Сүүлийн өдрүүдэд коронавирусийн халдварын тохиолдол эрс нэмэгдэх болсон тул Их Британийн эрх баригчид нэг дор зургаа ба түүнээс дээш хүн цугларахыг хориглосон байна.

Хөл хорионы дэглэмийг ийнхүү чангатгах болсон ч сургууль, ажлын байр болон халдвар хамгааллын журам мөрдөн зохион байгуулж буй хурим, оршуулгын ёслол болон багийн спортод энэ журам  үл хамаарах ажээ.

Шинэчилсэн журам есдүгээр сарын 14-ны даваа гаригаас хэрэгжиж эхлэх бөгөөд журмыг зөрчсөн тохиолдолд 100 фунт стерлинг, давтан зөрчил гаргавал 3200 хүртэлх фунт стерлингийн торгууль ногдуулах юм байна. Тус улсад сүүлийн нэг долоо хоногт өдөрт илрэх халдварын тоо дунджаар 2,199 болж, нийт халдвар авсан хүний тоо 352,560 болоод байгаа бол коронавирусийн халдварын улмаас нас барсан хүний тоо 41,586 болжээ.

Эх сурвалж: ВВС