Дулаан түгээхгүй байгаа аж ахуйн нэгжтэй хариуцлага тооцно | News.MN

Дулаан түгээхгүй байгаа аж ахуйн нэгжтэй хариуцлага тооцно

Дулаан түгээхгүй байгаа аж ахуйн нэгжтэй хариуцлага тооцно

Дулаан түгээхгүй байгаа аж ахуйн нэгжтэй хариуцлага тооцно

Нийслэлийн Онцгой комисс өчигдөр /09.15/ хуралдлаа. Хуралдааны эхэнд Нийслэлийн 2020-2021 оны өвөлжилтийн бэлтгэлийг хангах зарим арга хэмжээний талаар Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр танилцуулав. Мөн хуралдаанаар Хан-Уул дүүргийн 11 дүгээр хороо Зайсан толгойн зүүн хэсгийн 17 хотхоны 1700 гаруй айл өрхийн дулаан хангамжийн асуудал болон Сэлбэ дэд төвийн 28мВт дулааны станцын ажлын явцын талаар хэлэлцсэн юм.

Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан “Өвөлжилтийн бэлтгэл ажлыг хангахад холбогдох мэргэжлийн байгууллагууд анхаарч ажилла. Сэлбэ дэд төвийн дулааны станцын барилгын ажлыг эрчимжүүлэхэд шаардлагатай байгаа хөрөнгө мөнгөний асуудлыг шийдвэрлэж ажиллах нь зүйтэй. Хан-Уул дүүргийн 11 дүгээр хороо, Зайсан толгойн зүүн хэсгийн 1700 гаруй айл өрхийг дулаан эрчим хүчээр хангаж, дулааны алдагдалгүй өвөлжих нөхцөлийг бүрдүүлэхэд холбогдох мэргэжлийн байгууллагууд онцгой анхаарч ажиллах хэрэгтэй. Дулаан түгээх чинь өөрөө хуультай. Дулааны сүлжээ байгууллагууд өдөр, шөнөгүй ажиллаж, засвар үйлчилгээгээ үзүүлчихээд эргээд өнөөдөр 9 дүгээр сарын 15-наас эхлээд дулаан өгөх гэхээр дунд нь дахиад борлуулдаг байж таарахгүй. Олон түмэнд дулаан түгээнэ гэж авчихаад дунд нь бизнес хийдэг энэ байдлаа одоо зогсоох хэрэгтэй. Шаардлагатай бол хуулийн байгууллагад хандах нь зөв. Ард иргэдийн гудамж талбайгаар олон түмэнд дулаан түгээнэ гэж шугам татчихаад дулаанаа түгээхгүй гэж байгаа аж ахуйн нэгж байвал Нийслэлийн Засаг даргын Тамгын газрын дарга, Захирагчийн ажлын алба энд хатуу хариуцлага тооцож ажилла. Өнөөдрөөс эхлэн айл өрхүүдийг дулаанаар хангах ажил эхэлж байна. Дулаан түгээлттэй холбоотой гарч буй хүндрэл бэрхшээл юу байгаа талаар холбогдох мэргэжлийн байгууллагууд олон нийтэд нээлттэй мэдээлж ажиллах хэрэгтэй” гэв.

Мөн өвөлжилтийн бэлтгэл ажлын хүрээнд явагдсан “Яндангаа хөөлье” сарын аяныг 10 дугаар сарын 15-ныг хүртэл дахин нэг сарын хугацаанд сунгаж, гэр хорооллын айл өрхүүдэд зуух, яндан, пийшингийнхээ аюулгүй байдлыг хангах зөвлөмж, мэдээллийг хүргэж, ажлаа эрчимжүүлж ажиллахыг холбогдох байгууллагуудад үүрэг болголоо.

Халдвар хамгааллын дэглэмээ сахиулж үйл ажиллагаагаа явуулахыг анхаарууллаа

Дараа нь хуралдаанд Нийслэлийн Засаг даргын 2020 оны А/930 дугаар захирамжаар түр хязгаарласан зарим аж ахуйн нэгж байгууллагын үйл ажиллагааг нээх саналын талаар Нийслэлийн Онцгой комиссын нарийн бичгийн дарга Д.Оюунбат танилцуулав.

Тэрбээр “Өнөөдрийн байдлаар Нийслэлийн Засаг даргын 2020 оны зургаадугаар сарын 30-ны өдрийн А/930 дугаар захирамжаар олон нийтийг хамарсан жагсаал цуглаан, арга хэмжээ, диско болон бүжгийн баарны үйл ажиллагааг түр хязгаарласан шийдвэр хэрэгжиж байна. Өчигдөр буюу 2020 оны есдүгээр сарын 14-ний өдөр Улсын онцгой комисс, Засгийн газрын ээлжит бус хуралдаан болж өндөржүүлсэн бэлэн байдлын зэрэгт шилжүүлсэн хугацааг 10 дугаар сарын 31-ийг дуустал сунгаж, хилээ нээхгүйгээр дотоод үйл ажиллагааг хэвийн байдалд шилжүүлэхээр шийдвэрлэсэн тул Нийслэлийн Засаг даргын А/930 дугаар захирамжаар түр хязгаарласан диско болон бүжгийн баар, олон нийтийг хамарсан жагсаал цуглаан, арга хэмжээ зохион байгуулахыг нээх саналыг танилцуулж байна” гэлээ.

Хуралдааны төгсгөлд Хотын Захирагчийн үүрэг гүйцэтгэгч Ж.Батбаясгалан “Мэргэжлийн бүх байгууллагууд захирамжид заасан аж ахуйн нэгжүүдийн үйл ажиллагааг хэвийн горимд шилжүүлэх чиглэлд бэлтгэлээ хангаж ажилла. Гэхдээ өндөржүүлсэн бэлэн байдлын горимоо дагаж мөрдөх шаардлагатай гэдгийг аж ахуйн нэгж байгууллагуудад онцгойлон анхааруулах шаардлагатай. Халдвар хамгааллын дэглэмийг сахиж, үйл ажиллагаа явуулна. Холбогдох мэргэжлийн байгууллагууд энд хяналтаа тавьж ажиллана” хэмээсэн юм.

Нийслэлийн ЗДТГ-ын Хэвлэл мэдээлэлтэй харилцах хэлтэс

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-16 66.181.170.73

СҮҮЛИЙН ҮЕД БАРИГДСАН ШИНЭ ОРОН СУУЦНЫ ХОРООЛЛУУД ДУЛААНАА ТАВИХГҮЙ БАЙГАА ШҮҮ. ҮҮНИЙГ ШИЙДЭХ ХЭРЭГТЭЙ 9 САРЫН 15 ААС ДУЛАА ТАВЬЖ ЭХЛЭЭД ДУЛААНЫ МӨНГӨ АВДАГ Л БОЛ ДУЛААНАА Ч ГЭСЭН ТАВИХ ХЭРЭГТЭЙ БАЙНА. СОНГУУЛИЙН ӨМНӨ ГАРЧ ИРЖ НЭГ ХЭЛБЭРИЙН ТӨДИЙ ШТС УУДЫГ ШАЛГАСАН БОЛЖ СЕНСАЦИ ТАРИАД АЛГА БОЛДОГ ШӨХТГ ОДОО БОЛЪЁ ОО. АЖЛАА ЧАНАРТАЙ САЙН ХИЙМЭЭР БАЙНА.

Avatar

Иргэн 2020-09-16 202.131.245.69

Энхжин гэж нэг үнэн дампуу хотхон байна аа. СӨХ нь гэж барилгын компаниас авилгал авсан хулгайч айлуудыг дарамталж мөнгө хураана, контор нь гэж дампуурсан компани ч байж байх шиг. Алдаржавхлан дарга та ажлаа хийж айлуудыг өөрсдөө СӨХ удирдах бололцоог нь олгоно уу.

Avatar

АРД 2020-09-16 103.26.193.117

Барилгын компанитай үгсэн хуйвалдаж оршин суугчдын эрх ашгийг уландаа гишгэсэн СӨХ-г татан буулгах нь зөв! Оршин суугчид хурлаа хий гэж зарлаад ч хурлаа хийдээггүй, тайлангаа тавьдаггүй СӨХ маш их бий. Хэнд ч захирагддаггүй хувалз болж хувирсан СӨХ-г нэн даруй татан буулгая!!

Avatar

Зочин 2020-09-16 192.82.72.166

БЗД 26 Р ХОРОО ОЛИМП ХОТХОН ДУЛААН ӨГӨХГҮЙ БН

Avatar

Зочин 2020-09-16 202.5.198.62

Тулга хотхон дулаан өгөөгүй байна шүү

Avatar

ДАВААСҮРЭН&СОДНОМЦЭРЭН 2020-09-16 66.181.180.121

ОЛИМП ХОТХОН ПЬЮРХАУС ОДОО БОЛТОЛ ДУЛААН ТҮГЭЭХГҮЙ БАЙНА

Avatar

ДАВААСҮРЭН&СОДНОМЦЭРЭН 2020-09-16 66.181.180.121

ПЬЮР ХАУС ОЛИМП ХОТХОН ОДОО БОЛТОЛ ДУЛААНАА АВААГҮЙ ЫАЙНА

NewsMN Гар утасны хувилбар Татах
NEWS.mn

Мэдээллийн эх сурвалж