Хууль бусаар тарвага агнасан этгээд нь тарваган тахлаар өвчилж,  амь нас эрүүл мэндээ эрсдэлд оруулахаас  гадна, эдийн засгийн хувьд маш том хохиролд унадаг. Тухайлбал, тарваганы толгой тутамд Зөрчлийн тухай хуулийн дагуу 300 мянга төгрөгний торгууль болон Амьтны нөөцөд учруулсан хохиролын нөхөн төлбөр  болгон эм тарвагыг 400 мянга төгрөг, эр тарвагыг 340 мянга төгрөгөөр тооцон торгодог байна.

Ингээд агнасан нэг тарвага тутамд нийт 640-700 мянга төгрөгийн торгууль, нөхөн төлбөр ногддог байна. Мөн агнуур хийх үедээ ашигласан тээврийн хэрэгсэл, бууг хураадаг аж. Саяхан Завхан аймгийн  Тосонцэнгэл суманд 38 настай эрэгтэй тарваган тахлаар өвчилж нас барсан харамсалтай хэрэг гарсан. Монгол Улсад 210 гаруй хүн тарваган тахлаар өвчилж, 80 гаруй нь нас бараад байгаа юм.

Р.ДУЛАМ