БНХАУ-ын Гадаад хэргийн сайд Монголд айлчилна | News.MN

БНХАУ-ын Гадаад хэргийн сайд Монголд айлчилна

БНХАУ-ын Гадаад хэргийн сайд Монголд айлчилна

Гадаад харилцааны сайд Н.Энхтайваны урилгаар БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И энэ сарын 15, 16-ны өдрүүдэд Монгол Улсад албан ёсны айлчлал хийхээр болжээ.

Айлчлалын үеэр хоёр улсын Гадаад харилцааны сайд нар албан ёсны хэлэлцээ хийж, БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И төрийн гурван өндөрлөгт бараалхах юм байна.

Тус айлчлалын талаар ГХЯ-ны Бодлого, төлөвлөлтийн газрын захирал Ш.Одонбаатар хэлэхдээ “Айлчлал нь хоёр улсын хооронд өндөр түвшний харилцан айлчлалын давтамжийг хадгалах, хоёр талын бүх салбарын хамтын ажиллагааг урагшлуулах зорилоготой. Түүнчлэн цар тахлаас урьдчилан сэргийлэх хамтын ажиллагааг үргэлжлүүлэхийн зэрэгцээ худалдаа, эдийн засгийн хамтын ажиллагааны асуудлаар санал солилцоно. Мөн худалдаа, эдийн засгийн харилцааг сэргээх, томоохон төслүүдийн явцыг урагшуулах, БНХАУ-д экспортлох уул уурхайн бүтээгдэхүүний хэмжээг нэмэгдүүлэх чиглэлээр, мөн мах болон уул уурхайн бус экспортыг нэмэгдүүлэх талаар айлчлалын үеэр ярилцана” гэв.

Айлчлалыг манай улсад өндөржүүлсэн бэлэн байдлын нөхцөлд зохион байгуулах тул халдвар, хамгааллын горимыг хатуу сахиж, арга хэмжээнд аль болох цөөн хүн оролцуулах аж.

Эрүүл мэндийн яамны Төрийн нарийн бичгийн дарга Я.АМАРЖАРГАЛ:

Айлчлалыг халдвар, хамгааллын өндөр түвшинд зохион байгуулах бөгөөд 24-72 цагийн өмнө айлчлалд оролцох бүх хүнд шинжилгээ хийнэ. Мөн БНХАУ-ын талын хүмүүсээс ч түргэвчилсэн шинжилгээ авч, 6-7 цагийн дотор хариуг гаргахаар бэлтгэл хангасан. Айлчлалын бүрэлдэхүүнд багтаж ирсэн хүмүүсийн ачаа тээш, хооллох заал, байрлах байранд ЗӨСҮТ-өөс урьдчилан ариутгал халдваргүйжүүлэлт хийнэ. Айлчлал дууссаны дараа мөн дахин халдваргүйжүүлэлт хийж, тэдэнд үйлчилсэн иргэд, арга хэмжээнд оролцсон хүмүүсийг манайд мөрдөгдөж буй журмын дагуу 14 хоног тусгаарлана. Тусгаарлах хугацаанд мөн шинжилгээ авна.

Мэдээллийн дараа сэтгүүлчдийн асуултад хариулт өглөө.

-БНХАУ-ын Төрийн зөвлөлийн гишүүн, Гадаад хэргийн сайд Ван И төрийн гурван өндөрлөгтэй уулзах уу? Уулзсан тохиолдолд Ерөнхийлөгч, УИХ-ын дарга, Ерөнхий сайдыг тусгаарлах уу? 

ГХЯ-ны Бодлого, төлөвлөлтийн газрын захирал Ш.ОДОНБААТАР: 

-Төрийн гурван өндөрлөг өндөржүүлсэн бэлэн байдлын горимыг мөрдөж уулзалтад оролцоно.

ГХЯ-ны Хэвлэлийн төлөөлөгч Б.УУГАНБАЯР: 

-Төрийн гурван өндөрлөгтэй уулзах асуудал одоогоор тодорхой болоогүй байгаа учир хариулт өгөх боломжгүй байна.

-Онцгой нөхцөлд хэвлэлийнхэн айлчлалыг ямар байдлаар сурвалжлах вэ?

-Хоёр талаас цөөхөн хэвлэлийн төлөөлөл оролцуулна.

Гадаад харилцааны яам цаг үеийн асуудлаар мэдээлэл хийж байна

Гадаад харилцааны яамнаас цаг үеийн асуудлаар мэдээлэл хийж байна

Posted by News.mn on Wednesday, September 9, 2020

Энэ мэдээнд өгөх таны сэтгэгдэл?
12
БурууБуруу
5
ЗөвЗөв
4
ТэнэглэлТэнэглэл
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-10 192.82.74.209

Үхсэнээ хийж тэнэж явдаг н**ш вэ.цус нэгт өвөр монголчуудыг алж байж янз үзэж яваа юмуу хаашаа юм.тэнэг төрийн тэргүүнүүд бөгсийг нь долоох шахана даа

Avatar

Зочин 2020-09-10 59.153.87.251

Энэ гэнэт ирэх болчив уу. Юу ярих гэж байгаа юм бол оо

Avatar

Зочин 2020-09-10 182.160.35.116

Дин Сяо Пин нэг удаа ингэж хэлсэн гэдэг юм билээ. " Одоо монголыг оролдоод хэрэггүй. Тэд нар аяндаа өөрсдөө алгаа тосоод ирнэ " гэж. Дин Сяо Пин ингэж хэлсэн үү үгүй юу бүү мэд. Хэлсэн бол яг ингэж хэлсэн үү үгүй юу бас мэдэхгүй. Хэлсэн бол одоо л биелэлээ олох хандлага орчих шиг болоод байх юм даа.

Avatar

Зочин 2020-09-10 122.201.31.153

Уйгаржин Эх бичигтээ хайртай эх орончид минь ээ!! Бусад улсаар өөрийнхөө бичигийг хэрэглүүлэх гэж жагсаж байснаас өөрсдөө өөрийн бичигээ хэрэглэдэг болчуул амар биш үү?? Тэгээд ч Хитад улс өөрийн бичигтэй гэсээн! Бас Баянөлгийн хэдийгээ Казастаны бичиг хэл соёлд нь чөлөөтэй оруулчихаад Хитадыг дарамталж амитан болговол ямарав?

Avatar

Зочин 2020-09-10 59.153.112.80

Яг л энэ айлчлалтай давхцуулан, эх хэл бичиг соёлынхоо төлөө тэмцэж буй Өвөр Монголчуудаа дэмжиж жагсаал хийцгээе…

Avatar

Зочин 2020-09-10 88.20.141.2

🤮🤮🤮🤮😠😠😠😠

Avatar

Зочин 2020-09-10 182.160.0.122

Базарваань! Ван И сайд ирэх нь. Түрүүн ирэхдээ Түвд мүвд гээд байлгүй аятайхан байгаарай гэж үүрэгдээд ирсэн өдрөө буцсан. Манайхан захирлын өрөөнд дуудагдсан хүүхэд шиг царайлсан. Ахиад тэр нь давтагдах нь дээ.

Avatar

Зочин 2020-09-10 211.36.131.48

сайд нь 21 хоног тусгаарлагдана биз дээ

Avatar

өө 2020-09-10 64.119.26.46

bugdiig n 21 honog tusgaarlah n shudraga yosond niitsene, Hen n sejigtei hen n sejiggui ve? humuusig 21 honog horiod 3 udaa davtan shinjilgee avaad bgaa chin odoo bolimoor ch yumu

Avatar

Зочин 2020-09-10 203.217.139.242

Ирвэл эсэргүүцлээ илэрхийлэх хүмүүст таатай бус уу.

Avatar

Зочин 2020-09-10 122.201.21.120

Монголд коронавирусийн халдвар тархаагүй,Хятдад үндсэндээ зогссон, зарим нөхөд зориуд улс төрийн хэрүү, дуулиан шуугиан өдөөх л санаатай байх шиг.

Avatar

??? 2020-09-10 59.153.115.85

Айлчлалын гол зорилго юу юм бол?! ГХЯ-аас өгсөн албан тайлбар нэг л үнэмшилгүй сонсогдоод байна. Гадаад хэргийн сайдууд тухайн улсын төрийн тэргүүн хийх айлчлаын өмнө бэлтгэл ажил хэр хангагдсаныг шалгаж ирдэг дээ… Дараа нь Лавров ирэх вийдээ

Avatar

Амаржаргал гэж эмэгтэй даараад байгаам уу 2020-09-10 66.181.183.71

Нээх том алчуураар хүзүүгээ ороочихож.Гоё л гэхээсээ даарсан гадаа гудманд яваа мэт харагдаж байна. Алчуураа зөв сонгож бай

Avatar

рхх 2020-09-10 192.82.74.97

Ирүүлэх хэрэг байна уу

Avatar

1 2020-09-10 59.153.115.85

УБ тэг зогсолт хийх юм байна даа. Зам хааж боогоод асуудал ч нэмэгдэх нь дээ

NewsMN Гар утасны хувилбар Татах
NEWS.mn

Мэдээллийн эх сурвалж