Оюутолгойн шинэ ТУЗ-ийн ШИНЭ СОРИЛТ | News.MN

Оюутолгойн шинэ ТУЗ-ийн ШИНЭ СОРИЛТ

Оюутолгойн шинэ ТУЗ-ийн ШИНЭ СОРИЛТ

Оюутолгойн шинэ ТУЗ-ийн ШИНЭ СОРИЛТ

Оюутолгойг тойрсон олон ээдрээтэй асуудлыг тайлах эхний гарц “Оюутолгой” ХХК-ийн ТУЗ-д Монголын талыг төлөөлж буй гурван гишүүнийг чөлөөлөхөөс эхлэх нь.


Засгийн газрын өчигдрийн хуралдаанаар “Оюутолгой” ХХК-ийн ТУЗ-д Монголын талыг төлөөлөх гишүүдэд тавих шаардлагыг өндөрсгөн, нээлттэй сонгон шалгаруулалт зарлажээ.

“Оюутолгой” ХХК-ийн Төлөөлөн удирдах зөвлөл нь есөн гишүүнээс бүрддэгийн гурвыг Монгол Улсын Засгийн газар нэр дэвшүүлэн томилдог.

"Оюутолгой" төслөөс хүртэх Монголын талын өгөөжийг урт хугацаанд тогтвортой өсөн нэмэгдүүлэх эрх ашиг, эрхэм зорилгод тулгуурласан шийдвэр гаргах туршлага, мэдлэг, ойлголттой байх үндсэн шаардлага, нийтлэг болон тусгай шаардлага хангасан, санхүү, хууль, уул уурхайн чиглэлээр мэргэшсэн, өндөр мэдлэг, чадвартай хүнийг “Оюутолгой” ХХК-ийн Төлөөлөн удирдах зөвлөлд оруулна гэдгийг ЗГХЭГ-ын дарга Л.Оюун-Эрдэнэ өнгөрсөн хавар тодотгож байв.

Энэ дагуу сонгон шалгаруулалтыг олон нийтэд зарлаж, геологи, уул уурхай,  санхүү, эдийн засаг болон олон нийттэй харилцах чиглэлээр мэргэшсэн, англи хэлний бичгийн болон ярианы өндөр мэдлэг, ур чадвартай байх шаардлагыг ТУЗ-ийн гишүүдэд тавьжээ.

2010 оны тавдугаар сараас хойш “Оюутолгой” ХХК-ийн Төлөөлөн удирдах зөвлөлд Монголын талаас долоон удаа, нийт 13 хүнийг томилж, чөлөөлж байжээ. Тэгвэл цаашдаа ТУЗ-ийн гишүүнийг нэг жилийн хугацаатай томилж, ажлыг нь жил бүр дүгнэж явах юм байна.

Өнгөрсөн хугацаанд "Оюутолгой" компанийн ТУЗ-д Монголын талыг төлөөлж байсан хүмүүс хангалтгүй ажилладаг атлаа өндөр цалин авдгийг УИХ-ын гишүүд шүүмжилсээр ирсэн. Энэ нь ч үнэний ортой. Ялангуяа олон жил ТУЗ-д төлөөлөгчөөр ажиллаж байгаа Н.Багабанди юу хийдэг нь тун бүрхэг. ТУЗ-ийн төлөөлөл гэсэн нэрийн дор өндөр цалин авдаг ч харамсалтай нь Монголын талын идэвхтэй байр суурийг тэр илэрхийлж байсангүй.

МОНГОЛЫН ТАЛ АМНАТ БОЛОН БУСАД ТАТВАРАА ХАТУУ ХЯНАЛТАД БАЙЛГАХ УУ 

Өнгөрсөн онд УИХ-ын чуулганаар "Оюутолгой" төслийн гэрээний хэрэгжилтэд хийсэн ажлын хэсгийг тайланг сонссон. Энэ үеэр УИХ-ын гишүүд "Оюутолгой" компанийн ТУЗ-ийн гишүүд юу хийсэн талаар тодруулахад, ТУЗ-ийн гишүүн Ц.Түмэнцогт “ТУЗ-д орж байгаа бүх асуудлаар дээд байгууллага буюу “Эрдэнэс Монгол”-оосоо удирдамж авч ажилладаг. Өнгөрсөн хугацаанд Монголын талын өгөөж, хувь нийлүүлэгчдийн болон санхүүжилтийн зээлийн хүү, зардал хэтрэхэд анхаарал тавьж ажилласан. Бид Монголын талын өгөөжийг нэмэгдүүлэх чиглэлд анхаарч ажиллаж байна” гэсэн тайлбарыг өгч байв.

Өдгөө“Оюутолгой” ХХК-ийн Төлөөлөн удирдах зөвлөлд Ерөнхийлөгч асан Н.Багабанди, "Эрдэнэс Оюутолгой" компанийн гүйцэтгэх захирал Ц.Түмэнцогт болон Ц.Сүхбаатар нар Монголын талыг төлөөлж байгаа. Ерөнхийлөгч асан Н.Багабандийн хувьд "Оюутолгой" төслийн гэрээг байгуулсан цагаас буюу 2010 оноос эхлэн МАН эрх барих бүрийд Оюутолгой ХХК-ийн ТУЗ-д томилогдсоор ирсэн “дархлагдсан” ганц хүн нь. “Эрдэнэс Оюутолгой" компанийн Гүйцэтгэх захирал Ц.Түмэнцогт 2018 оны зургадугаар сард “Оюутолгой” компанийн ТУЗ-ийн гишүүнээр томилогдсон.

Сүүлд ТУЗ-ийн гишүүнээр очсон нууц эрхэм бол Ц.Сүхбаатар юм. Түүнийг оны өмнөхөн Засгийн газраас томилсон. УИХ-ын гишүүд ч уг томилгоог бараг мэдээгүй өнгөрсөн.

Оюутолгойн ордын ашиглалтад Монгол Улсын эрх ашгийг хангуулах тухай УИХ-ын тогтоол гарч, долоон чиглэлээр хөрөнгө оруулагч талтай хэлэлцээрийн ширээний ард суух ажлын хэсгийг Засгийн газраас өнгөрсөн оны сүүлээр байгуулсан. УИХ-ын тогтоолын дагуу У.Хүрэлсүхийн Засгийн газар Оюутолгойн хөрөнгө оруулагч "Рио Тинто"-той хэлэлцээрийн ширээний ард сууж, 34 хувиа наймаалцах эсвэл АМНАТ авах хэлэлцээнд удахгүй орно. Хэлэлцээ хийх ажлын хэсгийг ЗГХЭГ-ын дарга Л.Оюун-Эрдэнэ ахалж, гишүүдээр нь өмнөх Засгийн газрын гишүүд болох УУХҮ-ийн сайд асан Д.Сумъяабазар, Сангийн сайд Ч.Хүрэлбаатар, ХЗДХ-ийн сайд асан Ц.Нямдорж, Эрчим хүчний сайд асан Ц.Даваасүрэн, БОАЖ-ын сайд асан Н.Цэрэнбат нар ажилласан.

Шинэ Засгийн газар байгуулагдсанаар дээрх ажлын хэсгийн бүрэлдэхүүнд мөн өөрчлөлт орж, шинээр томилогдсон зарим салбарын сайд нар ажлын хэсэгт орж ажиллаж байна.

Хэлэлцээ хийхээс өмнө юуны түрүүнд ТУЗ-ийн гишүүдийн шалгуурыг өндөрсгөж, шинээр сонгон шалгаруулахаар болов. Ялангуяа гадаад хэлний өндөр боловсролтой, олон улсын мэргэжлийн эрх зүйч, эдийн засаг, хөрөнгө оруулалтын орчин, төсөл хэрэгжүүлэх эсхүл мэдээлэлд дүн шинжилгээ хийх чиглэлээр ажилласан туршлагатай, эдийн засаг, нягтлан бодох бүртгэл, болон санхүүгийн чиглэлээр дээд боловсрол, магистрийн зэрэг хамгаалсан байхаас гадна өмнө нь том төсөл удирдаж байсан зэрэг эдгээр шалгуур үзүүлэлтийг голчилжээ.

Монголын ард түмний баялгийг хянах гурван хүн Монголоо гэсэн сэтгэлтэй аливаа асуудалд дипломат байр сууринаас ханддаг тулхтай хүн байхыг ч олон нийт хүсч буй. Түүнээс биш цалин нэр хүнд, улстөрчийн намтар бүтээх гэсэн хүмүүс Монголын талыг төлөөж чадахгүй.

"Оюутолгой" төслийн гэрээг сайжруулахын тулд 34 хувиа зараад, оронд нь АМНАТ-аа, бусад татвараа өндөр авч мөн мөнгөн гүйлгээгээ Монголоор дамжуулах шаардлагатай гэсэн байр давамгайлдаг. Өөрөөр хэлбэл, Монголын тал АМНАТ болон бусад татвараа хатуу хяналтад байлгах.

Оюутолгойн ордын ашиглалтад Монгол Улсын эрх ашгийг хангуулах тухай УИХ-ын гарсан тогтоолд “Оюутолгой төслөөс хүртэх Монголын талын үр өгөөжийг Хөрөнгө оруулалтын гэрээ болон 2010 оны ТЭЗҮ-ийн тооцоололд зааснаар нэрлэсэн үнээр 53 хувиас бууруулахгүй байх хүрээнд Монголын талын эзэмшлийн 34 хувийн хувьцаа эзэмшлийг бүтээгдэхүүн хуваах нөхцөл, эсвэл ашигт малтмалын нөөц ашигласны тусгай төлбөрөөр орлуулах хувилбаруудыг судлан шийдвэрлэх, шаардлагатай тохиолдолд холбогдох хууль тогтоомжид өөрчлөлт оруулах тухай санал боловсруулан УИХ-д танилцуулах” гэсэн чиглэлийг тусгасан.

УИХ-ын намрын ээлжит бус чуулганаар баталсан Монгол Улсын Засгийн газрын 2020-2024 оны үйл ажиллагааны мөрийн хөтөлбөрт "Оюутолгойн төслийг Монгол Улсын хууль тогтоомжид нийцүүлж, далд уурхайг ашиглалтад оруулна” гэж заасан.

Оюутолгойн ордын нийт нөөцийн 80 хувь нь гүний уурхайд агуулагддаг. Далд уурхайн бүтээн байгуулалт 60 гаруй хувьтай үргэлжилж буй бөгөөд 2023 онд ашиглалтад оруулж, олборлолтоо эхлүүлэхээр төлөвлөсөн. Гүний уурхайн бүтээн байгуулалт цаашид тодорхой хэмжээнд удаашрах магадлалтай бөгөөд энэ нь коронавирусийн эрсдэлээс сэргийлэх үүднээс улсын хилийг хаасны дараа гадаадын нарийн мэргэжилтнүүд ирж чадахгүй мөн материалын хүлээлт зэрэг шалтгаантай холбоотой.

“Рио Тинто” компани далд уурхайн бүтээн байгуулалтын санхүүжилтийг босгохын тулд дахин 500 сая ам.долларын зээл авахаар төлөвлөж буйгаа өчигдөр /2020.09.14/ мэдэгджээ.

Ямартай ч Засгийн газар энэ ондоо багтаж "Рио Тинто"-той хэлэлцээрийн ширээний ард сууж, 34 хувиа наймаалцах эсвэл АМНАТ авах хэлэлцээнд орох нь тодорхой болж байна.

Энэ мэдээнд өгөх таны сэтгэгдэл?
6
ТэнэглэлТэнэглэл
2
ГайхмаарГайхмаар
1
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2020-09-15 103.57.93.236

НАРАНБААТАР ГЭДЭГ УРВАГЧИЙГ ОЮУТОЛГОЙД ОРУУЛАХ ГЭЖ АРДЫН НАМД ЭЛСҮҮЛСЭН ГЭСЭН ҮНЭН БОЛЖ ТААРАХНЭЭ МОНГОЛЫН УЛС ТӨРД ЗАЙЛШГҮЙ БАЙХ З.ЭНХБОЛДЫГ ЗАЙЛУУЛЖ ӨГСНИЙ ШАНГАА АВАХ ГЭЭД НАМАА СОЛЬЖ УРВАСАН БАЙХ ИЙМЭРХҮҮ ИСМЭЙЛҮҮДЭЭС САЛААГҮЙ ЦАГТ МОНГОЛ ХӨГЖИХГҮЙ

Avatar

иргэн 2020-09-15 202.131.227.82

ерөнхийлөгч асан Багабанди гуай ТУЗ-ийн гишүүнээр 10 жил ажиллахдаа Монголынхо төлөө юу хийж бүтээсэн бэ? Ерөнхийлөгч байсан хүн ийм том компанийн ТУЗ-ИЙН ГИШҮҮНЭЭР ажиллах нь хир зөв байсан бэ? гээд юмнууд байх юм.

Avatar

Зочин 2020-09-15 66.181.161.25

ОТ-н гэрээний хамгийн гол бөгөөд том алдаа нь 34%!!! Үүүнийг хүмүүс яагаад ойлгохгүй байна вэ?? Эсвэл зориуд хорлох гэж мэдэн будилаад байна уу?? Хувьцаа эзэмшигч нь тэр хэмжээгээр тухайн компанийн бүх зардал (зээлийн өр, үйл ажиллагааны бусад бүх зардал)-ын 34%-ийг төлөх ёстой! Тэгсний дараа юм үлдвэл ашиг хүртдэг журамтайг мэдэхгүй хүн баймааргүй юм?!?!

Avatar

ЭХЛҮҮЛ 2020-09-15 103.111.68.3

ГАНЦХАН Л АРГА БИЙ САЙХАНБИЛЭГ БАЯРЦОГТ ЭЛБЭГДОРЖ МИЕЭ ГУРВЫГ БҮХ НАСААР НЬ ШОРОНД ХОРЬ ҮГИЙГ НЬ ХЭЛҮҮЛ ЗӨВХӨН ҮНЭН ҮГИЙГ НЬ Л ХЭЛҮҮЛ ӨӨР ЯМАР Ч АРГА БАЙХГҮЙ. ДАРАА НЬ ХУССАН АВИЛГАДАА АВСАН БҮХ ХӨРӨНГӨ МӨНГИЙГ НЬ ГАРГУУЛ . С.БАЯР БОЛ ТОЛГОЙ НЬ ШҮҮ ДЭЭ ОЙЛГОМЖТОЙ

Avatar

Иргэн 2020-09-15 202.126.88.194

Оюун-эрдэнэ шиг Бэрс дээд сургууль төгссөн жүжигчин банди ийм гэрээ хийдэггүй юм, намын квотоор Харвардын диплом авсаныг боловсрол гэдэггүй юм

Avatar

ХУД-ийн иргэн Ш.Раднаа: Шатраар бол гадны компани цагаанаар, бид хараар нүүж байна. 2020-09-15 150.129.142.23

Манай талын ТУЗ-ын гишүүндийн эрх мэдэл хязгаарлагдмал, Эрдэнэс Монголын удирдлагын удирдамжийг дамжуулдаг, саналыг нь нөгөө тал хүлээж авдаггүй.Багабанди нарыг мэргэжлийн, англи хэлтэй хүмүүсээр солиод монголын талын үр өгөөж овойгоод гараад ирнэ гэвэл эндүүрэл болно ОТ бол УРГАА ХАД. .Хүрэлсүхийн ЗГ энэ хадыг мөргөөд удлаа.Энэ ургаа хадыг хөдөлгөх хөшүүргийн учрыг олоогүй цагт манай талын ТУЗ-ын гишүүдийг мянгантаа солиод нэмэргүй. Шатраар бол гадны компани цагаанаар, бид хараар нүүж байна.

Avatar

Zochin 2020-09-15 202.9.46.63

Xuuchin tuluulj bsan xymyysiig ix xural ard tymend tailang ni taviulj sonsgol yavuuliya.yu yarixiig ni sonsox ni zuv bx.

Avatar

зочин 2020-09-15 202.21.125.22

Хөрөнгө оруулалтын зардал байнга нэмэгдээд байгааг яаралтай зогсоох шаардлагатай.

Avatar

М 2020-09-15 59.153.112.245

34 хувиа өгч болохгүй, тэр юунд ч саад болоогүй

Avatar

Зочин 2020-09-15 139.5.216.110

Үүнийг сайн хийвэл №1 шиг болно, муу хийвэл МАН үүрд алга болно.

Avatar

Уурхайн ЭЗ-гч 2020-09-15 139.5.216.110

34 %-ыг доод тал 100 тэрбум амд-оор зарах хэрэгтэй, тэгж чадахгүй бол зараад ч хэрэггүй. УУрхай дээр ажиллаж үзсэн, ЭЗ мэддэг, хуулиа мэддэг, ОТ -ийн уурхайн нөөцийг мэддэг манай талын хүнээ тавих хэрэгтэй байна. Рио-той юу юуны туханд хүрэлгүй ширээний ард бэлтгэлгүй очиж сууж хэрэггүй. Магадгүй ОУ-аас шилдэг эксперт авах хэрэгтэй. Дангаараа бол Рио-д залгиулна.

Avatar

Уурхайчин 2020-09-15 103.57.94.45

34 хувиа Рио тинтод зараад Роялтмйн татвараа хуулийн дагуу авах нь хамгийн зөв хувтлбар. Харин Монголын банкуудаар дамжуулан гүйлгээ хмых нь юу л өол?!

Avatar

Зочин 2020-09-15 139.5.218.154

Тэгвэл Хятад худалдаж аваад, монголын тусгаар тогтнол устах аюултай.

NewsMN Гар утасны хувилбар Татах
NEWS.mn

Мэдээллийн эх сурвалж