"Өрх гэр-Ногоо” төсөлд хамрагдсан 20 өрх “Ургацын баяр”-аа тэмдэглэлээ | News.MN

"Өрх гэр-Ногоо” төсөлд хамрагдсан 20 өрх “Ургацын баяр”-аа тэмдэглэлээ

"Өрх гэр-Ногоо” төсөлд хамрагдсан 20 өрх “Ургацын баяр”-аа тэмдэглэлээ

"Өрх гэр-Ногоо” төсөлд хамрагдсан 20 өрх “Ургацын баяр”-аа тэмдэглэлээ

Намрын дэлгэр цаг ногоочдын хувьд хавар, зуны турш урсгасан хөлс хүч, уйгагүй хөдөлмөрийнхөө үр шимийг хүртэх баярын улирал байдаг билээ. Өнгө алагласан шинэхэн ургацын ногоогоор ширээгээ чимж, өрхийн хэрэгцээгээ хангаад зогсохгүй илүү гарсныг нь зарж борлуулан амьжиргаандаа нэмэрлэж буй “Өрх гэр-Ногоо” төсөлд хамрагдсан хөдөлмөрч, бүтээлч 20 өрхийн төлөөлөл өчигдөр ХААН театрт “Ургацын баяр”-аа тэмдэглэлээ.

“Улаанбаатар хотын эмэгтэйчүүдийн зөвлөл”, “Эх үрс-Энэрэл” хөдөлгөөнийнхөн 2001 оноос санаачлан хэрэгжүүлж буй энэхүү төсөл нийслэлийн захын хорооллын орлого багатай, өрх толгойлсон эмэгтэйчүүдийн амьжиргааны түвшинг дээшлүүлж, тогтвортой орлого олох боломжийг бүрдүүлэх зорилготой. Өнгөрсөн хугацаанд Улаанбаатар хотын есөн дүүргийн нийт 350 гаруй өрхөд бодит үр өгөөжөө өгсөн маш өргөн хүрээтэй төсөл болж чадсан бөгөөд ХААН Банкны нийгмийн хариуцлагыг хэрэгжүүлэгч ХААН Банк Сан 2009-2012 онд энэхүү төслийг санхүүжүүлэн хамтран ажиллаж ирсэн.

Энэ жилийн хувьд ХААН Банк Сангийнхан Сүхбаатар дүүргийн алслагдсан хороодын, төслийн шалгуурт нийцсэн 20 өрхийг сонгон  авч, олон төрлийн хүнсний ногоо, нарийн ногооны үр үрсэлгээ болон хөрс сайжруулах хар шороо, элс бордоо, мөн жимсний бут болон хүлэмж барих материалаар хангаснаар иргэд хашаандаа хүнсний ногоо тариалах, улмаар өрхийн хэрэглээнээс илүү гарсан ногоо, жимсээ борлуулан ашиг орлогоо нэмэгдүүлэх боломжийг бүрдүүлсэн юм.

Уламжлал ёсоор уг төсөлд хамрагдсан өрхүүд багт хуваагдан хүнсний ногоо, жимс жимсгэнэ тарих, хадгалах, нөөцлөх сургалтад хамрагдан, тариалалтын дараах үе буюу ургац хураах хүртэл багийн удирдагч нарын байнгын зөвлөгөө, дэмжлэгийн тусламжтай ажиллажээ.

Үр дүн хуваалцах “Ургацын баяр”-ын үеэр төсөлд хамрагдсан 20 өрхийн төлөөлөл нийт 14  нэр төрлийн хүнсний ногоо тариалж 10 тонн орчим ургац хураасан гэдгээ дуулгаж, ургацынхаа дээжээс авчирч, шинэхэн ногооны үзэсгэлэн гаргасан байв. Энэ үеэр “Өрх гэр-Ногоо” төсөлд хамрагдсан иргэн Т.Одончимэг “Төсөл хэрэгжүүлэгчдийн зүгээс тогтмол сургалтад хамруулж, практик зөвлөгөө өгч байсан нь тун онцлууштай, үр өгөөжтэй байсан. Өрхийн амьжиргааг нэмэгдүүлж, хашаандаа ногоо тарьж, амьдрах орчныг дээшлүүлсэн сайхан төсөл боллоо” хэмээсэн бол иргэн Ц.Нарангэрэл “Төсөлд хамрагдсанаар бусадтай хамтарч, мэдэхгүй чадахгүй зүйлээ бусдаас асууж, нэг нэгнээсээ туршлага судалж байсан нь хамгийн сайхан байсан. Хүүхдүүд маань хорио цээрийн дэглэмийн улмаас гэртээ байсан тул ногоо тарих явцад биечлэн оролцож, амтархан идэж байсан” хэмээн талархсан сэтгэгдлээ хуваалцсан юм.

Бид нийгмийн сайн сайханд бодитой хувь нэмэр оруулсаар…

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-16 202.21.109.33

Улаанбаатарын бүх газрын хөрс маш их бохирдсон хашаандаа тарьсан ногоогоо зарж болохгүй,өөрсдөө хэрэглээрэй. Анхаарах зүйл:Ногоо авахдаа Мэргэжлийн хяналтын шинжилгээний бичиг баримтыг шалгаж хүнсний ногоогоо аваарай .

Avatar

Amar 2020-09-16 182.160.33.210

Ц.Элбэгновшоо.Чиний наад монгол бичиг гээд байгаа бичиг чинь араб бичгийг хулгайлсанаа нуух гэж босгосон уйгаржин бичиг.Худлаа гэвэл интернетээс дурын араб бичгийг хэвлэж, босгоод уйгаржингаар уншдаг хүмүүст уншуулаад үз.Утгыг нь ойлгохгүй ч гэсэн шууд л уншина.Манай өвөг дээдэс үүнийг мэддэг байсан учир өөрийн гэсэн бичиг гаргах гэж янз бүрээр оролдож байсан.Хулгайн босоо араб бичгийг монгол бичиг гэвэл өвөг дээдсээ "Хийх юмгүй дээ.Бичиг, үсэг зохиож байсан тэнэгүүд" гэж доромжилж буй явдал шүү

NewsMN Гар утасны хувилбар Татах
NEWS.mn

Мэдээллийн эх сурвалж