Баян-Өлгий аймгийн Буянт, Увс аймгийн Баруунтуруун, Өмнөговь, Өндөрхангай сумдын нутгаар энэ намрын анхны цас оржээ. Тодруулбал, Цаг уур, орчны шинжилгээний газраас гаргасан мэдээллээр өнгөрсөн шөнө буюу есдүгээр сарын 10-11-нд шилжих шөнө Баян-Өлгий аймгийн Буянт, Увс аймгийн Баруунтуруун, Өмнөговь, Өндөрхангай сумдад энэ намрын анхны цас орсон байна.

Харин өнөөдөр /2020.9.11/ баруун болон төвийн аймгуудын нутгаар бороо, уулархаг нутгаар нойтон цас орж, сэрүүсч, салхи шуургатай байхыг Цаг уур, орчны шинжилгээний газраас онцгойлон анхааруулж байгаа юм.

Р.ДУЛАМ