Хуурамч шатахуун үйлдвэрлэж байгаа эсэхийг хянаж чадахгүй байна | News.MN

Хуурамч шатахуун үйлдвэрлэж байгаа эсэхийг хянаж чадахгүй байна

Хуучирсан мэдээ: 2020.09.11-нд нийтлэгдсэн

Хуурамч шатахуун үйлдвэрлэж байгаа эсэхийг хянаж чадахгүй байна

Хуурамч шатахуун үйлдвэрлэж байгаа эсэхийг хянаж чадахгүй байна

Өнгөрсөн жил хуурамч шатахуун үйлдвэрлэж байгаа дуулиан гараад нам дарагдсан. Тэгвэл Шударга өрсөлдөөн хэрэглэгчийн төлөө газраас  /ШӨХТГ/ “ 19 ШТС-аас түүвэрчлэн авсан  авто бензиний 22 дээж, дизель түлшний арван дээжийг шинжлүүлэхэд октаны тоо нь Монгол Улсад мөрдөгдөж байгаа стандартын шаардлага хангахгүй”  гэсэн дүгнэлт гарсан талаар  өчигдөр /2020.09.10/ мэдээлэв. Энэ нь октандаа хүрдэггүй хуурамч шатахуун их хэмжээгээр байж болзошгүй хардлагыг улам өрдөөд байгаа юм.

Гаалийн байгууллага бол өөрийн лабораторид хийсэн шинжилгээг үндэслэн шатахууны импортыг зөвшөөрдөг болохоос бага октантай шатахуун оруулж ирээд нефтийн нэмэлт бүтээгдэхүүн нэмж борлуулдаг эсэхийг хянадаггүй.

Уг нь Монгол Улсад мөрдөж буй MNS0217:2017 стандартад “бензин, түлш импортлогч, борлуулагч нь бензинд октаны тоо нэмэгдүүлэгч болон бусад чанар сайжруулагч нэмэлт нэмж хольж болохгүй” гэж заасан байгаа.

Гэвч манай төр ямар октантай шатахуун оруулж ирээд хэдэн октантай болгож зарж буйг тогтоож хянаж чадахүй байна гэхэд хилсдэхгүй. Монгол Улс 2027 он гэхэд Евро-5 стандартын шатахууны хэрэглээг 80 хувьд хүргэх зорилго тавьсан. Харин өнөөдөр бид Евро-2 төрлийн шатахууныг голлон хэрэглэж байна. Хэрэв Евро-5 стандартын шатахууныг өргөн хэрэглэдэг болгочихвол хуурамч шатахууны зах зээл хумигдах учиртайг албаныхан хэлж байгаа юм.

Гаалиар үйлдвэрийн зориулалттай завсрын бүтээгдэхүүн буюу нефтийн нэмэлт бүтээгдэхүүн их хэмжээгээр орж ирэх болсон нь  хуурамч шатахуун үйлдвэрлэж байна гэх хардлагыг лавшруулж буй талаар Мэргэжлийн хяналтын Ерөнхий газрын Эрчим хүч, хэмжил зүй хяналтын хэлтсийн дарга А.Бямбадорж хэлж байна.

Тэрбээр,

-Шатахуун импортлогч болон үйлдвэрлэж буй аж ахуйн нэгжүүдэд хяналт шалгалтыг хийхэд лабораторийн шинжилгээгээр хэд хэдэн үзүүлэлт шаардлага хангаагүй дүн мэдээ гарсан. Тухайлбал, зах зээлд буй шатахууны физик-химийн үзүүлэлтүүд давсан, шатахуунд агуулагдах хүхрийн хэмжээ стандарт хэмжээнээс илүү байсан. Зах зээлд борлуулагдаж буй шатахуун түлшинд агуулагдах хүхрийн хэмжээ стандартаас хэт өндөр байгаа учраас агаарын бохирдолд мөн нөлөөлж байна.

Шатахууны чанар стандартын шаардлага хангахгүй байгаа нь шатахуун үйлдвэрлэх тусгай зөвшөөрөлтэй аж ахуйн нэгжүүдтэй холбоотой.  Тухайн компаниуд ямар нэг батлагдсан технологигүй тул өөрсдийн технологиор үйлдвэрлэдэг.

Батлагдсан технологи гэдэг нь Монгол Улсын эрх бүхий төрийн байгууллагаас баталж өгсөн технологи байх ёстой. Гэтэл монголд тийм технологи байхгүй. Шатахуун үйлдвэрлэх түүхий эд нь дизель түлшний хувьд керосин, нафта зэрэгт нэмэлт бүтээгдэхүүнүүд  байдаг. Цэвэр керосиныг сүүлийн жилүүдэд дотоодын бодит хэрэглээнээс хэт давсан хэмжээгээр импортолсон байна. Эдгээр нь дизель түлш үйлдвэрлэгдэхэд ашиглагдаж байгаа нь хяналт шалгалтын явцад илэрсэн. Керосин нь онцгой албан татваргүйгээр импортлогддог тул нефтийн нэмэлт бүтээгдэхүүнд онцгой албан татвар ногдуулах, цэвэр керосин хэрэглэдэг аж ахуйн нэгжид тодорхой квот тогтоосноор их хэмжээгээр орж ирэх нь цэгцэрнэ гэж үзэж байна.

 Э.БУРАМ

Энэ мэдээнд өгөх таны сэтгэгдэл?
6
ЗөвЗөв
2
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Төрөө 2020-09-11 66.181.161.21

Ийм луйварыг хянаж чадахгүй бол мэргэжилийн хяналтын газар, гааль, төр засаг байх хэрэг бна уу

Avatar

хүнгү 2020-09-11 202.179.24.154

Агаарын бохирдолыг үүсгэдэг нэг эх үүсвэрт чанаргүй шатхуун орно. Яагаад машин доголдоод байна?, утаа хаяад байна? Чадагаараа хэдэн жолооч нарын бичиг баримтыг хурааж дахин оншлуул гэдэг тэр орлого нь улсын төсөвт ордог! Иймэрхүү сүлжээний бизнес явагдаад байгаа юм. Эхлээд хуурамч шатхуунаа цэгцэл дараа нь мөнгө хөөсөн Авто засварын газруудаа цэгцэлэх хэрэгтэй Утаа арилгана гэж баахан мөнгө авчаад эцэст нь “бид хийдгээ хийсэн манай шатхуун муу л даа түүнээс болоод байна” гэх хариу сонсдог.

Avatar

ГААЛИЙН ЛУЙВАР 2020-09-11 202.9.46.230

МОНГОЛ УЛС 100 ХУВЬ НЕФТЬ БУТЭЭГДЭХУУНЭЭ ИМПОРДОЛДОГ БОЛОХООР МАШ АМАРХАН ЧАНАРЫН ХЯНАЛТ ТАВЬЖ БОЛНОО ГААЛИЙН ЧАНАРЫН ХЯНАЛТЫГ Л САЙЖРУУЛАХ ХЭРЭГТЭЙ МАНАЙ ГААЛЬ ГЭЖ НЕФТ БУТЭЭГДЭХУУНИЙ ТОМ ЛУЙВРЫН ГАЗАР БОЛСОН БАЙНА

Avatar

Зочин 2020-09-11 150.129.142.23

Улс төр бизнесийн бүлэглэлийг төрөөс зайлуулаагүй цагт энэ мэт гаж үзэгдэл засрахгүй дээ.

Avatar

Зочин 2020-09-11 50.101.118.166

МАН -аа сонгоод бай магтаад бусад намаа муулаад сонгохгүй бай хайртай нам чинь их сайн юм өдөр болгон хийж та нарын амьдрал улам доошоогоо аажмаар уруудаж их баярлаж байгаа биз энийг л хүсэж МАН бөөн. Бөөнөөр сонгоод биз одоо Хотынхоо дарга МАН -саа сонгож хашаа барих газаргүй болцгооно байх

Avatar

Зочин 2020-09-11 59.153.114.141

чадахгүйдээ биш монгол төр ман хүсэхгүй болоод л хийхгүй байна. ан ын сөрөг хүчин өнгөрсөн жилжингээ л хуурамч шатахуун хийхэд шаардлагтай материалыг оруулж ирэхэд татвар ногдуулъя гээд бараагүй ш дээ. МАН угаасаа тэднээс санхүүждэг болохоор хүсэхгүй байна л даа. тэгээл худлаа ШӨХТГ ыг нохойд барьдаг мод шиг сонгуулийн өмнө нэг шалгуулж шоу хийлгэх юм.

Avatar

Зочин 2020-09-11 192.82.73.216

Бүгд найрка / НАЙРКА / корсин оруулж ирээд холиод актан дээшлүүлж байгаа ухаантай Ийм шатхуун агаар бохиртуулж маш хортой. Ямар төр байна. Ттйм л байдаг байхнүй юу!!!!! Монгол хүн бүтэхгүы ээээ…….

Avatar

Уншигч 2020-09-11 203.169.50.97

Хэдэн жил энэ тухай ярих юм бэ ДУРАКУУД АА. Энэ мэтийн нөхдөөс эхлээд бүгд авилгын хүлээсэнд орооцолдчихсон биз. новшнууд

Avatar

ЧУКА 2020-09-11 43.228.129.150

ONTSGOI TATBARAA AVAACHEE

Avatar

zochin 2020-09-11 139.5.216.230

Худлаа. гол нь хүсэхгүй байгаа. Керосин болон бусад туслах материалд гаалийн өндөр татвар оногдуул

Avatar

Зочин 2020-09-11 202.126.89.143

Евро-5 гээд ч нэмэргүй. Евро5 гээд зарна бид амсаж үзэх биш. Оруулж ирсэн керосиноор нь хөөгөөд булхайг илрүүлж болно. Хүхэр ихэсгэж агаарын бохирдлыг машин биш ШТС нэмэгдүүлж байгаа юм бна. ЗГ-ын бохирдолтой тэмцэх тэд үгүйсгэж бна

Avatar

Зочин 2020-09-11 58.109.221.157

Gaaliin ontsgoi tatvaraa nogduulaach Yu huleegeed baina

Avatar

GUZEET 2020-09-11 202.21.110.94

ХОТЫН ЗАХАД НҮҮРСНЭЭС ДИЗЕЛЬ ТҮЛШ ГАРГАДАГ ЗЭРЭГ ГАЗРУУД БАЙНА АА БАЙНА.

Avatar

Инженер 2020-09-11 66.181.177.69

ХЯНАЖ ЧАДАХГҮЙ ДЭЭ БИШ ХҮСЭХГҮЙ ДЭЭ БАЙГАА ЮМ . ТЭР ИХ ХЭМЖЭЭГЭЭР ХИЛЭЭР ОРУУЛЖ ИРДЭГ ОГТ ТАТВАР ТӨЛДӨГГҮЙ НЭМЭЛТ БҮТЭЭГДЭХҮҮН ХААШАА ОРОХ ВЭ

Avatar

Зочин 2020-09-11 202.126.90.55

СОНГУУЛЬ-АА ГЭЖ ……….БҮХ ЮМС ШОДОРГО, ХЯМД; ҮНЭГҮЙ БАС 86К ТАРААГААД Л………

NewsMN Гар утасны хувилбар Татах
NEWS.mn

Мэдээллийн эх сурвалж