МАН Нийслэлийн Иргэдийн Төлөөлөгчдийн Хурлын сонгуульд өрсөлдөх 45 нэр дэвшигчийн материалыг Нийслэлийн сонгуулийн хороонд өнөөдөр /2020.09.09/ хүргүүллээ.

Тус намаас нэр дэвшигчдийн 73.3 хувь буюу 33 нь  анх удаа нэр  дэвшиж буй шинэ залуу хүмүүс байгаа юм.  Нэр дэвшигчдийнхээ материалыг сонгуулийн хороонд хүргүүлэх үеэрээ нийслэлийн МАН-ын дэд дарга Н.Алтаншагай “Бид нэр дэвшигчдээ тодруулахдаа хоёр шатны том суурь судалгаа хийж үзсэн. Мөн намын дэргэдэх залуучуудын болон эмэгтэйчүүдийн байгууллага, намын гишүүдээс ирсэн саналыг үндэслэн дүүргүүдийн намын хороо болон анхан шатны нэгжтэй зөвшилцсөний үндсэн дээр хамтын шийдвэр гаргаж, нэр дэвшигчдээ тодрууллаа. Эрхч зүйч, улс төр судлаач, эдийн засагч, инженер, программист зэрэг боловсон хүчин манай намаас нэр дэвшлээ” гэв. Мөн сонгуулийн хуулийн дагуу тус намаас НИТХ-д нэр дэвшиж буй 45 хүний 20 хувь  нь  эмэгтэйчүүд байгаа юм.

Ш.ОЧ