“Монгол орон ба Монголчууд” үзэсгэлэн нээлтээ хийлээ | News.MN - Мэдээллийн эх сурвалж

“Монгол орон ба Монголчууд” үзэсгэлэн нээлтээ хийлээ

Хуучирсан мэдээ: 2016.02.03-нд нийтлэгдсэн

“Монгол орон ба Монголчууд” үзэсгэлэн нээлтээ хийлээ

ОХУ-ын Санкт–Петербург хотын Их Петрийн нэрэмжит Угсаатны судлал, Хүн судлалын музейн сан хөмрөгт хадгалагдаж буй 1870–1910-аад оны үеийн Монголчуудын аж байдал, амьдралыг харуулсан гэрэл зургийн “Монгол орон ба Монголчууд” үзэсгэлэн, товхимолын нээлт “ГАММА” агентлагийн “Гамма Галерей”-д зохион байгуулагдлаа.

Монгол Улс, ОХУ-ын хооронд дипломат харилцаа тогтоосны 95 жилийн ойн хүрээнд болж буй энэхүү арга хэмжээг Гадаад хэргийн сайд Л.Пүрэвсүрэн нээж үг хэлэв. Тэрээр хэлсэн үгэндээ Монгол Улсын Ерөнхийлөгч Ц.Элбэгдорж 2011 онд ОХУ-д айлчлах үеэрээ энэхүү үзэсгэлэнд тавигдсан түүхэн гэрэл зургуудын хуулбарыг манай тал албан ёсоор авахаар яриа хэлэлцээг эхлүүлсэн нь ийнхүү үр дүнгээ өгч, өнөөдөр нийтийн хүртээл болон Монголчуудад толилуулагдаж байгаад баяртай байгааг илэрхийллээ. Түүнчлэн, манай түүх, соёлын давтагдашгүй бүтээл болох эдгээр гэрэл зургуудыг түүхийн болон шинжлэх ухааны үндэслэлтэйгээр тайлбарлан товхимол болгон хэвлүүлсэн ШУА-ийн Түүх, археологийн хүрээлэнгийн хамт олонд талархал илэрхийлэв.

“Монгол орон ба Монголчууд” гэрэл зургийн үзэсгэлэн 2016 оны 2 дугаар сарын 21-ний өдрийг дуустал олон нийтэд толилуулагдана.

ЭХ СУРВАЛЖ: ГАДААД ХЭРГИЙН ЯАМ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-02-03 203.91.114.170

Гамма галарей хаана байдаг вэ? Хэнээс асуух вэ?

Зочин 2016-02-03 182.160.36.239

ed nar medeegee xezeech byren tavixgyu xayag ajillax tsagiin xyvaariin tavichij bolno hsde

Зочин 2016-02-03 182.160.36.124

hunnu mall