloj bna.

Avatar

Зочин 2020-09-17 64.119.27.133

Корона руу битгий чихээд бай чи . Ганц ч ажил хийгээгүй крмпанид ажил өгсөн Энх-Амгалан наад Халтар 2-т хариуцлага ярьж чадах уу чи

Avatar

Карантин 2020-09-17 202.126.89.177

Хятадын сайдтай уулзсаны дараа хорионд орох естой

Avatar

Зочин 2020-09-17 104.248.148.122

Наад замаа машинаар явж очоод үзэхгүй яасан юм бэ Өглөөжин ард түинээ чирэгдүүлэн бүтэн 1 цаг 30 минут вокзалын үйл ажиллагааг зогсоож арай ч дээ дарангуйлагч шиг л аяглах юм даа манай удирдагчид

Avatar

иргэн 2020-09-17 202.70.34.70

Дарангуйлагчын зам руу өгсөөд л яваа. Нэг л их зандарсан, ард түмнээ өрөвдсөн хүн. Хэдэн өрсөлдөгчөө шоронд хийснээс өөр гялайлгасан юм юу ч байхгүй. Ганц гайгүй зам ч тавичихаагүй. Хийсэн ажил бүгд нь өмнөх Засгаас нь эхтэй.

NewsMN Гар утасны хувилбар Татах
NEWS.mn

Мэдээллийн эх сурвалж