"Валютын зөрүүнээс болж гурилын үнэ нэмэгдсэн" | News.MN

"Валютын зөрүүнээс болж гурилын үнэ нэмэгдсэн"

Хуучирсан мэдээ: 2020.09.08-нд нийтлэгдсэн

"Валютын зөрүүнээс болж гурилын үнэ нэмэгдсэн"

"Валютын зөрүүнээс болж гурилын үнэ нэмэгдсэн"

“Атар” талх хүнсний зах, дэлгүүрт 1200-1400 төгрөгийн үнэтэй байна. Талхны үнэ ийнхүү өссөн  шалтгааныг худалдагчид гурилын үнэ өссөнтэй холбон тайлбарлаж иргэдийн амыг таглах болжээ. Тиймээс гурилын үнийн өсөлтөд юу нөлөөлж байгаа талаар сурвалжлахаар өчигдөр /2020.09.07/ “Барс” хүнсний захыг зорилоо. Тус захын хаах цаг болсон болоод ч тэр үү хүмүүсийн  хөл хөдөлгөөн багатай байв. Гадна талбайд байрлах гурилын бөөний худалдааны төв рүү ормогц л худалдагч нар  “Гурил аваарай, ямар гурил авах вэ, машин чинь хаана байгаа юм бэ, дөхүүлээд өгнө шүү” хэмээн хажуугаараа өнгөрөх ганц нэг хүнийг “байцаах” аж. Хүмүүс нааш цааш холхиж, лангуунаас лангуу дамжин гурилын үнэ асууна.

Хүүгийнхээ явуулсан мөнгөөр гурил худалдаж авч байна хэмээн ярих эмээг н.Хорлоо гэдэг. Тэрбээр ярихдаа “Гурилын үнэ ялимгүй нэмэгджээ.  Тэтгэврийн бидэнд бол хэцүү л байна” гэв. 

АРАВДУГААР САРД ГУРИЛЫН ҮНЭ 50-60 ТӨГРӨГӨӨР БУУРНА

“Барс” хүнсний захын  “Алтан тариа” төвийн гэрээт борлуулагчдын хэлж буйгаар  3-4 сар гэхэд дотоодын улаанбуудайн нөөц дуусч, хомсдолд ордог гэнэ.  Улаанбуудайг дан ганц гурил гэлтгүй архи, спиртний үйлдвэрүүд хэрэглэдэг учраас үлдсэн буудайг нь гурилын үйлдвэрүүд хоорондоо үнэ “цохиж” авдаг аж. Улмаар улаанбуудайн нөөц дуусмагц ОХУ-аас татдаг. Гэтэл сүүлийн саруудад рублийн ханш өсөөд байгаа нь гурилын үнэд нөлөөлсөн бололтой.

Валютын зөрүүнээс болж  үнэ нь өсч, наймдугаар сарын 1-нээс гурилын үнэ килограмм /кг/ тутамд 100 төгрөгөөр нэмэгдсэн.

Ерөнхийдөө өдийд гурилын үнэ өсдөг үе. Аравдугаар сараас дотооддоо улаанбуудайгаа хураагаад эхлэхээр гурилын үнэ 50-60 төгрөгөөр буурах гэнэ.   “Алтан тариа” төвийн гэрээт борлуулагчид учраас кг тутамд 20-30 төгрөг буулгаж авдаг. Тухайлбал, “Улаанбаатар гурил” ХХК-ийн шуудайтай нэгдүгээр гурил үйлдвэрээсээ нэг кг нь 1050 төгрөгөөр ирдэг.  Гурилын ченжүүд уг үнэ дээр 30 төгрөг нэмээд  иргэдэд 1080 төгрөгөөр зардаг байна. Харин  “Алтан тариа” ХХК-ийн нэгдүгээр зэргийн  гурил үйлдвэрээсээ нэг кг нь 1100 төгрөгөөр ирдэг бол иргэдэд бид 1150 төгрөгөөр зардаг. Харин жижиг дэлгүүрүүд манайхаас гурил бөөндөж аваад ойролцоогоор 20 хувь нэмж зардаг аж.

 “Барс” хүнсний зах дотор “Алтан тариа” задгай дээд гурил нэг кг нь 1400, нэгдүгээр зэргийн гурил 1200, савласан дээд гурил 1400, савласан нэгдүгээр зэргийн гурил 1250 төгрөгөөр тус тус зарагдаж байна. Ерөнхийдөө нийслэлийн томоохон хүнсний зах, дэлгүүрт “Алтан тариа” савласан нэг кг гурилын үнэ дээд зэрэг нь 1400-1800 төгрөг, нэгдүгээр зэргийнх 1200-1500 төгрөг, хоёрдугаар зэргийнх 900-1000 төгрөгөөр зарагдаж буй.

СУДАЛГАА: ЕСӨН НЭР БАРААНЫ ҮНЭ ӨССӨН

Нийслэлийн Статистикийн газрын есдүгээр сарын 2-ны өдрийн үнийн судалгаанд дурдсанаар есөн нэр барааны үнэ өссөн гэжээ. Үүнд шуудайгаар нь худалдаалж буй  “Алтан тариа”” ХХК-ийн нэгдүгээр зэргийн гурил, “Алтан тариа” савласан нэгдүгээр зэрэг, “Алтан тариа” савласан хоёрдугаар зэргийн гурил болон “Сүү” ХК-ийн 0.5-1 литрийн сүү, тараг зэрэг бүтээгдэхүүнүүд багтжээ. Тодруулбал,   “Алтан тариа” компанийн  шуудайгаар худалдаалж буй нэгдүгээр зэргийн гурил,

  • Долдугаар сарын 1-нд 1156, наймдугаар сарын 5-нд 1182 төгрөг байсан бол есдүгээр сарын 2-ны байдлаар 1230 төгрөгт хүрчээ.
  • Харин савласан нэгдүгээр зэргийн гурил нь долдугаар сарын 1-нд 1195, наймдугаар сарын 5-нд 1224, есдүгээр сарын 2-нд 1288 төгрөгөөр зарагдаж байжээ.

Татварын өөрчлөлт, шатахууны үнийн өсөлт, валютын ханш жаахан чангарахыг анаж байсан юм шиг бараа, бүтээгдэхүүний үнээ нэмчихдэг наймаачид энэ бүхэн буурахаар нь дагаад үнээ буулгадаг нь ховор. Бараг үгүй дээ.

Уг нь төрийн түрийвчин дэх мөнгөний талыг хувийн хэвшлийнхэн бүрдүүлдэг атал өнөөдрийг хүртэл өргөн хэрэглээний барааны үнэ өслөө хэмээн дуугарч, гоншигонож байсангүй.

Тэр хэрээр өссөн өртөгтэй бараа, бүтээгдэхүүн худалдан авч, хойд хормойгоороо урд хормойгоороо нөхсөн амьдрал нь яг хэвээр. Ингээд юмны үнэ өсч, хувийн хэвшлийнхэн болон төрд ч, хувьд ч дансгүй ажилгүй иргэд, өндөр настнууд чинь туйлдаж, тартагтаа тулж байна. Үе үе шатахууны үнэ өснө гэсэн айдаст автахгүй өглөө босоод ирэхэд өдөр тутмын хэрэглээний барааны үнэ нэмэгдэхгүй байх нь жирийн иргэдийн хувьд хамгийн чухал.

ҮНЭЭ НЭМСЭН КОМПАНИУДЫГ ШАЛГАНА

Шударга өрсөлдөөн, хэрэглэгчийн төлөө газраас /ШӨХТГ/  есдүгээр сарын 3-наас эхлэн нийслэлийн зургаан дүүрэг дэх 30 худалдааны төв, гурилын үйлдвэрүүдэд хяналт шалгалт хийсэн байна.

Судалганаас харахад “Алтан Тариа" ХХК-ийн гурил кг тутамд 30-330 төгрөгөөр, "Талх Чихэр" компанийн бүтээгдэхүүнүүд 60-330 төгрөгөөр тус тус нэмэгдсэн” гэжээ.

“Атар” талх үйлдвэрээсээ 1200 төгрөгөөр гарч байгаа хэдий ч гадуур 1300-1400 төгрөгөөр зарагдаж байх жишээтэй. Харин “Алтан тариа” компани гурилын үнээ 30-330 төгрөгөөр нэмсэн бол бусад гурилын үйлдвэрүүдэд хийж буй шалгалт үргэлжилж байна. Талхны үнэ нэмэгдсэн шалтгааныг “Талх чихэр” ХК-ийн төлөөлөл тайлбарлахдаа дэлхийн жишигт нийцсэн олон улсын стандарт нэвтрүүлж байгаатай холбоотой гэжээ. Мөн валютын ханшийн өсөлт, тоног төхөөрөмжийн шинэчлэл зэргээс шалтгаалж бүтээгдэхүүний үнээ есдүгээр сарын 1-ний өдрөөс эхлэн нэмсэн гэдгээ хүлээн зөвшөөрсөн байна. Гэхдээ "Талх Чихэр" компанийн нийт үйлдвэрлэлийн 50-60 хувийг эзэлдэг, хэрэглэгчдийн өдөр тутмын хэрэглээ болсон "Атар" талхны үнийг нэмээгүй. Жижиглэнгийн дэлгүүрүүд үнийг нь нэмсэн байж магадгүй” гэжээ.

Тиймээс ШӨХТГ-аас талх, гурилын үнээ нэмсэн аж ахуйн нэгжүүдэд үнээ буулгах үүрэг даалгаврыг албан тоотоор хүргүүлжээ. Хэрэв үүрэг даалгаврыг биелүүлээгүй тохиолдолд Зөрчлийн тухай хуулийг үндэслэн хуулийн этгээдийг 20 сая хүртэлх төгрөгөөр торгож, зөрчлийг арилгуулах аж.

Э.БУРАМ

Энэ мэдээнд өгөх таны сэтгэгдэл?
3
ХарамсалтайХарамсалтай
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

1 2020-09-08 119.40.103.6

Энэ үнийн хөөрөгдөл үүсгээд байгаа аж ахуйн нэгжүүдийн үйл ажиллагаа явуулж байгаа объекуудын газрыг буцааж ТӨР аваад иргэдэд үйлчлэх, шуналгүй тэр ААН нэгжүүдэд өгөөд тэр үйл ажиллагааг нь дэмжиж ажилламаар байна аа ЗАСГИЙН ГАЗАР

Avatar

зах зээлийн э/з гэж байхгүй шүү. 2020-09-08 64.119.23.102

шалгаад,шалгаад ямар ч үр дүн гарахгүй тогтолцоотой улс орон шүү дээ.үнэ нэмэх ямар ч үндэслэлгүй гэдгийг тэнэг хүнээс ч асуухад хэлээд өгнө дөө.бид энэ нийгмийн тогтолцоог өөрчилж байж тэр зах зээлээ ярина уу гэхээс одоогийн зг хуулийнхаа дагуу үнийн хувид төр зохицуулах ни зөв.зг бүрэн эрхийн хэм хэмжээг шинэ хуулиар олгогдсон байдаг юм.үүнийг хүрэлсүх хэрэгжүүлэх ёстой.төрийн зохицуулалт хий.дураараа дургиж дунд чөмөгөөрөө жиргэх цаг өнгөрсөөн

Avatar

ss 2020-09-08 59.153.115.229

svv hhk bas svvniihee vniig nemsen b.aleeshdee..namar bolhoor baraaniihaa vniig aajim aajmaar nemchih yum.

Avatar

Зочин 2020-09-08 202.180.220.77

Шалгаж хэрэггүй. Үнэ өсөлтийг хүчээр буулгадаггүй юм аа. Өрсөлдөөн, бизнесийн таатай нөхцөл, чөлөөт хөрөнгө оруулалт, татвараар зах зээлийн үнийг барьдаг юм аа, дарга нар аа. Хүчээр үнэ барих гэсэн нэг ч оролдлого бүтэж байгаагүй. Венесуэлд барааны үнийг хүчээр барих гээд юу болж байгааг анзаарч байгаа байх гэж бодож байна.

Avatar

Зочин 2020-09-08 124.158.95.139

Харин ч үндэсний үйлдвэрлэгч нар л энэ хил хаалттай, хүнд үед өөрсдөө хамаг эрсдлээ үүрээд , чирээд явж байгаа ш дээ, гадуур Бүх л юмны үнэ нэмэгдсэн байсан, нэмэхээс ч өөр аргагүй нөхцөл байдалтай байгаа ш дээ.

Avatar

хэрэглэгч 2020-09-08 202.126.89.116

Рублийн ханш харин ч буурсан ш дээ. 38 орчим байхад яахаараа үнэ нэмэгдэнэ гэж?

Avatar

Зочин 2020-09-08 64.119.24.11

Mongoliin valyutiin hansh uur shuudee urid n hed baisan hamaagui. 10 aar buuhad une heveeree 1 eer usuhud hamag yumnii une nemegdene. Tugrugt hen itgedegui uchraas ter tiimees u desnii valjut gej huurhiilelguigeer shuud dollar . Ruble. Esvel yuaniig dodtoodiin valyut bolgo

Avatar

Вальютын ченж нар байгаа цагт ханшаа хянан гэж байхгүй 2020-09-08 103.242.47.94

huuchin binzen une nemegdeheer buh ym nemegddeg bsan bol odoo hudlaa валюьтын hansh geh shig shn s***h ymaa

Avatar

Монгол 2020-09-08 202.179.26.208

Улаанбуудайн нөөц дууссан Оросын холбооны улсаас улаан буудай импортолж байгаа бөгөөд рубьлийн ханш өссөн тул гурилын үнэ дагаж өссөн бодовч ургац хураасны дараа дотоодын үйлдвэрийн буудайгаар гурил үйлдвэрлэгчдийг хангах юм байна гэж ойлгогдож байхад гурилын үнэнд юальютийн ханшийн өөрчлөлт огт хамаагүй гээд байгаа хүмүүс бол жинхэн Оркууд гэдгээ олон нийтэд тод харуулж байна.

Avatar

иргэн 2020-09-08 202.21.124.18

энэ луйварчингуудийг бариж хориж байгаад шалгах хэрэгтэй, хүний хармаанаас шууд хулгай хийж байна. төр нүүрээ харуулаач эээ

Avatar

Зочин 2020-09-08 202.126.89.125

Одоо бүр мах гурилаа ч авахад хэцүү боллоо….ажил төрөлд орох юмсаан бурхан минь…..

Avatar

Зочин 2020-09-08 202.126.89.125

Гурил чинь манай дотооддоо үйлдвэрлэдэг хүнс бус уу ???

Avatar

turiin tumur nuur-g haruul 2020-09-08 66.181.189.42

guriland valiut ymar hamaa bnaa?hucah yumaa olj ydah yuma?tur n archaagui bolohoor darhlagdsan hulgach nar n yumnii une nemehdee tiim ch uchiraas iim ch baidalaas geed shaltag shaltgaanaa dor n zohiochih yumaa?uursduu l mungu olj bval uls ard tumend hamaagui iimerhuu oligarhiudiig tur tumur nuur uzuuleech.ymar buzartai novshnuud ve?tsadaj hanadaggui tembuunuud ve?nasaaraa ideed barahgui hurungutei hulgaich nart turiin daramt uzuul.Tsenguund tom shalgalt oruulj busdiig urialan duudsan geed ?

Avatar

Зочин 2020-09-08 103.229.123.129

ur, benzinee valutaar avch bgaa shuu

Avatar

Зочин 2020-09-08 103.229.122.101

Гурилын нэмэгдэх ямар ч үндэслэл байхгүй,валютын ханш хамаагүй,хамаарал байхгүй шүү дээ ?

Avatar

irgen 2020-09-08 192.82.66.72

худлаа үнэн ярьж өсгөх шалтаг олоод л нэмээд байгаам даа буурвал чимээгүй л зараад бна да . Монголын худалдаачид улс төрчид шигээ новшийн шуналтай

Avatar

УГААДАС УУЖ УГААРААР АМЬДРАГСАД 2020-09-08 77.73.66.109

НИЙСЛЭЛ ХОТЫН ИРГЭД БИД УГААДАС УУЖ УГААРААР АМЬДРАГСАД БОЛЖЭЭ ОДОО БИД ӨӨРЧЛӨЛТ ХИЙНЭ

Avatar

Зочин 2020-09-08 180.149.65.2

гоё юм аа шударга өрсөлдөөний газар үнэ буулгах тушаал өгдөг бүх юмны үнийг шударга өрсөлдөөний газар мэдэж тогтоодог юм уу

NewsMN Гар утасны хувилбар Татах
NEWS.mn

Мэдээллийн эх сурвалж