“Эрчим хүчний гудамж”-ны 6 км авто зам буюу ажилчны гудамжнаас Сонсголонгийн авто зам хүртэлх хөдөлгөөнийг 2020 оны зургадугаар сарын 28-ны өдрөөс шат дараатайгаар хэсэгчлэн хааж, шинэчлэлтийн ажил хийж гүйцэтгэж байна.

Нийслэлийн баруун бүсийн үйлдвэрийн хөдөлгөөний эрчим ихтэй 6 км авто замын 4.7 км авто замын хучилт тэмдэглэгээний ажил бүрэн дуусч, зорчих хэсгийн хөдөлгөөнийг нээсэн юм.

Харин үлдсэн 1.3 км авто замын хашлага суурилуулалтын ажил хийгдэж байна. Авто замын зорчих хэсгийн хөдөлгөөнийг энэ сарын 25-ны өдөр бүрэн нээхээр шахуу график төлөвлөгөөний дагуу ажиллаж байгаа тухай нийслэлийн Автозамын хөгжлийн газраас мэдээллээ.

С.УНДАРМАА