Их Британийн эрдэмтэд коронавирусийн эсрэг тарьдаг биш амьсгалдаг вакцин туршиж үзэхээр бэлдэж байна. Учир нь тэд вакциныг цусанд шахсанаас шууд уушгинд хүргэвэл илүү үр дүнтэй байж магадгүй хэмээн үзэж байгаа гэнэ.

Лондоны Эзэн хааны коллежийн боловсруулж буй хоёр ч амьсгалдаг вакцин өдгөө хөгжүүлэлтийн шатандаа явж байгаа гэнэ. Түүгээр зогсохгүй эхний вакциныг 180 хүнд туршиж үзсэн ч одоогоор үр дүнд хүрээгүй байгаа аж.

Туршилтад оролцогчдод вакциныг астма өвчний эмтэй ижил байдлаар амьсгалуулах юм байна. Судалгааг ахалж буй эрдэмтэн Крис Чиу “Өдгөө биднийг айдаст автуулж буй цар тахал бол амьсгалын замын өвчинтэй төстэй байдлаар халдварлаж байна. Энэ нь эхний ээлжинд бидний хамар, хоолой, уушгины эсүүдийг өвчлүүлдэг гэсэн үг. Эдгээр эрхтнүүдийн хувьд биеийн бусад хэсгээс өөр дархлааны тогтолцоотой байдаг. Тиймээс цар тахлын вакциныг булчинд тарихаас шууд уушгинд хүргэх нь илүү үр дүнтэй байх боломжтой юм” хэмээн ярьжээ.

Эх сурвалж: BBC.COM