Нийслэлийн мэргэжлийн хяналтын газарт иргэнээс ирүүлсэн гомдол мэдээллийн дагуу энэ сарын 9-ний өдөр Баянзүрх дүүргийн 18-р хороо, "Моттоо" ХХК-д хяналт шалгалт хийжээ. Шалгалтаар тус компани зарим ажилчдын нийгмийн даатгалын шимтгэлд ногдох орлогыг буруу тооцож, нийгмийн даатгалд цалинг бүрэн бус тайлагнадаг зөрчил илэрсэн байна.

Илэрсэн зөрчилд "Моттоо" ХХК-ийн албан тушаалтанд Зөрчлийн тухай хуулийн тусгай ангийн 10.17 дугаар зүйлийн 2-т заасны дагуу шийтгэл ногдуулж, нийгмийн даатгалын шимтгэлийг нөхөн төлүүлэх улсын ахлах байцаагчийн нөхөн төлбөрийн акт тогтоожээ. Тиймээс эрх бүхий албан тушаалтны албан даалгавар хүргүүлж, биелэлтийг хангуулахаар хяналт тавин ажиллаж байна.