ЭМЯ: ХӨСҮТ-д эмчлүүлж буй 6 хүний бие хүндэвтэр байна | News.MN

ЭМЯ: ХӨСҮТ-д эмчлүүлж буй 6 хүний бие хүндэвтэр байна

Хуучирсан мэдээ: 2020.09.07-нд нийтлэгдсэн

ЭМЯ: ХӨСҮТ-д эмчлүүлж буй 6 хүний бие хүндэвтэр байна

ЭМЯ: ХӨСҮТ-д эмчлүүлж буй 6 хүний бие хүндэвтэр байна

Эрүүл мэндийн яамнаас коронавируст халдварын талаар цаг үеийн ээлжит /2020.09.07/ мэдээлэл хийж байна. Улсын хэмжээнд өнөөдрийн байдлаар 3600 хүн ажиглалтад  байна. Тусгаарлах байранд шинээр 365 хүн орж 652 хүн гэрийн ажиглалт руу шилжжээ.

ЭМЯ-ны 24 цагийн 119 шуурхай утсанд  сүүлийн гурав хоногийн хугацаанд нийт   98 дуудлага ирж коронавируст халдварын талаарх эмнэлзүйн зөвлөгөө авчээ.

СҮҮЛИЙН ГУРАВ ХОНОГТ КОРОНАВИРУС ИЛРЭЭГҮЙ

ХӨСҮТ-ийн Тандалт судалгааны албаны дарга А.АМБАСЭЛМАА: 

-Өчигдөр ХӨСҮТ-ийн нийт лабораторит 421 хүнд шинжилгээ хийхэд коронавирус илрээгүй.  Үүнийг задалбал,

  • Наймдугаар сарын 24-нд Токио-Улаанбаатар хотын чиглэлийн тусгай үүргийн онгоцоор ирсэн 257
  • Алтанбулагийн боомтоор хил нэвтэрсэн Ачаа тээврийн 27 хүн
  • Дархан-Уул аймагт тусгаарлагдсан 6 хүний давтан шинжилгээ
  • Тусгаарлан ажиглах байранд буй 28 хүний давтан шинжилгээ
  • Дорноговь аймгийн Замын-Үүд суманд тусгаарлагдсан 106 хүний шинжилгээ
  • Цэргийн төв эмнэлэгт тусгаарлагдсан 3 хүний шинжилгээний хариу тус тус сөрөг гарлаа. ХӨСҮТ-д өнөөдрийн байдлаар 14 хүн эмчлэгдэж байгаагаас 6 хүний биеийн байдал хүндэвтэр байна гэлээ.

Нийт батлагдсан 310 тохиолдлоос 296 нь эдгээд байна. Эдгэсэн хүмүүсийн 16 нь сувилалд, 25 нь гэрийн ажиглалтад байна. Сүүлийн гурав хоногт нийт 1726 хүнд шинжилгээ хийхэд коронавирус илрээгүй байна.

ТАРВАГАН ТАХЛЫН БУЛЧИРХАЙ ХЭЛБЭРЭЭР ӨВЧИЛСӨН ХҮНИЙ БИЕ ХҮНД БАЙНА

ЭМЯ-ны Тандалт шуурхай удирдлагын хэлтсийн дарга Д.НАРАНГЭРЭЛ:

-БНСУ-д коронавирусийн халдвар авсан манай улсын найман иргэн хэвтэн эмчлүүлж байна. Тэдний биеийн байдал дунд зэрэг байна. Мөн Завхан аймгийн Тосонцэнгэл суманд тарваган тахлын булчирхай хэлбэрээр өвчилсөн хүний биеийн байдал хүндэрч уушгины хэлбэрт шилжсэн. Тухайн хүний биеийн байдал маш хүнд байна. Уушгины хэлбэрт шилжсэн учраас эрүүл мэндийн байгууллагаас онцгой анхаарал хандуулж байна. Тухайн хүнтэй нэгдүгээр хавьталд орсон 25 хүн байгаа юм. Тэдэнд тарваган тахлын нян үүсгэгч илрүүлэх шинжилгээ хийхэд бүгд сөрөг гарсан.

Б.ЦЭЦЭГ

ЭМЯ: Covid-19-ийн халдварын тархалтын талаарх цаг үеийн мэдээллийг хүргэж байна

ЭМЯ: Covid-19-ийн халдварын тархалтын талаарх цаг үеийн мэдээллийг хүргэж байна

Posted by News.mn on Sunday, September 6, 2020

Энэ мэдээнд өгөх таны сэтгэгдэл?
4
ХарамсалтайХарамсалтай
1
ГайхмаарГайхмаар
1
ТэнэглэлТэнэглэл
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Аниа 2020-09-07 39.115.114.99

Солонгос эмч хэлж б. Гадуур цацаад байгаа ариутгалын бодис хортой уушиг муудна гэж б. Чийгшүүлэгчийн бодисоос болж 100 хүн үхсэн. Тэрэнтэй адил хэрэг давтагдана гэж анхааруулж б

Avatar

Зочин 2020-09-07 39.115.114.99

Солонгос эмч хэлж б. Гадуур цацаад байгаа ариутгалын бодис хортой уушиг муудна гэж б. Чийгшүүлэгчийн бодисоос болж 100 хүн үхсэн. Тэрэнтэй адил хэрэг давтагдана гэж анхааруулж б

Avatar

зочин 2020-09-07 103.26.195.55

Маш олон хүн эдгэрлээ. Эмнэлэгээс гарлаа гэхюм Нэг ч хүн өвчнийхээ талаар болон эмчлүүлсэн талаар ярихгүй их сонин юмаа

Avatar

Зочин 2020-09-07 192.82.67.71

Би өвдсөн гээд олон нийтэд ярьж болох уу. Та байсан бол яах вэ, олон нийт танд яаж хандах бол гээд бодож үзээрэй.

Avatar

Зочин 2020-09-07 103.229.120.89

Хувь хүний эрүүл мэндийн нууц хуулиараа хамгаалагддаг хэн ч өөрийгөө хэлэх гэж явахгүй. Эрүүл мэндийн асуудал нууц шүү. Эдгэрсэн гэдэг нь л хангалттай мэдээлэл

NewsMN Гар утасны хувилбар Татах
NEWS.mn

Мэдээллийн эх сурвалж