Эрүүл мэндийн яамнаас долоо хоногийн Даваа, Лхагва, Баасан гаригуудад албан ёсоор мэдээлэл хийж, коронавирусийн цар тахлын талаарх цаг үеийн мэдээллийг хүргэж буй. Харин бусад өдөр нь өөрсдийн фэйж хуудсаар дамжуулан мэдээллийг хүргэж байгаа. Тэгвэл өнөөдөр /2020.09.13/ ХӨСҮТ-ийн Вирус судлалын лаборатори, ЗӨСҮТ-ийн Вирус судлалын лаборатори, Дархан-Уул аймгийн вирус судлалын салбар лабораторит нийт 603 сорьцод шинжилгээ хийхэд коронавирус илрээгүй байна.

Монгол Улсад коронавирусийн зөөвөрлөгдсөн халдвар авсан хүний тоо 311 байснаас 298 хүн эдгэрч, 13 хүн эмчлүүлж байна. Эмчлүүлж буй 13 хүний 6-ийнх нь бие хөнгөн байгаа бол 7 хүний биеийн байдал хүндэвтэр байна гэж ЭМЯ-аас мэдээлжээ.

Өнгөрсөн 24 цагийн хугацаанд 287 мянган хүн шинээр халдвар авч, 5 мянга гаруй хүн эндcэн байна. Өнгөрсөн өдрөөс өвчлөл, нас баралт 1 мянгаар буурсан үзүүлэлттэй байна. Харин 354 мянга гаруй хүн эдгэрчээ.

Ш.ОЧ