Москва хот болон Москва хот орчмын хүүхдүүдийн талбайнуудыг эрс шинэчлэхээр болжээ. Москвагийн долоо цэцэрлэгт хүрээлэнд нийтдээ 1450 квадрат метр талбайд шинэ маягийн, эко талбай байгуулах ажээ. Талбайг Домодедовогийн Ушмарскийн ойд, Истра дахь паркад, Люберц дахь "Наташинские пруды" паркад, Орехово-Зуево дахь Дрезненскийн паркад, Пушкиногийн Төв паркад, мөн Павловский Посад болон Электрогорск хотын төв паркуудад тоглоомын талбай байгуулна.

Гулсуур, саадтай гулсуур, хөөцөлдөж тоглох олсон сүлжээ бүхий тор, үсэрдэг батут зэрэг хүүхдүүдийн дуртай тоглоомуудыг байрлуулах бөгөөд талбай нь резинен зөөлөвч бүхий шалтай байх юм.

"Бүх насны хүүхдийн онцлогт тохирсон тоглоомуудыг байрлуулна. Мөн хөгжлийн бэрхшээлтэй хүүхдүүд тоглох боломжийг ч бас хангана. Тоглоомын ихэнхийг цэвэр модоор хийж байгаа нь экологийн талаасаа хүүхдүүдэд ээлтэй байна” хэмээн Москва мужийн Нийгмийн хамгааллын яамны сайд Михаил Хайкин хэллээ.

Эх сурвалж: РИА НОВОСТИ