"Анна Каренина" жүжиг аравдугаар сарын 1-нд нээлтээ хийнэ | News.MN

"Анна Каренина" жүжиг аравдугаар сарын 1-нд нээлтээ хийнэ

"Анна Каренина" жүжиг аравдугаар сарын 1-нд нээлтээ хийнэ

"Анна Каренина" жүжиг аравдугаар сарын 1-нд нээлтээ хийнэ

Оросын нэрт зохиолч Лев Толстойн "Анна Каренина" роман Улсын драмын эрдмийн театрын тайзнаа анх удаа аравдугаар сарын 1-нд тавигдахаар болжээ. Тэртээ 1877 онд бичигдэн, дэлхийн сая сая хүний сэтгэл зүрхийг татсан уг алдартай зохиолыг Н.Пүрэвдагва жүжгийн хэлбэрт оруулан бичиж, Төрийн соёрхолт, найруулагч Н.Наранбаатар найруулж, зураачаар Т.Ганхуяг ажиллаж буй.

Драмын театрын энэ цаг үеийн сайхан бүсгүйчүүдийн нэг Н.Баярмаа Улсын драмын театрын тайзнаа анх удаа тавигдах "Анна Каренина" жүжгийн гол дүрийг бүтээхээр болсон билээ. Харин түүний нөхөр Алексей Каренинд Гавьяат жүжигчин Б.Жаргалсайхан, Соёлын тэргүүний ажилтан Д.Баттөмөр тоглох бол Облонскийд Гавьяат жүжигчин Л.Дэмидбаатар, М.Түвшинхүү нар тоглох аж.

Хоёр бүлэг, 23 үзэгдэлт жүжгийн туслах дүрүүдийг Ардын жүжигчин С.Сарантуяа, П.Цэрэндагва, Гавьяат жүжигчин Г.Урнаа, Ж.Оюундарь, Соёлын тэргүүний ажилтан Б.Одончимэг, М.Тогтохжаргал, С.Болд- Эрдэнэ, Ш.Амгаланбаатар тэргүүтэй 20 орчим уран бүтээлч бүтээх нь ээ.

Тус жүжгийн зохиол нь 1878 онд бүрэн эхээрээ ном болон хэвлэгдсэн ч 1873-1877 оны хооронд “Русский вестник” сэтгүүлд цувралаар нийтлэгдэж байжээ. Утга зохиол шүүмжлэгчдийн зүгээс тус зохиолыг дэлхийн бүх цаг үеийн хамгийн шилдэг зохиол хэмээн үнэлсэн байдаг.

Уг зохиолд урвалт, сүсэг бишрэл, гэр бүл, гэрлэлт, Оросын эзэнт гүрний аж байдал, хайр дурлал, хот хөдөөгийн амьдралын ялгаа гэх мэт маш өргөн хүрээтэй сэдвүүдийг хөндсөн байдаг.

Энэхүү зохиолд нөхөрт гарсан язгууртан авхай Анна залуухан офицер Алексей Вронскийд хайр сэтгэлтэй болж, үүнээсээ болж Санкт-Петербургийн ихэс дээдсийн хүрээллийн дарамтад өртөж, улмаар хайр сэтгэлийнхээ төлөө хамтдаа Итали руу зугтдаг. Орос руу буцаж ирэхэд тэдний хамтын амьдрал төгсгөл болохоос аргагүй байдалд хүрнэ.

А.СҮРЭН

Энэ мэдээнд өгөх таны сэтгэгдэл?
6
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-14 64.119.26.178

Энэ Наранбаатар гэж дураараа дургисан этгээд сонгодог бас нэг зохиолыг гутаах нь ээ. Гол дүрийн жүжигчдийн сонголт өрөвдөлтэй…ялангуяа тэр Баярмаа дэндүү гологдож байна.

Avatar

иргэн 2020-09-14 202.179.27.143

Яана даа энэ Дэлхийн Сор болсон сайхан бүтээлийг Найруулагч гэгдэх Наранбаатар Найруулж байна гэж Унтрааж, Утгын алдуулж, эвдэж Хөгийн юм болгоноо, Жүжигчидынхээ ч Нэр хүндийг гутаасан, Хайран сайхан Бүтээл ингээд Наранбаатарын гараар орж дуусдаг юм байж Хөөрхий,

Avatar

Зараа 2020-09-14 182.160.32.139

Анна Каренина зохиол хайр сэтгэлийн тухай бус, эр нөхөр нь эхнэр хүүхэддээ тэр бүр хайртай, халамжтай байх албагүй, харин эхнэр хайр сэтгэл ярьж дураараа дургивал түүний амьдрал сүйрдгийн тод жишээг зохиолч өвөө Толстой олон эхнэрүүдэд толилуулж сэрэмжлүүлсэн болой, ккк

Avatar

Зочин 2020-09-14 103.229.121.172

сайхан хэллээ

NewsMN Гар утасны хувилбар Татах
NEWS.mn

Мэдээллийн эх сурвалж