Хөвсгөл аймагт буутай этгээд хоёр хүний аминд хүрч, хэргийн газраас зугтсан хэрэг өчигдөр (2020.09.09) гарчээ. Тодруулбал, тус аймгийн Жаргалант сумын хоёрдугаар багийн нутагт гэр бүлийн хоёр хүн буудуулж нас барсан байна. 

Хэргийг шалгах явцад урьдчилсан байдлаар Хөвсгөл аймгийн харьяат, 23 настай Б гэгч нь бэлчээрийн маргаанаас үүдэн 51 настай эрэгтэй Б, 51 настай эмэгтэй М нартай маргалдаж, улмаар буудаж, амь насыг нь хохироосон болох нь тогтоогджээ. Хүний амь хөнөөгөөд зугтсан Б гэх этгээдийг эрэн сурвалжилж эхэлсэн байна.

Э.БУРАМ