Өглөөний уулзалт хэлэлцүүлэг зохион байгууллаа | News.MN

Өглөөний уулзалт хэлэлцүүлэг зохион байгууллаа

Хуучирсан мэдээ: 2020.09.07-нд нийтлэгдсэн

Өглөөний уулзалт хэлэлцүүлэг зохион байгууллаа

Өглөөний уулзалт хэлэлцүүлэг зохион байгууллаа

Харилцаа холбооны зохицуулах хорооноос санаачлан салбарын хамтын ажиллагаа, уялдаа холбоог сайжруулах зорилгоор өнөөдөр Өглөөний уулзалт, хэлэлцүүлгийг зохион байгууллаа. Уулзалтад Монгол Улсын Их Хурлын гишүүн, Инновац, цахим бодлогын байнгын хорооны дарга Н.Учрал, Харилцаа холбооны зохицуулах хорооны дарга Г.Чинзориг, Харилцаа холбоо мэдээллийн технологийн газрын дарга Б.Болор-Эрдэнэ, ШӨХТГ-ын дарга Б.Бат-Эрдэнэ, Монголын телевизүүдийн холбоо, Олон сувгийн дамжуулах үйлчилгээ эрхлэгчид, өргөн нэвтрүүлгийн телевизүүдийн төлөөлөл оролцлоо.

Уулзалтаар Өргөн нэвтрүүлгийн тухай хууль шинээр батлагдаж, 2020 оны 7 дугаар сарын 1-ний өдрөөс хүчин төгөлдөр мөрдөгдөж эхэлсэнтэй холбогдуулан даган гарах журмуудын талаар нээлттэй хэлэлцэж, талууд санал солилцлоо. Уулзалтын үеэр Харилцаа холбооны зохицуулах хорооны дарга Г.Чинзориг Өргөн нэвтрүүлгийн тухай хууль болон даган гарах журмуудын хүрээнд өргөн нэвтрүүлгийн үйлчилгээ эрхлэгчдэд шударга тэгш өрсөлдөх эрх зүйн орчин бүрдүүлж, үйлчилгээ эрхлэгчид үндэсний контентыг чанаржуулан, үзэгч, хэрэглэгчид үндэсний өв соёлыг түгээн дэлгэрүүлсэн бүтээлийг хүргэх замаар улс орны хөгжил дэвшилд хувь нэмэр оруулахад харилцаа холбооны салбарын хамтын ажиллагаа чухал гэдгийг онцолсон юм.

Монгол Улсын Их Хурлын гишүүн, Инновац цахим бодлогын байнгын хорооны дарга Н.Учрал Өргөн нэвтрүүлгийн тухай хууль батлагдахдаа олон талт оролцоог хангасан. Одоо батлагдсан хууль дээр сайн ажиллах, даган гарах журмуудыг нээлттэй хэлэлцүүлж, гарсан саналуудыг сайтар тусгах хэрэгтэй. “Оюуны өмчийн тухай хууль” энэ оны 12 дугаар сарын 01-ний өдрөөс хүчин төгөлдөр мөрдөгдөж эхэлнэ. Тус хуулиар контент бүтээгч өөрсдийн оюуны бүтээлээ бодитоор үнэлүүлж, хамгаалж, түүнийхээ үр өгөөжийг бодитоор хүртэж, үнэ цэнийг нэмэгдүүлж байж бид хөгжинө. Үндэсний контент бол Үндэсний оюуны өмчийн томоохон капитал юм гэдгийг тэмдэглэн хэллээ.

Шударга өрсөлдөөн хэрэглэгчийн төлөө газрын дарга Б.Бат-Эрдэнэ үйлчилгээ эрхлэгчид үнэ тогтоохдоо журмын хүрээнд зохицуулалтыг тусгах, салбарын байгууллага хоорондын өрсөлдөөн шударга байх зарчим баримтлах санал дэвшүүлж, тун удахгүй Өрсөлдөөний тухай хууль, Хэрэглэгчийн эрхийг хамгаалах тухай, Зар сурталчилгааны тухай хуулиудад нэмэлт өөрчлөлт оруулахаар төлөвлөн ажиллаж байгаагаа хэлсэн юм.

Шинэ долоо хоногийн шинэ өдрийн эхлэлийг Мэдээлэл, харилцаа холбооны салбарынхан хамтдаа өглөөний уулзалтаар угтаж,  нээлттэй санал солилцож, салбарын тулгамдаж буй асуудал, гарц шийдлийг талаар үр дүнтэй хэлэлцлээ.

Энэ мэдээнд өгөх таны сэтгэгдэл?
3
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

смарт залууст 2020-09-07 202.179.27.105

Гүй ээ мөн… ухаалаг сайхан, боловсролтой залуус байхын. Бүх ажил үйлчилгээгээ хувийн хэвшлийнхэнд хуульчилан шилжүүлээд Монголын төр, Ард түмнийхээ өмнө Гавъяа байгуулаач… Хувийнхан та нараас хамаагүй дээр хийчихнэ дээ. Мөн их төсөв мөнгө хэмнэнээ…. Та нар тэгж чадна шд

Avatar

Зочин 2020-09-07 66.181.190.91

Naaduul chin hezee ch tegehgui l dee. s***h yumgui bolood turj uhne

NewsMN Гар утасны хувилбар Татах
NEWS.mn

Мэдээллийн эх сурвалж