Ерөнхийлөгч Хэлмэгдэгсдийн хөшөөнд цэцэг өргөж, хүндэтгэл үзүүлэв | News.MN

Ерөнхийлөгч Хэлмэгдэгсдийн хөшөөнд цэцэг өргөж, хүндэтгэл үзүүлэв

Ерөнхийлөгч Хэлмэгдэгсдийн хөшөөнд цэцэг өргөж, хүндэтгэл үзүүлэв

Ерөнхийлөгч Хэлмэгдэгсдийн хөшөөнд цэцэг өргөж, хүндэтгэл үзүүлэв

Жил бүрийн есдүгээр сарын 10-ны өдрийг улс төрийн хилс хэрэгт хэлмэгдэгсдийн дурсгалыг хүндэтгэх өдөр болгон орон даяар хүндэтгэн өнгөрүүлж байх тухай УИХ-ын шийдвэр 1996 онд гарсан.

Энэ өдрийг тохиолдуулан Монгол Улсын Ерөнхийлөгч Халтмаагийн Баттулга, Улсын Их Хурлын дарга Гомбожавын Занданшатар нар өнөөдөр Хэлмэгдэгсдийн хөшөөнд цэцэг өргөлөө.

Хэлмэгдэгсдийн дурсгалыг хүндэтгэхээр ирсэн УИХ, Засгийн газрын гишүүд, улс төрийн намууд, төрийн болон төрийн бус байгууллагуудын төлөөлөл, иргэд энэ үеэр Хэлмэгдэгсдийн хөшөөнд цэцэг өргөж, хүндэтгэл үзүүлсэн юм.

Монгол Улсын Цагаатгах ажлыг удирдан зохион байгуулах улсын комиссоос мэдээлснээр:

  • Улс төрийн хэрэгт шийтгэгдсэн иргэдээс өнөөдрийн байдлаар нийт 31,314 иргэнийг цагаатгаад байна.
  • Улс төрийн хилс хэрэгт хэлмэгдэгсдийг цагаатгах, тэдэнд нөхөх олговор олгох тухай хуулийн дагуу нийт 71 тэрбум 815 сая төгрөгийн нөхөх олговрыг цагаатгагдсан хэлмэгдэгч, түүний гэр бүл, үр хүүхэд, ач, зээ, ах, эгч, дүү, ач дүү, зээ дүү зэрэг 19,225 иргэнд олгоод байна.
  • Түүнчлэн улсын хэмжээнд хэлмэгдэгчдийн дурсгалыг мөнхжүүлэх чиглэлээр бий болгосон нэрэмжит байгууллага, өргөн чөлөө, талбай – 31, хөшөө – 79, суварга – 47, самбар – 29, дурсгалын багана – 27, музейн булан – 16 зэрэг нийт 229 объект байна.

Цагаатгах ажлыг удирдан зохион байгуулах улсын комисс төрийн болон төрийн бус байгууллагуудтай хамтран хэлмэгдэгсдийн дурсгалыг 25 дахь жилдээ хүндэтгэн өнгөрүүлэв.

Эх сурвалж: president.mn

Энэ мэдээнд өгөх таны сэтгэгдэл?
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-09-10 122.201.23.84

Монголын төрийн төлөөлөл энэ хөшөөнд цэцэг өргөхдөө хэлмэгдэж амь насаа алдсан олон мянган хүний өмнө тэргүүнээ гудайлгах ёстой гэж бодож байна

Avatar

Иргэн 2020-09-10 103.229.123.88

Жонхуушенко бол 21 дүгээр зууны Чойбалсан юм шүү дээ, Оросууд эцэст гар хөл болох дуулгавартай, шуналтай, өсөрхүү зантай хүргэнээ олж авсан байх шив, одоо орчин цагийн хэлмэгдүүлэлт эхэллээ дээ хөөрхий

Avatar

Зочин 2020-09-10 150.129.140.226

Пондойчихоод хар шилээ авчихгүй тагтаа чинь

Avatar

Зочин 2020-09-10 49.0.170.94

Өөрөө хэлмэгдүүлэлт хийдэг байж бас хэлмэгдсэдийн хөшөөнд цэцэг өргөнө гэчихжээ. Ичиж амьдараасай. Түүхэнд монгол улс 2 дахь их хэлмэгдүүлэлт хийсэн жилийг 2020 оноос тоолж эхлэх юм байна шүү. Хэлмэгдүүлэлт хийсэн хүн нь женко

Avatar

Зочин 2020-09-10 202.131.247.12

ЕРӨНХИЙЛӨГ БАТТУЛГА АРДЧИЛЛЫГ ҮГҮЙ ХИЙЖ ӨС ХОНЗОНГИЙН СЭДЛЭЭР ХИЧНЭЭН ОЛОН ЕРӨНХИЙ САЙДУУДЫГ ШОРОНД ХИЙЖ ХЭЛМЭГДҮҮЛЖ БАЙГАА НЬ ЁС ЗҮЙД ХИР НИЙЦНЭ ВЭ 21 Р ЗУУНЫ ХЭЛМЭГДЛИЙН ЗАГАЛМАЙЛСАН ЭЦЭГ БАТТУЛГА

NewsMN Гар утасны хувилбар Татах
NEWS.mn

Мэдээллийн эх сурвалж