"Хөнгөн ялтай бол хорихгүйгээр цахим гав хэрэглэнэ" | News.MN

"Хөнгөн ялтай бол хорихгүйгээр цахим гав хэрэглэнэ"

"Хөнгөн ялтай бол хорихгүйгээр цахим гав хэрэглэнэ"

"Хөнгөн ялтай бол хорихгүйгээр цахим гав хэрэглэнэ"

НЭМЭЛТ:

Засгийн газрын өнөөдрийн хуралдаанаар Зорчих эрхийг хязгаарлах ялын хэрэгжилтийг хангах арга хэмжээний тухай тогтоолын төслийг баталлаа. Энэхүү тогтоолын зорилго нь анх удаа болон болгоомжгүй гэмт хэрэг үйлдсэн хүнийг нийгмээс тусгаарлаж хорих бус зорчих эрхийг нь хязгаарлаж хорих ангийн зардлыг багасгах, сэтгэл зүйн дарамтад өртөхөөс сэргийлэх, үр хүүхдээ өсгөн хүмүүжүүлэх, гэр бүлтэйгээ хамт байж хөдөлмөр эрхлэх боломж бий болгох зорилгоор Эрүүгийн хуульд зорчих эрхийг хязгаарлах ялыг тусгаж өгсөн байна. Тогтоол батлагдсанаар хөнгөн ялаар шийтгүүлсэн хүмүүсийг цахим хяналт хийх, техникийн тусламжтайгаар зорчих эрхийг хязгаарлаж, нийгэмшиж гэр бүлтэйгээ байх техникийн шийдэл бүхий хөрөнгийн зардлыг гаргаж, хорих ангийн ачааллыг бууруулах зорилготой юм байна.

Эрүүгийн хуулийн 140 зүйлийн 197 заалтад зорчих эрхийг хязгаарлах ял оногдуулахаар тусгасан байжээ. Эрүүгийн хууль батлагдсанаас хойш шүүхээс хорихоос өөр төрлийн ялыг

  • 2018 онд 9652
  • 2019 онд 11840
  • 2020 оны есөн сарын байдлаар 9748 ялтан байгаагаас 6363 ял шийтгэл авсан хүмүүсийн ялыг биелүүлж, 3385 ялтан хяналтанд байгаа аж.

Тиймээс энэхүү тогтоолыг баталж зорчих эрхийг хязгаарлах ялыг хэрэгжүүлэхэд шаардагдах зардлын эх үүсвэрийг шийдвэрлэж, санхүүжилтийг олгох, бэлтгэл ажлыг хангахыг холбогдох сайд нарт даалгажээ.

Ийн мэдээллийн талаар Хууль зүй, дотоод хэргийн сайд Х.Нямбаатар мэдээлэл хийлээ. Тэрбээр,  Засгийн газрын хуралдаанаар хөнгөн ялаар шийтгүүлсэн хүмүүсийг цахим хяналт хийх, техникийн тусламжтайгаар зорчих эрхийг хязгаарлаж, нийгэмшиж гэр бүлтэйгээ байх техникийн шийдэл бүхий тогтоолыг баталсан. 2021 оны нэгдүгээр сарын 1-нээс эхлэн хөнгөн ял буюу анх удаа, санамсаргүй байдлаар гэмт хэрэг үйлдсэн хүмүүсийн зорчих эрхийг хязгаарлан цахилгаан бугуйвч зүүлгэх бөгөөд ингэснээр эхний хагас жилд 1081 хүнийг энэ шийтгэлийг оногдуулах тооцоо гарсан байна.  Мөн ялыг хэрэгжүүлэх нь хорих зардлыг бууруулах бөгөөд одоогийн тооцооллоор гурван тэрбум орчим төгрөг хэмнэх боломжтой гэв.  Дэлхийн 30 гаруй оронд энэхүү ялыг ногдуулдаг бөгөөд гэмт хэрэгт холбогдсон тохиолдолд ажил хийх, сурч боловсрох эрхийг нээлттэй байлгахаас гадна хорих ял эдлэхгүй байх нь засан хүмүүжүүлэх ач холбогдолтой гэлээ.

Цахилгаан бугуйвч байршил тогтоох, явсан чиглэл тогтоох, зайны мэдээллийг агуулах бөгөөд хувь хүнтэй холбоотой өөр бусад мэдээллийг цуглуулахгүй. Ялыг хэрэгжүүлэхийн тулд цахилгаан бугуйвчийг худалдан авах бөгөөд худалдан авалтад онцгой анхаарч, хамгийн хямд үнэтэйг нь сонгосон гэв. 

Хууль зүйн сайд Х.Нямбаатар Засгийн газрын шийдвэрийг танилцуулж байна

Хууль зүйн сайд Х.Нямбаатар Засгийн газрын шийдвэрийг танилцуулж байна

Posted by News.mn on Tuesday, September 15, 2020


ЗАСГИЙН ГАЗАР ХУРАЛДАЖ БАЙНА

Засгийн газрын ээлжит хуралдаан өнөөдөр /2020.09.16/ хуралдана. Барилга хот байгуулалтын яамны үйл ажиллагааны стратеги зохион байгуулалтын бүтцийн өөрчлөлтийн хөтөлбөр, бүтэц, орон тооны хязгаар, Уул уурхай, хүнд үйлдвэрийн яамны үйл ажиллагааны стратегийн зохион байгуулалтын бүтцийн өөрчлөлтийг хөтөлбөр, бүтэц, орон тооны хязгаар батлах Засгийн газрын тогтоолууд болон бусад асуудал, мөн хөнгөн ялаар шийтгүүлсэн хүмүүсийг цахим хяналт хийх, техникийн тусламжтайгаар зорчих эрхийг хязгаарлаж, нийгэмшиж гэр бүлтэйгээ байх техникийн шийдэл бүхий тогтоолыг батлав. Томоохон төслүүдийн санхүүжилтын талаар Сангийн сайд танилцуулга, мөн бусад асуудал хэлэлцэхээр товложээ.

Улсын онцгой комиссын саналын дагуу өнгөрсөн Даваа гаригт Засгийн газар ээлжит бусаар хуралдаж, өндөржүүлсэн бэлэн байдлын хугацааг аравдугаар сарын 31-н хүртэл, боловсролын байгууллагын үйл ажиллагааг есдүгээр сарын 1-ээс, аж ахуй нэгж, үйлчилгээний байгууллага, спорт, урлагийн арга хэмжээг өнөөдрөөс эхлэн хэвийн горимд шилжүүлэх шийдвэрийг гаргасан юм. Ингэснээр хязгаарлалттай байсан үйлчилгээний байгууллагууд, боловсролын байгууллагууд, урлаг, спортын арга хэмжээнүүд хэвийн горимд шилжиж байна гэсэн үг юм.

Энэ мэдээнд өгөх таны сэтгэгдэл?
5
ТэнэглэлТэнэглэл
4
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-16 203.91.115.50

Зөв зөв. Хүнээ эхэнд нь тавьж аль болох засаж ,ойлгуулж нийгэмшүүлэх нь улсдаа ч хэрэгтэй, тухайн иргэддээ ч ээлтэй бодлого. Хүрэлсүх сайд Монголчуудын хүсэн хүлээж байсан удирдагч.

Avatar

Zocnin 2020-09-16 68.145.61.75

Kanadiin united bay geh bga hongon hereg hiisen zaluusiig 7 honogt yos zuin surgaltand yawuulj ajliin bairaar hangadag Huwi hunii nuutslaliig mash icnand nuutsaldag ucnraas hamt olon ni gaduurhdaggui Mon companid batlan daagcn ahmad hun bnga harj handaj tusalj tsaad gazartai ni medeelel soliltsdog yum bileeManai companyd neg tiim hun bsan Terniig daraa ni l medsen Gehdee hamt olondoo ner hundtei bolj ehner huuhedtei bolj zow zaluu bolsondoo

Avatar

хаан ширээний төлөө алалцах байх өө 2020-09-16 66.181.189.19

онгироо сагсуу попрох дуртай хулгайч хүрэлсүх засаг төрийг цэгцлэнэ гэж юу байхав вэ.ерөнхийлөгчийн сэнтийд суух гэж худалаа поп зан гаргаж бгаан энэ шүү дээ.монголд хаан ширээний төлөө мөн ч олон хулгай ,луйварын бүлэглэлийнхэн гэмгүй сайхан царайлж шударга зарчимч дүр эсгэж жүжиглэхыг монголчууд та нар 21 он хүртэл харна даа.элэг чини эрүүлжиж юуны магад.

Avatar

Zocnin 2020-09-16 68.145.61.75

Zow ediin zasgiin acnaalaliig buuruulah acn holbogdoltoi cn hamgiin turuund hunee bodojhumuujuuleh gej bicnsen bol hunii tolooh bas neg zow asuudliig shiidjee gej bodoh blaa Er ni hunee ehend tawij bwal ene zaluus uls ex orondoo orshoongui niguulsengui tordoo talarhaj yawah bolno

Avatar

Иргэн 2020-09-16 59.153.112.51

нэг л их тогтоол гаргаал байдаг. Хэрэгждэг юмуу. Хамгийн муу засгийн газар гэж

Avatar

Зочин 2020-09-16 192.82.65.146

9 сарын 21 нээс сэтгүүлч гуай

Avatar

Зочин 2020-09-16 202.55.188.81

Uursuduu zoriulj huuli hiideg boljee.

Avatar

уншигч 2020-09-16 66.181.169.116

энэ маш зөв. нийгмийн ороо бусгаа байдал төрийн замбараагүй тогтворгүй байдал зэрэг олон хүчин зүйлээс залуучууд буруу замд их хальтарч байгаа. гэтэл татаад туслаад авахын оронд дандаа балиар газар руу явуулахаа урьдал болгодог шүүгч прокурорууд энэ тал дээр бодолцох л хэрэгтэй. хүний мууг үзэх гэж улайрах биш хүнд туслах гэж бас цалин авдаг баймаар банйа.

Avatar

Зочин 2020-09-16 202.9.46.195

Намынхаа ял авсан гишүүдийг гэрт нь байлгах арга уу

Avatar

1 2020-09-16 59.153.115.85

Авилгалын дарангуйлал гэдэг шинэ улс төрийн тогтолцоог ХҮҮК & ЕК нар Парламентын засаглалтай улсад цоо шинээр бий болгов. Бас нэг юмаараа ч гэсэн тэргүүлж л явна

Avatar

зочин 2020-09-16 202.55.191.130

Дарангуйлал, авилгын дарамт хэрээс хэтэрч байна шүү. Анхаараарай, бүр нам дамнасан мананцарууд үүсээд хэлбэрээ олоод эхэлчихсэн байна.

Avatar

иргэн 2020-09-16 192.82.66.151

Ерөнхий сайдаа яамдаараа хурдан орохгүй бол хамаг дарга нараа халсан өөрийн багын гэсэн хэдэн дарга нартайгаа ажил хийж байгаа нэр зүүсэн яам байгааг анхаарч хамгийн түрүүнд очиж чиглэл өгч асуудлыг шийдэхгүй бол төрийн ажил завхарч дууслаа.Үнэн бодитоор нь аливаа асуудалд хандах нь шударга шүү ЕСайдаа.

NewsMN Гар утасны хувилбар Татах
NEWS.mn

Мэдээллийн эх сурвалж